ޑްރަގާ ގުޅިފައި ތިބި ސިޔާސީ މީހުން މިނިސްޓަރަށް އެނގޭ، އެކަމަކު ނަމެއް ވިދާޅެއް ނުވި

ހޯމް މިނިސްޓަރު އިމްރާން: ޑްރަގްގެ ނެޓްވޯކްތަކުގެ މުގުލުގައި ތިބި ސިޔާސީ މީހުން މިނިސްޓަރަށް އެނގިވަޑައިގަންނަވާ ކަމަށް ވިދާޅުވި - ފޮޓޯ: މުހައްމަދު ޝަބީން / އަދަދު

ހޯމް މިނިސްޓަރު އިމްރާން: ޑްރަގްގެ ނެޓްވޯކްތަކުގެ މުގުލުގައި ތިބި ސިޔާސީ މީހުން މިނިސްޓަރަށް އެނގިވަޑައިގަންނަވާ ކަމަށް ވިދާޅުވި - ފޮޓޯ: މުހައްމަދު ޝަބީން / އަދަދު

މަސްތުވާތަކެއްޗާ ދެކޮޅަށް ކުރާ މަސައްކަތަށް ސަރުކާރުގެ ތެރެއިން ވެސް ސިޔާސީ ނުފޫޒާއި ހުރަސްތައް ކުރިމަތިވާ ކަމާއި އެކަމުގެ ފަހަތުގައި ތިބީ ކޮން ބައެއްކަން އެނގިވަޑައިގަންނަވާ ކަމަށް ހޯމް މިނިސްޓަރު އިމްރާން އަބްދުالله ވިދާޅުވެއްޖެ އެވެ.

އެކި އޮޕަރޭޝަންތަކުގައި އަތުލައިގެންފައިވާ 314.8 ކިލޯގެ މަސްތުވާތަކެތި ނައްތާލަން ފުލުހުން މިއަދު ދޫނިދޫގައި ބޭއްވި ހަރަކާތަށްފަހު, މަސްތުވާތަކެއްޗާ ދެކޮޅަށް ފުލުހުން ކުރާ މަސައްކަތަށް ސަރުކާރުގެ އެއްވެސް އިދާރާއެއްގެ ނުފޫޒު ފޯރާތޯ ކޮމިޝަނާ އޮފް ޕޮލިސް މުހައްމަދު ހަމީދަށާއި ހޯމް މިނިސްޓަރު އިމްރާން އަބްދުاللهއަށް ނޫސްވެރިން ސުވާލު އަމާޒުކުރި އެވެ.

އެ ސުވާލަށް ޖަވާބު ދެއްވަމުން ސީޕީ ހަމީދު ވިދާޅުވީ އެކަން އެގޮތަށް ނެތް ކަމަށް ނުދެންނެވޭނެ ކަމަށާާއި ސަރުކާރުގެ ތެރެއިން މަސްތުވާތަކެތީގެ ވިޔަފާރީއަށް އެއްބާރުލުންދޭ މީހުން ދެނިގަތުމަށް ތަހުގީގު ކުރަމުންދާ ކަމަށެވެ.

Advertisement

ނަމަވެސް, އެ ސުވާލަށް ސީދާ ޖަވާބެއް ދެވޭވަރަށް މިވަގުތު މައުލޫމާތު ނެތް ކަމަށް އޭނާ ވިދާޅުވި އެވެ.

"މިވަގުތު ސަރުކާރު މުއަސަސާތަކުން އަޅުގަނޑުމެން ކުރާ މަސައްކަތަށް ހުރަސް އަޅަން ތިބީ ކޮން ބައެއްތޯ ތިބީ، ކިހާ މީހުންނެއްތޯ ތިބީ، ކީއްތޯ އެމީހުން ކުރަނީ، އެއީ އަޅުގަނޑުމެން އަބަދުވެސް ބަލާނެ ކަންތައްތައް. އެކަމަކު ސާފުކޮށް އެކަން އެގޮތަށް ނެތެކޭވެސް އަޅުގަނޑު ނުދަންނަވާނަން," ސީޕީ ވިދާޅުވި އެވެ.

ސީޕީ ހަމީދު މިއަދުގެ އިވެންޓްގައި ނޫސްވެރިންނަށް މައުލޫމާތު ދެއްވަނީ - ފޮޓޯ: މުހައްމަދު ޝަބީން / އަދަދު
ސީޕީ ހަމީދު މިއަދުގެ އިވެންޓްގައި ނޫސްވެރިންނަށް މައުލޫމާތު ދެއްވަނީ - ފޮޓޯ: މުހައްމަދު ޝަބީން / އަދަދު

ސީޕީ ހަމީދު މިއަދުގެ އިވެންޓްގައި ނޫސްވެރިންނަށް މައުލޫމާތު ދެއްވަނީ - ފޮޓޯ: މުހައްމަދު ޝަބީން / އަދަދު

ހޯމް މިނިސްޓަރު އިމްރާން އަބްދުﷲ އެންމެ ބޮޑަށް ކަންބޮޑުުވުން ފާޅުކުރެއްވީ މަސްތުވާތަކެތީގެ ނެޓްވޯކްތަކުގެ މުގުލުގައި ސިޔާސީ ފަރާތްތަކެއް ތިބިކަން ފާހަގަކުރައްވަމުންނެވެ. އެއީ, ކޮން ފަރާތްތަކެއް މިނިސްޓަރަށް އެނގިވަޑައިގަންނަވަ އެވެ. ނަމަވެސް ވިދާޅުވީ އެމީހުންގެ ނަން ހާމަކުރަން ބޭނުން ނުވާ ކަމަށެވެ.

"އަޅުގަނޑުމެން އެފަރާތްތަކުގެ ވާހަކަ ނުދައްކަނީ. ތިބޭފުޅުން (ނޫސްވެރިން) އެވާހަކަތައް ދައްކަންވީ. އަޅުގަނޑު މި ދެންނެވީ އެންމެ ފަހުން މި މައްސަލަތަކުގައި ގެންދެވިފައި ހުރި ފަރާތްތައް ބެލީމާ ތިބޭފުޅުންނަށް އިނގިލައްވާނެ އެއީ ކޮން ފަރާތްތަކެއްކަން އެއީ. އެހެންވީމަ ކޮންމެހެން އަޅުގަނޑު ކިޔަން ޖެހޭނެ ކަމަކަށް އަޅުގަނޑު ގަބޫލެއް ނުކުރަން," އިމްރާން ވިދާޅުވި އެވެ.

މިނިސްޓަރު ވިދާޅުވި ގޮތުގައި އެ މީހުންނާ ހަމައަށް ވާސިލްވުމަށް މަސައްކަތް ކުރަމުން އަންނަ މުއަސަސާތަކަށް ވެސް "ބައިވަރު ޗެލެންޖްތައް ކުރިމަތި ކުރުވަ" އެވެ. އަދި ނޫސްވެރިއަކު ތަހުގީގީ ނަޒަރަކުން އެ ވާހަކަތައް ގެންނަން މަސައްކަތް ކުރާނަމަ އެކަމަށްވެސް ހުރަސް އަޅާނެ ކަމަށް އިމްރާން ވިދާޅުވި އެވެ.

މި ވާހަކަތަކާއެކު ނޫސްވެރިން ސުވާލު އުފެއްދީ ފުލުހުންގެ ތެރޭގައި މަސްތުވާތަކެއްޗަށް ހިއްވަރު ދޭނެ މީހަކު ހުރަދާނެތޯ އެވެ. ނުވަތަ މަސްތުވާތަކެތީގެ ނެޓްވޯކްތަކުގެ މުގުލުގައި ތިބި ސިޔާސީ މީހުން "ފަހާ ސަރުކާރުން ނުދުވަނީ" ކީއްވެތޯ އެވެ.

މިނިސްޓަރު ވިދާޅުވީ ފުލުހުގައި މަސައްކަތް ކުރާ ފަރާތެއް މަސްތުވާތަކެއްޗަށް ހިއްވަރުދޭކަން އިނގެއްޖެ ނަމަ، ވަގުތުން ވަޒީފާއިން ވަކިކުރުމަށްފަހު، ގާނޫނީ ފިޔަވަޅު އަޅާނެ ކަމަށެވެ. އަދި މސްތުވާތަކެތީގެ މައްސަލަތަކުގައި ޝާމިލް ވަނީ ހަމައެކަނި ސިޔާސީ ފަރާތްތަކެއް ނޫން ކަމަށް ވިދާޅުވެ، އެވާހަކަ އިތުރަށް ކުރިއަށް ނުގެންދެވި އެވެ.

މަސްތުވާތަކެތީގެ މައްސަލަތައް ހައްލުކުރުމަށްޓަކައި ރައީސް އިބްރާހީމް މުހައްމަދު ސޯލިހް ރިޔާސަތު ބަލަހައްޓަވާ ގޮތަށް މިހާރު ހާއްސަ ޓާސްކް ފޯހެއް ވަނީ އެކުލަވާލައިފަ އެވެ. އިމްރާން ވިދާޅުވީ، ޓާސްކް ފޯހުން ކުރަމުންދާ މަސައްކަތުގެ ނަތީޖާ އަންނަ އަހަރުގެ ފުރަތަމަ ތިން މަހުގެ ތެރޭގައި ފެންނާނެ ކަމަށެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox