ނޫހަކަށް ދިން އިންޓަވިއުއަކާ ގުޅިގެން ފުލުހުންގެ ޑްރަގް އެންފޯސްމެންޓް ޑިޕާޓްމެންޓް (ޑީއީޑީ)ގެ ހެޑް ސުޕްރިންޑެންޓެންޓް އޮފް ޕޮލިސް އަހްމަދު ޝާކިރަށް ފިޔަވަޅު އަޅަން ކޯޓުން އުޅުނު ކަމަށް ޕޮލިސް ކޮމިޝަނަރު މުހައްމަދު ހަމީދު ވިދާޅުވެއްޖެ އެވެ.
"ދާދި ފަހުން ވެސް އަޅުގަނޑުމެންގެ ޑްރަގް އެންފޯސްމަންޓް ޑިޕާޓްމަންޓުގެ ހެޑް، އިންޓަވިއުއެއްގައި ވިދާޅުވި އެއްޗަކާ ގުޅިގެން ކޯޓަށް ހާޒިރުކޮށް، ހަމަ ވަރަށް ގާތްވި ފިޔަވަޅު އެޅުމާ" އިއްޔެ ބޭއްވި ނޫސްވެރިންގެ ބައްދަލުވުމުގައި ހަމީދު ވިދާޅުވި އެވެ.
އެއީ ކޮން ކޯޓެއް ކަމެއް އަދި އަޅަން މަސައްކަތްކުރީ ކޮން ބާވަތެއްގެ ފިޔަވަޅެއް ކަމަށް އޭނާ ހާމަކައެއް ނުކުރައްވަ އެވެ.
ޑްރަގު މައްސަލަތައް ހައްލު ނުވުމާއި، ޑްރަގު ވިޔަފާރީގައި އުޅޭ ބޮޑުން ދޫވާ މައްސަލައިގެ ކަންބޮޑުވުން ހަމީދު އިއްޔެ ވެސް ހިއްސާކުރެއްވެވި އެވެ.
މިދިޔަ އޮކްޓޯބަރު މަހު 315 ކިލޯގެ މަސްތުވާތަކެތި، ދެ އޮޕަރޭޝަނެއްގައި އަތުލައިގަނެ އެއާ ގުޅުން ހުރި ބޮޑު ދެ މީހަކު ކޯޓަށް ހާޒިރުކުރުމުން ވަނީ ދޫކޮށްލައިފަ އެވެ. ފަހުން އިތުރު ތިން ބޮޑުން ދޫކޮށްލި އެވެ.
