ކ. ގުރައިދޫގައި އުމުރުން ދެ އަހަރުގެ ކުޑަ ކުއްޖަކު މޫދުގައި މަރުވެފައި އޮއްވާ ފެނިއްޖެ އެވެ.
ފުލުހުން ބުނި ގޮތުގައި މިއަދު 13:16 ހާއިރު، ގުރައިދޫން ކުޑަ ކުއްޖަކު ގެއްލިގެން އުޅޭކަމުގެ ރިޕޯޓެއް ލިބިފައިވާ ކަމަށާއި ކުއްޖާ ފެނުނީ މޫދުގައި އޮތްވާ ކަމަށެވެ.
"ކުއްޖާ ރަށު ސިއްހީ މަރުކަޒަށް ގެންދިޔަތާ މާ ގިނަ އިރުތަކެއް ނުވަނީސް ކުއްޖާ މަރުވެފައިވާ ކަމަށް ވަނީ،" ފުލުހުން ބުންޏެވެ.
ގުރައިދޫ ކައުންސިލް ރައީސް ހުސެއިން ޔާމީން ރަޝީދު ވިދާޅުވީ އެ ހާދިސާ ހިނގައި ދިޔައީ ކުއްޖާގެ މަންމަ އަރިތިމަތީގައި އިނދެ އެ ކުއްޖާއަށް ކާން ދިނުމަށްފަހު، ތަށި ގޭތެރެއަށް ލާން ދިޔަ ވަގުތުގައި ކަމަށެވެ.
އެ ގެއަކީ މޫދާ ވަރަށް ކައިރީގައި ހުންނަ ގެއެކެވެ.
"ދެން ނިކުމެ ބެލިއިރު، ކުއްޖާ ފެންނަން ނެތީމަ ހޯދަމުން ދިޔައީ. ދަނިކޮށް ފެނުނީ މޫދުން،" ޔާމީން ވިދާޅުވި އެވެ.
