ދޯންޏެއްގައި ދެ ކޮންޓެއިނަރު ދޭތެރޭ ފިތިގެން މީހަކު މަރުވެއްޖެ

ހާދިސާގައި މަރުވި އަބްދުﷲ: އޭނާގެ އަންބަކާއި ފަސް ކުދިން ދުނިޔޭގައި އެބަ ތިބި

ހާދިސާގައި މަރުވި އަބްދުﷲ: އޭނާގެ އަންބަކާއި ފަސް ކުދިން ދުނިޔޭގައި އެބަ ތިބި

މ. ތުވަރު ބޭރުގައި ބަނދަރުކޮށްފައި އޮތް ދެ ދޯންޏެއްގެ ދޭތެރޭ މީހަކު މަރުވެއްޖެ އެވެ.

އެ ހާދިސާގައި މަރުވީ ބ. ހިތާދޫ، އަބްދުﷲ އަހުމަދު، 60، އެވެ.

ފުލުހުން ބުނީ ދެ ދޯނި ދޭތެރޭ މީހަކު ފިތުނު ހާދިސާ ހިނގާފައިވަނީ މޫސުން ގޯސްވެފައި ވަނިކޮށް މ. ތުވަރު ކައިރިން ބަނދަރުކޮށްގެން އޮތް ދެ ދޯންޏެއް ކައިރިކޮށްގެން އުޅުމުގެ ތެރޭގައި މިއަދު ހަވީރުކަމަށެވެ. އެ ހާދިސާގެ ރިޕޯޓު ލިބިފައިވަނީ މިއަދު ހަވީރު 4:40 ހާއިރުކަމަށް ވެސް ފުލުހުން ބުންޏެވެ.

Advertisement

އެ ހާދިސާ ހިނގި ދެ ދޯނި ދުއްވާ ލިޓަސް ކުންފުނިން ބުނީ އަބްދުﷲ ފިތުނީ އެއް ދޯނީގައި ހުރި ކޮންޓެއިނަރަކާއި އަނެއް ދޯނީގެ ފައްގަނޑާ ދޭތެރެއަށް ކަމަށް ބެލެވޭ ކަމަށެވެ.

ލިޓަސް ކެރިއާ-2 ، އަބްދުﷲ މަސައްކަތްކުރަމުން އައީ މި ދޯނީގައި
ލިޓަސް ކެރިއާ-2 ، އަބްދުﷲ މަސައްކަތްކުރަމުން އައީ މި ދޯނީގައި

ލިޓަސް ކެރިއާ-2 ، އަބްދުﷲ މަސައްކަތްކުރަމުން އައީ މި ދޯނީގައި

ލިޓަސްގެ އޮފިޝަލަކު "އަދަދު" އަށް ވިދާޅުވި ގޮތުގައި އެކުންފުނީގެ ދެ ދޯނި ކަމަށްވާ، 92 ފީޓުގެ ލިޓަސް ކެރިއާ-2، އަދި 100 ފޫޓަށް ވުރެ ދިގު ލިޓަސް ކެރިއާ-6 ދޯނި، މ. ތުވަރު ބޭރުގައި ބަނދަރުކުރީ ކޮންޓެއިނަރުތަކެއް އަރުވައިގެން އައްޑު އަށް ދަތުރު ކުރަނިކޮށް ކަނޑު ގަދަ ވެގެންނެވެ. އަބްދުﷲ ހުރީ އޭނާ މަސައްކަތްކުރާ ލިޓަސް ކެރިއާ-2 ދޯނީގައި ކަމަށާއި އޭނާ ފިތުނީ ދޯނި ރޯލުކުރުމުގެ ތެރޭގައި ކަމަށް ވެސް ލިޓަސްގެ އޮފިޝަލް ވިދާޅުވި އެވެ. ދެ ދޯނި އަޅާފައި އޮތީ، އެއް ދޯންޏާއި އަނެއް ދޯންޏާ ޖައްސައިގެން ކަމަށް އޭނާ ވިދާޅުވި އެވެ.

ލިޓަސްގެ އޮފިޝަލް ވިދާޅުވީ ހިނގި ހާދިސާއަށް ފަހު އަބްދުﷲ ދޯނިތެރެއަށް ވެއްޓުނީ، ތެދުވެ ހިނގައިގަތް ފަހުން ކަމަށެވެ.

މ. ތުވަރު
މ. ތުވަރު

މ. ތުވަރު

ހާދިސާ އަށް ފަހު ސީއެމްބިއުލާންސްގައި އަބްދުﷲ ގެންދިޔައީ ތުވަރާ 22 ކިލޯމީޓަރު ދުރުގައި އަތޮޅުގެ އިރުމަތީ ބިތުގައި އޮތް މުއްޔަށެވެ.

މ. މުލި ރީޖަނަލް ހޮސްޕިޓަލާ ހަވާލާ ދީ ފުލުހުން ބުނީ އޭނާ ހޮސްޕިޓަލަށް ގެނައިއިރު ވެސް އޮތީ މަރުވެފައި ކަމަށެވެ.

އެ ހޮސްޕިޓަލް މެނޭޖަރު އަހުމަދު ނާފިޒު މި ނޫހަށް ވިދާޅުވީ އެ މީހާ މަރުވީ، ދެ ދޯނި ކައިރިކޮށްގެން އުޅުމުގެ ތެރޭގައި، ދެ ދޯނި ދޭތެރެއަށް ވެއްޓުމުގެ ސަބަބުން ކަމަށެވެ. ހާދިސާ ހިނގައިގެން މުލިން ޑޮކްޓަރުންގެ ޓީމެއް އެ ދޯނި ކައިރިޔަށް ދިޔަ ކަމަށް ނާފިޒު ވިދާޅުވި އެވެ.

ނިޔާވިއިރު އަބްދުﷲ އަށް ލިބިފައިވާ އަނިޔާގެ ތަފްސީލެއް ޑޮކްޓަރުންގެ ފަރާތުން އަދި ނުލިބޭ ކަމަށް ނާފިޒު ވިދާޅުވި އެވެ.

ތުވަރަކީ ޒަމާނުއްސުރެ ވެސް ދެކުނުގެ ރަށްތަކަށް ދާ އަދި އަންނަ ބޯޓުފަހަރު ބަނދަރުކުރާ ރަށެކެވެ. އެ ރަށަކީ އަމިއްލަ ފަރާތަކަށް ކުއްޔަށް ދީފައިވާ ރަށެކެވެ.

އަބްދުﷲ މަރުވިއިރު، އޭނާގެ އަންބަކާއި ފަސް ކުދިން ދުނިޔޭގައި އެބަ ތިއްބެވެ. ކުރިން މަސްވެރިކަމަށާއި ކަންނެއްޔަށް ދިޔަ އަބްދުﷲ ލިޓަސްގެ ވަޒީފާ އަށް ވަނީ 2018ގައި ކަމަށް އެ ކުންފުނިން ބުންޏެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox