ދަރަނި ނެގުމާ ބެހޭ މާއްދާތަކުގެ ސަސްޕެންޝަން އުވައިލަން ގަރާރެއް

ރައްޔިތުންގެ މަޖިލީހުގެ މާވަށު ދާއިރާގެ މެމްބަރު މުހައްމަދު ސައީދު މަޖިލީހުގެ ޖަލްސާއެއްގައި ވާހަކަ ދައްކަވަނީ. ފައިސާ ޗާޕްކުރަން ސަސްޕެންޑް ކުރި މާއްދާތަކުގެ ސަސްޕެންޝަން އުވައިލަން އޭނާ ހުށަހެޅުއްވި

ރައްޔިތުންގެ މަޖިލީހުގެ މާވަށު ދާއިރާގެ މެމްބަރު މުހައްމަދު ސައީދު މަޖިލީހުގެ ޖަލްސާއެއްގައި ވާހަކަ ދައްކަވަނީ. ފައިސާ ޗާޕްކުރަން ސަސްޕެންޑް ކުރި މާއްދާތަކުގެ ސަސްޕެންޝަން އުވައިލަން އޭނާ ހުށަހެޅުއްވި

ކޮވިޑް-19 ގެ ބަލިމަޑުކަމާ ހެދި ރާއްޖެއަށް ކުރިމަތިވި މާލީ މައްސަލައަށް ހައްލެއް ހޯދަން، އެމްއެމްއޭގެ ޕަބްލިކް އެކައުންޓް އޯވަޑްރޯ ކުރުމަށް ޓަކައި (ފައިސާ އިތުރަށް ޗާޕްކުުރުމަށް ޓަކައި) އެކަމަށް ހުރަސް އަޅާ މާއްދާތައް ސަސްޕެންޑްކޮށްފައި އޮތް އޮތުން އުވައިލަން ގޮވާލައި، ރައްޔިތުންގެ މަޖިލީހުގެ މާވަށު ދާއިރާގެ މެމްބަރު މުހައްމަދު ސައީދު މަޖިލީހަށް މިއަދު ގަރާރެއް ހުށަހަޅުއްވައިފި އެވެ.

ކޮވިޑް ކޮންޓްރޯލްކުރަން އެޅި ފިޔަވަޅެއްގެ ގޮތުގައި ރާއްޖޭގެ ބޯޑަރު ބަންދުކޮށް، ޓޫރިޒަމް ހުއްޓުމުން، ފައިސާ އިތުރަށް ޗާޕްކުރުމަށް ޓަކައި ސަސްޕެންޑްކުރީ ދައުލަތުގެ ހަރަދަށް ޒިންމާވުމުގެ ގާނޫނުގެ 32 ވަނަ މާއްދާގެ (ހ) އާއި (ރ) އާއި (ބ) އެވެ.

އެ މާއްދާތައް ފުރަތަމަ ސަސްޕެންޑްކުރީ 2021 ވަނަ އަހަރު އެވެ. އެ މާއްދާތައް ސަސްޕެންޑްކޮށް، ހަތަރު ބިލިޔަން ރުފިޔާ ޗާޕްކުރުމުގެ ހުއްދަ، މަޖިލީހުން ދިނީ އެއް އަހަރު ދުވަހަށެވެ. އޭގެ ފަހުން މިއަހަރުގެ އޭޕްރިލް މަހު އެ ހުއްދަ ވަނީ އަލުން އާކޮށްދީފަ އެވެ. ދައުލަތުގެ ހަރަދަށް ޒިންމާވުމުގެ ގާނޫނުގައި ކަނޑައަޅާފައިވާ މިންގަނޑަށް ވުރެ އިތުރަށް ލޯނު ނެގުމުގެ ފުރުސަތު ވެސް އެ މާއްދާތައް ސަސްޕެންޑްކޮށްފައި އޮތުމުން ސަރުކާރަށް ލިބެ އެވެ.

އެ މާއްދާތަކުގެ ސަސްޕެންޝަން އުވައިލަން ޖެހޭ އެއް ސަބަބަކީ ގަރާރުގައި ސައީދު ވިދާޅުވި ގޮތުގައި އެ މާއްދާތަކުގެ ސަސްޕެންޝަން އުވައިލަން އެދިވަޑައިގަންނަވަނީ ރާއްޖޭގެ އިގުތިސާދު ރަނގަޅަށް ކަމަށް ރައީސް އިބްރާހީމް މުހައްމަދު ސޯލިހު ވިދާޅުވެފައި ވުމެވެ. އަންނަ އަހަރު ރާއްޖޭގެ ޖީޑީޕީ 9.7 ޕަސެންޓުން ކުރިއަރާނެ ކަަމަށް ފިނޭންސް މިނިސްޓަރު އިބްރާހީމް އަމީރު ވިދާޅުވެފައިވުމަކީ ވެސް ސައީދު ވިދާޅުވި ގޮތުގައި މާއްދާތަކުގެ ސަސްޕެންޝަން އުވައިލަން ޖެހޭ ސަބަބެކެވެ.

"ގާނޫނުގައި ކަޅާއި ހުދުން މި މާއްދާތައް ލިޔެފައި ވަނީ ގައުމުގެ އިގުތިސާދު ނަގަހައްޓައި އަދި ސަރުކާރުން ނަގަމުންދާ ވަކި މިންގަނޑެއްގެ ތެރޭގައި ހިފަހައްޓައި ހަރުދަނާ އިގުތިސާދީ ސިޔާސަތުތަކެއް ތަންފީޒުކުރުމަށާއި ދުނިޔެ ގަބޫލުކުރާ އެކައުންޓިން ހަމަތަކަށް ތަބާވެ، ގައުމުގެ އިގުތިސާދުގެ މައިތަނބު ރޫޅިގެން ދިޔަ ނުދިއުމަށް ޓަކައި ކަމަށް ވީ ހިނދު،" ގަރާރުގައި ސައީދު ވިދާޅުވި އެވެ.

އޭނާ ވިދާޅުވީ ރައްޔިތުންގެ މަޖިލީހުގެ ބަހެއް ނެތި ސަރުކާރުން ހިތުހުރި ގޮތަކަށް ލޯނު ނެގުމާއި ދަރަނި ދައްކަން ލޯނު ނެގުން ފަދަ އިގުތިސާދަށް އޭގެ ގެއްލުން ބޮޑު ކަންތައްތައް ކުރުމުގެ ފުރުސަތު އޮތުމުން ގައުމަށާއި ރައްޔިތުންނަށް އިއާދަކުނުކުރެވޭ ވަރުގެ ގެއްލުން ލިބިދާނެ ކަމުގެ ބިރު އެބަ އޮތް ކަމަށެވެ. އެހެންވެ, އެ މާއްދާތަކަށް އަމަލުކުރުން ހުއްޓުވާފައި އޮތް އޮތުން ނިމުކަކަށް ގެންނަން އޭނާ އިލްތިމާސް ކުރެއްވި އެވެ.

ސަސްޕެންޑް ކުރި މާއްދާއިން މަނާކުރާ ކަންތައްތައް

ކޮވިޑްގެ ބަލިމަޑުކަމުގައި ފައިސާ ޗާޕްކުރުމަށް ޓަކައި ސަސްޕެންޑްކުރީ ދައުލަތުގެ ހަރަދަށް ޒިންމާވުމުގެ ގާނޫނުގެ 32 ވަނަ މާއްދާގެ ތިން އަކުރެކެވެ. އޯވަޑްރޯކުރުން ނުވަތަ ފައިސާ ޗާޕްކުރުމުގެ މިންގަނޑުތައް އޮތީ އެ މާއްދާގެ (ހ) ގަ އެވެ. އެ އަކުރުގައިވާ ގޮތުން މަރުކަޒީ ބޭންކުން ދަރަންޏަށް ފައިސާ ނެގޭނީ ގިނަ ވެގެން 91 ދުވަހުގެ ތެރޭގައި ދައްކައި ހަލާސްކުރާ ގޮތަށެވެ. އެގޮތަށް ނެގޭނީ ވެސް ތިން އަހަރު ދުވަހުގެ ތެރޭގައި ދައުލަތަށް ލިބުނު އާމްދަނީގެ ޖުމްލައިން އަހަރަކަށް ޖެހޭ އާމްދަނީގެ އެއް ޕަސެންޓާ އެއްވަރުގެ އަދަދެއްގެ ފައިސާ އެވެ.

މިދިޔަ ދެ އަހަރު ދުވަހުގެ ތެރޭގައި ސަރުކާރުން ފައިސާ ޗާޕްކުރީ މި މިންގަނޑާ ހިލާފަށެވެ. އެއީ އެ އަކުރަށް އަމަލުކުރުން ވަގުތީ ގޮތުން ހުއްޓައިލަން މަޖިލީހުން ފާސްކޮށްފައި އޮތީމަ އެވެ.

ދައުލަތުގެ ހަރަދަށް ޒިންމާވުމުގެ ގާނޫނުގެ 32 ވަނަ މާއްދާގެ (ރ)ގައިވާ ގޮތުން 1 ޖެނުއަރީ 2016 އިން ފެށިގެން، ދައުލަތުން ދަރަންޏަށް ފައިސާ ނަގަންވާނީ، ގައުމީ ތަރައްގީގެ މަޝްރޫއުތަކަށާއި، އުފެއްދުންތެރިކަން އިތުރުކުރެވޭނެ ވަސީލަތްތައް ހޯދުމަށް އެކަންޏެވެ. ދަރަނި އަދާކުރުމަށް ޓަކައި ދަރަންޏަށް ފައިސާ ނެގުމަކީ އެ އަކުރުން މަނާކޮށްފައި އޮތް ކަމެކެވެ.

އެ މާއްދާގެ (ބ)ގައިވާ ގޮތުން ސަރުކާރުގެ ކޭޝްފްލޯ މެނޭޖްކުރުމަށް ޓަކައި ( ދުވަހުން ދުވަހަށް ކުރަން ޖެހޭ ހަރަދުތައް ކުރުމަށް ޓަކައި) އެމްއެމްއޭ އިން ފައިސާ ނެގޭނީ 14 ދުވަހުގެ ތެރޭގައި ދައްކާ ގޮތަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox