ހުލާސާކޮށް އިއްޔެ: ހުޅުމާލެ ކޯޓު އުވާލުމުގެ މަސައްކަތް ޖޭއެސްސީން ފެށުން

ހުޅުމާލެ ކޯޓުގެ ނަން ބޯޑު. އެ ކޯޓު އުވާލުމުގެ މަސައްކަތް ކުރިޔަށްގެންދާނެ ކަމަށް ޖޭއެސްސީން ވަނީ ބުނެފައި -- ފޮޓޯ: ފައިލް

ހުޅުމާލެ ކޯޓުގެ ނަން ބޯޑު. އެ ކޯޓު އުވާލުމުގެ މަސައްކަތް ކުރިޔަށްގެންދާނެ ކަމަށް ޖޭއެސްސީން ވަނީ ބުނެފައި -- ފޮޓޯ: ފައިލް

ހުޅުމާލެ މެޖިސްޓްރޭޓް ކޯޓު އުފައްދާފައި އޮތީ ގާނޫނާ އެއްގޮތަށް ކަމަށް ކުރީގެ ސުޕްރީމް ކޯޓުން ކަނޑައަޅާފައި އޮތް ނަމަވެސް އެ ހުކުމަށް ނުބަލައި، ކޯޓު އުވާލުމުގެ މަސައްކަތް ކުރިއަށް ގެންދިއުމަށް ޖުޑީޝަލް ސާވިސް ކޮމިޝަނުން ނިންމީ އިއްޔެ އެވެ.

ހުޅުމާލެ ކޯޓު އުފެއްދީ ރަނގަޅަށް ކަމަށް ކުރީގެ ސުޕްރީމް ކޯޓުން ކަނޑައެޅީ ޑިސެމްބަރު 5، 2012 ގަ އެވެ. އެ ނިންމުން އެންމެ މަތީ ކޯޓުން އަލުން މުރާޖައާ ކުރުމަށް މިފަހުން ޖޭއެސްސީން އަލުން ހުށަހެޅި އެވެ. ނަމަވެސް މި ހިނގާ ފެބްރުއަރީ 8، ގައި ކޯޓުން ނިންމީ އެ މައްސަލަ ނުބެލުމަށެވެ.

ޖޭއެސްސީން އިއްޔެ ނެރުނު ބަޔާނުގައި ބުނެފައި އޮތީ ސުޕްރީމް ކޯޓުން އެ މައްސަލަ މުރާޖައާ ނުކުރުމަށް ނިންމި ނަމަވެސް، "ހުޅުމާލޭ މެޖިސްޓްރޭޓް ކޯޓު އުވާލުމައްޓަކައި ކުރަންޖެހޭ މަސައްކަތްތައް މި ދަނީ ކުރަމުން" ކަމަށެވެ.

Advertisement

ޖުޑީޝަލް ސާވިސް ކޮމިޝަނުން އިއްޔެ ބުނީ މައްސަލަ މުރާޖައާ ނުކުރުމަށް ސުޕްރީމް ކޯޓުން ނިންމީ "ގާނޫނީ ބޮޑު ފުށުއެރުމެއް އަދި ފާޅުކަން ބޮޑު ބޭއިންސާފެއް" ހުކުމުގައި ފެންނަން ނެތުމުން ކަމަށެވެ.

"ސުޕްރީމް ކޯޓުގެ ހަވާލާދެވުނު ނިޔާ ބިނާވެފައި ވަނީ ކަނޑައެޅިގެން ގާނޫނާ ހިލާފަށް އަދި ހަގީގަތާ ވެސް ހިލާފު ކަންތައްތަކެއްގެ މައްޗަށް،" ޖޭއެސްސީން އިއްޔެ ނެރުނު ބަޔާނުގައިވެ އެވެ.

އެކަމާ ގުޅިގެން އިއްޔެ ކުރެއްވި ޓްވީޓެއްގައި ބަންޑާރަ ނައިބު އިބްރާހިމް ރިފްއަތު ވިދާޅުވީ އެއީ ސިޔާސީ މަގްސަދެއް ހާސިލްކުރުމަށް އުފެއްދި ކޯޓެއް ކަމަށެވެ.

"ގާނޫނާ ހިލާފު އެ ނިންމުން ނަގަހައްޓާފައިވަނީ 2012/SC-S/31 ގަޒިއްޔާއިން. ގާނޫނުގައި ނެތް ކަމެއް ގާނޫނާ އެއްގޮތަށް ނުކުރެވޭނެ! ގާނޫނީ މިބޮޑު ފުށުއެރުން/ފާޅުކަން ބޮޑު ބޭއިންސާފު ރަނގަޅު ކުރުމަށް ގާނޫނު އިސްލާހު ކުރާނަން،" ރިފްއަތު އިއްޔެ ވިދާޅުވި އެވެ.

އިއްޔެ ޖޭއެސްސީގެ ރައީސް ހިސާން ހުސައިން މި މައްސަލައާ ގުޅިގެން "އަދަދު" އަށް ވިދާޅުވި ގޮތުގައި ޝަރުއީ ނިންމުމެއް ބަދަލުކުރަން ގާނޫނަށް އިސްލާހު ގެނެއުމަކީ ޝަރުއީ ކޯޓެއްގެ ނިންމުމަކަށް ގޮންޖެހުމެއް ނޫނެވެ. ނުވަތަ އެ ހުކުމެއްގެ ހުރުމަތް ކަނޑާލުމެއްވެސް ނޫނެވެ.

"މިސާލަކަށް އެއީ ސުޕްރިމް ކޯޓުގެ ނިންމުމަކުން ކަނޑައެޅޭ ޕޮލިސީއަކާ [އުސޫލަކާ] ޑީވިއޭޓް [ހިލާފު] ނުވެވޭނެ އެކޭ ނޫން، އެ ޕޮލިސީއަކަށް ބަދަލު ގެންނަން އެމީހުން [ސުޕްރީމް ކޯޓުން] ސެޓް ކުރި ޑައިރެކްޝަން ޗޭންޖް ކުރަން ބޭނުންވެއްޖިއްޔާ [އުސޫލު ބަދަލުކުރަން ބޭނުންނަމަ] ގާނޫނު ހަދައިގެން އެ [ބަދަލު] ކުރެވޭނެ،" ހިސާން ވިދާޅުވި އެވެ.

ކޯޓުތަކާ ބެހޭ ގާނޫނުގައި ބުނެފައި އޮތީ މާލޭގައި އުފައްދޭނީ ސުޕީރިއާ ކޯޯޓުތައް ކަމަށެވެ. އެ ގާނޫނުގައި ބުނެފައިވާ ގޮތުން މާލެ ނޫން ރަށްރަށުގައި އުފެއްދޭނީ މެޖިސްޓްރޭޓް ކޯޓެވެ. ގާނޫނުއަސާސީގައި މާލެ މާނަކޮށްފައި އޮތީ ހުޅުމާލެ އަދި ވިލިމާލެ ހިމެނޭހެންނެވެ.

ބައެއް މުހިންމު ހަބަރުތައް

  • ރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް މުހައްމަދު ނަޝީދު އަވަހާރަކޮށްލަން ދިން ޓެރަރިސްޓު ހަމަލާގެ ތަހުގީގުގެ ކަންކަން ހިނގައިދާ ގޮތް ގާތުން ބަލައި ފާރަވެރިވުމަށް "މޭ ހައެއް" ނަމުގައި އެ ޕާޓީން އުފައްދާފައިވާ ކޮމިޓީއާ އެމަނިކުފާނު ފުރަތަމަ ފަހަރަށް ބައްދަލުކުރެއްވީ އިއްޔެ އެވެ.
  • ސޯޝަލް މީޑިއާ ޕްލެޓްފޯމް ފޭސްބުކްގައި ޓެރަރިޒަމް ފެތުރުމަށް ފުޅާ ދާއިރާއެއްގައި މަސައްކަތް ކުރި ކަމަށް ބުނާ އަދި ޓެރަރިސްޓު ޖަމާއަތް އައިސިސްގެ ފަރާތުން ފައިސާ ހޯދި ކަމަށް ތުހުމަތު ކުރެވޭ ހދ. ނޭކުރެންދޫ، ޝާޒިން، އަހުމަދު މުނާޒް ނުވަތަ "އަބޫ ޔޫސުފް" ގެ މައްޗަށް އުފުލި ދައުވާތައް ސާބިތު ނުވާ ކަމަށް ކްރިމިނަލް ކޯޓުން ހުކުމްކޮށްފައިވާ ކަމަށް ރިޕޯޓްކުރީ އިއްޔެ އެވެ.
  • އާއިލާއެއް އެކުގައި އުޅޭ ކަމުގައި ވަނީ ނަމަ ދެ ކޮޓަރީގެ ފްލެޓެއް ނޫނީ ގެއެއް އެއީ ހައްލެއް ނޫން ކަމަށާއި އެ ފަދަ ތަންތަނުގެ ޖާގަ އެއަށް ވުރެ ތަނަވަސްކޮށް ހުންނަންޖެހޭ ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ވިދާޅުވީ އިއްޔެ އެވެ.

ދުވަހުގެ ކޯޓޭޝަން

ހުޅުމާލެ މެޖިސްޓްރޭޓް ކޯޓު އުފައްދާފައި އޮތީ ގާނޫނާ އެއްގޮތަށް ކަމަށް ކުރީގެ ސުޕްރީމް ކޯޓުން ކަނޑައަޅާފައި އޮތް ނަމަވެސް އެ ހުކުމަށް ނުބަލައި، ކޯޓު އުވާލުމުގެ މަސައްކަތް ކުރިއަށްގެންދިއުމަށް ޖުޑީޝަލް ސާވިސް ކޮމިޝަނުން ނިންމީ ކީއްވެގެންތޯ "އަދަދު" އިން ސުވާލު ކުރުމުން އެ ކޮމިޝަންގެ ރައީސް ހިސާން ހުސައިން ވިދާޅުވީ:

"އަސްލު ވަރަށް ބޮޑު ކޮންފިއުޝަންއެއް [އޮޅުމެއް] އެއީ މީހުންގެ ތެރޭގައި އޮންނަ، ސުޕްރީމް ކޯޓުގެ ނިންމުމެއް އޮތީމަ ދެން ނިމުނީހޭ؟ އެކަމަކު އެއީ އަލްޓިމޭޓް ޑިސިޝަން (އެންމެ ފަހުގެ ނިންމުމެއް) ނޫން އެއީ އަސްލު، އެވެސް ކޮންމެސް ތަނަކުން ބަދަލު ކުރެވޭނެ އެއްޗެއް،"

ދުވަހުގެ ފޮޓޯ

ކާށިދޫ ކުރުހިންނަ ތަރާގަނޑު މިހާރު ހުރި ގޮތް. 1996 ވަނަ އަހަރު ކާށިދޫ ކުރުހިންނަ ތަރާގަނޑު ހޯދިއިރު އެތަނުގައި އެކިވަރުގެ 64 ބިނާ ހަދާފައި ހުރި. އެތަން އަލުން ސާފުކުރުމުގެ މަސައްކަތް މިހާރުގެ ކައުންސިލުން ފެށި އިރު އެތަން އޮތީ ވަރަށް ބޮޑަށް ހަލާކުވެފައި. އެތަން ތަރައްގީކުރުމަށް އެ ރަށުގެ ކައުންސިލްގެ ޕްލޭނެއް އެބައޮތް -- ފޮޓޯ: އާއިމް ޒަމީރު/އަދަދު
ކާށިދޫ ކުރުހިންނަ ތަރާގަނޑު މިހާރު ހުރި ގޮތް. 1996 ވަނަ އަހަރު ކާށިދޫ ކުރުހިންނަ ތަރާގަނޑު ހޯދިއިރު އެތަނުގައި އެކިވަރުގެ 64 ބިނާ ހަދާފައި ހުރި. އެތަން އަލުން ސާފުކުރުމުގެ މަސައްކަތް މިހާރުގެ ކައުންސިލުން ފެށި އިރު އެތަން އޮތީ ވަރަށް ބޮޑަށް ހަލާކުވެފައި. އެތަން ތަރައްގީކުރުމަށް އެ ރަށުގެ ކައުންސިލްގެ ޕްލޭނެއް އެބައޮތް -- ފޮޓޯ: އާއިމް ޒަމީރު/އަދަދު

ކާށިދޫ ކުރުހިންނަ ތަރާގަނޑު މިހާރު ހުރި ގޮތް. 1996 ވަނަ އަހަރު ކާށިދޫ ކުރުހިންނަ ތަރާގަނޑު ހޯދިއިރު އެތަނުގައި އެކިވަރުގެ 64 ބިނާ ހަދާފައި ހުރި. އެތަން އަލުން ސާފުކުރުމުގެ މަސައްކަތް މިހާރުގެ ކައުންސިލުން ފެށި އިރު އެތަން އޮތީ ވަރަށް ބޮޑަށް ހަލާކުވެފައި. އެތަން ތަރައްގީކުރުމަށް އެ ރަށުގެ ކައުންސިލްގެ ޕްލޭނެއް އެބައޮތް -- ފޮޓޯ: އާއިމް ޒަމީރު/އަދަދު

ދިރާސާތަކުން ކިޔާލުމަށް

"ލީގަލް އެންޑް ޖަސްޓިސް ސެކްޓާ ބޭސްލައިން ސްޓަޑީ"

މިއީ 2015 ވަނަ އަހަރު ޔޫއެންޑީޕީ އިން ރާއްޖޭގެ ޝަރުއީ ނިޒާމާ ގުޅޭގޮތުން ޝާއިއުކޮށްފައިވާ ދިރާސާއެކެވެ. މި ދިރާސާގައި ވަނީ އޭގެ ވިއްސަކަށް އަހަރު ކުރިން ފެށިގެން ރާއްޖޭގެ ޝަރުއީ ނިޒާމަށް އައިސްފައިވާ ބަދަލުތަކާއި، އެ ބަދަލުތަކުގެ ސަބަބުން ލިބިފައިވާ ކުރިއެރުންތަކަށް ބަލާލާފަ އެވެ. އަދި، ވަކިކޮޅަކަށް ނުޖެހި ދެފުށް ފެންނަ ގޮތަށް ޝަރުއީ ނިޒާމް ހިންގުމުގައި ދިމާވެފައިވާ ގޮންޖެހުންތައް ވެސް ގެނެސްދީފައިވެ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox