ޒަމާނީ ސީޕްލޭން ޓާމިނަލް؛ ހިތްގައިމު ލޯންޖުތަކާ އެކު ހުޅުވަން ތައްޔާރު

އާ ސީޕްލޭން ޓާމިނަލް "ނޫވިލް": މިހާރު ދަނީ ޓާމިނަލްގެ އެންމެ ފަހުގެ ޓްރަޔަލްތައް

އާ ސީޕްލޭން ޓާމިނަލް "ނޫވިލް": މިހާރު ދަނީ ޓާމިނަލްގެ އެންމެ ފަހުގެ ޓްރަޔަލްތައް

"މިއަދު މީ ވަރަށް އުފާވެރި ދުވަހެއް، އަޅުގަނޑުމެންގެ ސީޕްލޭން ޓާމިނަލްގެ ޓްރަޔަލްތައް ނިމި، ފަށަނީ މި" މިދިޔަ ބުރާސްފަތި ދުވަހު ނޫސްވެރިންނަށް ސީޕްލޭން ޓާމިނަލް ދައްކާލަމުން، މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް)ގެ ޑެޕިއުޓީ މެނޭޖިން ޑިރެކްޓަރު އިބްރާހިމް ތޯހާ ވިދާޅުވި އެވެ.

ހިތްގައިމު ލޯންޖުތަކާ އެކު އިމާރާތްކޮށްފައިވާ އާ ސީޕްލޭން ޓާމިނަލްގެ މިހާރު ކުރިއަށް ދަނީ އެންމެ ފަހުގެ ޓްރަޔަލް އެވެ. 14 ވަރަކަށް ޓްރަޔަލްއަށްފަހު ހުޅުވަން ތައްޔާރުވެފައިވާ ރާއްޖޭގެ މި ޓާމިނަލަކީ މުޅި ދުނިޔޭގެ ވެސް އެންމެ ބޮޑު ކޮމާޝަލް ސީޕްލޭން އޮޕަރޭޝަނަލް ޓާމިނަލެވެ. އެއާއެކު އެވްރެޖްކޮށް، 4500 އާއި 7000 އާ ދެމެދުގެ އަދަދެއްގެ މީހުން ދުވާލެއްގެ މައްޗަށް މިތަން ބޭނުންކުރާނެ އެވެ.

ނޫސްވެރިންނަށް ޓާމިނަލްގެ ޓުއާ ދެއްވަމުން ތޯހާ ވިދާޅުވީ ލޯ ސީޒަނުގައި އެވްރެޖުކޮށް 300 ސީޕްލޭން މޫވްމަންޓް އޮޕަރޭޓްކުރާއިރު، ހައި ސީޒަނނުގައި 600 މޫވްމަންޓް އޮޕަރޭޓް ކުރާނެ ކަމަށެވެ. ގިނަ ބަޔަކަށް ހިދުމަތް ދިނުމަށް ބޮޑު ސީޕްލޭން ޓާމިނަލެއް އިމާރާތްކޮށްފައިވާއިރު، އެތަނުގައި މަސައްކަތް ކުރުމަށް 100 އެއްހާ ދިވެހިން ރެކްރޫޓުކޮށް، ޓްރެއިންކޮށް، ވަޒީފާ ދީފައި ވާކަން ތޯހާ ފާހަގަކުރެއްވި އެވެ.

"އަޅުގަނޑުމެން މި ޓާމިނަލް ހަދާ ނިންމާލިއިރު، މިތަން ޑިޒައިންކުރިއިރު އަޅުގަނޑުމެން ވަރަށް ބޮޑަށް ބެލިން އެންމެ ޒަމާނީ އަދި ދިވެހިވަންތަ ހިދުމަތެއް މިތަނުން ފޯރުކޮށްދެވޭތޯ،" ތޯހާ ވިދާޅުވި އެވެ.

ޓާމިނަލް ޑިޒައިން ކޮށްފައިވަނީ، ޓާމިނަލް ބޭނުންކުރާ ފަސިންޖަރުންގެ އެކްސްޕީރިއަންސަށް ވަރަށް ބޮޑަށް ބަލައިގެންނެވެ. ތޯހާ ވިދާޅުވީ ޓާމިނަލް ބޭނުންކުރަނީ ވަރަށް ހައި އެންޑް ފަތުރުވެރިން ކަމަށްވާއިރު، އެމީހުންނަށް ރިސޯޓުތަކުން ލިބޭ ފަދަ ހިދުމަތްތައް ޓާމިނަލުން ވެސް ދެވޭތޯ މަސައްކަތް ކޮށްފައިވާނެ ކަމަށެވެ.

އާ ސީޕްލޭން ޓާމިނަލް "ވިލުނޫ"ގެ ކޮމަން ލޯންޖު -- ފޮޓޯ: އަބްދުﷲ އިޔާން/ އަދަދު
އާ ސީޕްލޭން ޓާމިނަލް "ވިލުނޫ"ގެ ކޮމަން ލޯންޖު -- ފޮޓޯ: އަބްދުﷲ އިޔާން/ އަދަދު

އާ ސީޕްލޭން ޓާމިނަލް "ވިލުނޫ"ގެ ކޮމަން ލޯންޖު -- ފޮޓޯ: އަބްދުﷲ އިޔާން/ އަދަދު

ކަސްޓަމަރުންނަށް ހިތްގައިމު ތަޖުރިބާއެއް ލިބިދޭކަން ޔަގީންކޮށްދިނުމަށް ޓާމިނަލް ނިމޭއިރު، 50 ވަރަކަށް ރިސޯޓު ލައުންޖު ހުންނާނެ ކަމަށް ތޯހާ ވިދާޅުވި އެވެ. ރިސޯޓް ލައުންޖުތަކުގެ އިތުރުން އެމްއޭސީއެލުން ވަނީ ކޮމަން އަދި ބިޒްނަޒް ލައުންޖެއް ގާއިމްކޮށްފަ އެވެ. އެތަންތަނުން ވެސް އެންމެ ޒަމާނީ އަދި ދިވެހިވަންތަ ހިދުމަތްތައް ލިބިގެންދާނެ ކަމަށް ތޯހާ ވިދާޅުވި އެވެ.

އެމްއޭސީއެލްގެ ދެ ލައުންޖު ނޫން އެހެން ހުރިހާ ލައުންޖެއް ރިސޯޓުތަކަށް ހާއްސަކޮށްފައިވާއިރު، ހަ ލައުންޖު ފިޔަވައި ހުރިހާ ލައުންޖެއް މިހާރު ވަނީ ވިއްކާފަ އެވެ. މިހާރު ވިއްކާފައިވާ ލައުންޖްތަކުގެ ތެރެއިން ހަތަރު ލައުންޖެއް ބޭނުން ކުރަން ވެސް ވަނީ ފަށާފަ އެވެ. އޭގެ ތެރޭގައި ހިމެނެނީ، ފޯ ސީޒަންސް، އިންޓަކޮންޓިނެންޓަލް، ޖޯލި އަދި ސޮނޭވާގެ ލައުންޖުތަކެވެ.

އާ ސީޕްލޭން ޓާމިނަލް "ވިލުނޫ"ގައި ގާއިމްކޮށްފައިވާ ފޯ ސީޒަންސްގެ ލޯންޖު -- ފޮޓޯ: އަބްދުﷲ އިޔާން/ އަދަދު
އާ ސީޕްލޭން ޓާމިނަލް "ވިލުނޫ"ގައި ގާއިމްކޮށްފައިވާ ފޯ ސީޒަންސްގެ ލޯންޖު -- ފޮޓޯ: އަބްދުﷲ އިޔާން/ އަދަދު

އާ ސީޕްލޭން ޓާމިނަލް "ވިލުނޫ"ގައި ގާއިމްކޮށްފައިވާ ފޯ ސީޒަންސްގެ ލޯންޖު -- ފޮޓޯ: އަބްދުﷲ އިޔާން/ އަދަދު

ސީޕްލޭން އޮޕަރޭޝަންތަކުގެ ބޮޑުބައެއް އާ ޓާމިނަލަށް ބަދަލުކޮށްފައި ވާއިރު، ކުރިއަށް އޮތް ތިން މަސް ތެރޭގައި، ޓްރަޔަލްތައް ނިމި، ސީޕްލޭންގެ ހުރިހާ އޮޕަރޭޝަނެއް އާ ޓާމިނަލަށް ބަދަލު ކުރާގޮތަށް ވަނީ ހަމަޖެހިފަ އެވެ. އެއާއެކު އެއާޕޯޓުގެ އާ ރަންވޭ ހުޅުވުމުގެ މަސައްކަތް ވެސް ކުރަމުންދާ ކަމަށް ތޯހާ ވިދާޅުވި އެވެ.

އެމްއޭސީއެލްގެ އެންމެ ބޮޑު އަމާޒަކީ އާ ރަންވޭ މި އަހަރުގެ ނިމުމުގެ ކުރިން ބޭނުން ކުރަން ފެށުން

އޭނާ ވިދާޅުވި ގޮތުގައި ކުރިއަށް އޮތް ހަފްތާއެއްހާ ދުވަސްތެރޭގައި ސީޕްލޭން އޮޕަޜޭޝަންތައް އާ ޓާމިނަލަށް ބަދަލު ކުރެވި، ރަސްމީކޮށް ހިދުމަތް ދޭން ފެށޭނެ އެވެ. އަދި، އެއާއެކު 500 އަށްވުރެ ގިނަ ވަޒީފާގެ ފުރުސަތު އެތަނުން ހުޅުވިގެން ދާނެ ކަމަށް އޭނާ ވިދާޅުވި އެވެ.

ސީޕްލޭން ޓާމިނަލާ ބެހޭ ޓެކްނިކަލް މައުލޫމާތުތައް ހިއްސާ ކުރަމުން ޗީފް ޑިވެލޮޕްމަންޓް އޮފިސަރު މުހައްމަދު ސޯލާހް ވިދާޅުވީ، ކުރީގެ ސީޕްލޭން ޓާމިނަލުގެ ހުރިހާ ތަނެއް ރީލޮކޭޓް ނުކުރެވޭނެ ކަމަށެވެ. ނަމަވެސް، ހޭންގަރު ރީލޮކޭޓުކޮށް، ބޭނުންކުރަމުންދާ ކަމަށެވެ. އޭނާ ވިދާޅުވީ ޓީއެމްއޭއިން ބޭނުންކުރަމުންދާ ޓާމިނަލް އޭ، ބީ އަދި ސީ އާ ޓާމިނަލަށް ބަދަލުކުރާނީ އާ ޓާމިނަލް ފުރިހަމައަށް އޮޕަރޭޓް ކުރަން ފެށުމުން ކަމަށެވެ.

އާ ސީޕްލޭން ޓާމިނަލް "ނޫވިލް"ގެ ޑޮކް -- ފޮޓޯ: އަބްދުﷲ އިޔާން/ އަދަދު
އާ ސީޕްލޭން ޓާމިނަލް "ނޫވިލް"ގެ ޑޮކް -- ފޮޓޯ: އަބްދުﷲ އިޔާން/ އަދަދު

އާ ސީޕްލޭން ޓާމިނަލް "ނޫވިލް"ގެ ޑޮކް -- ފޮޓޯ: އަބްދުﷲ އިޔާން/ އަދަދު

ސޮލާހް ވިދާޅުވީ، އާ ޓަމިނަލުގައި މިހާރު 47 ޑޮކެއް ބޭނުންކުރަމުންދާއިރު ހަ ޑޮކެއްގެ މެއިންޓެނެންސް މަސައްކަތް ކުރަމުންދާ ކަމަށެވެ. އާ ޓަމިނަލުގެ ބޮޑުބައެއް ޓީއެމްއޭއަށް ދޫކޮށްފައިވާއިރު، ޓީއެމްއޭއަށް ވަނީ 42 ޑޮކެއް ދޫކޮށްފަ އެވެ. އަދި، މަންތާ އެއާއަށް ނުވަ ޑޮކު ދޫކޮށްފައިވާއިރު، މޯލްޑިވިއަނަށް ވެސް ނުވަ ޑޮކު ވަނީ ކަނޑައަޅާފަ އެވެ.

އޭގެ އިތުރަށް 24 ޑޮކެއް ތަރައްގީ ކުރުމުގެ މަސައްކަތް ކުރަމުންދާ ކަމަށް ވެސް ސޮލާހް ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox