ހޯމް މިނިސްޓަރު އިމްރާން އަބްދުﷲ އާއި ކޮމިޝަނަރު އޮފް ޕޮލިސް މުހައްމަދު ހަމީދު އުތުރުގެ ބައެއް ރަށްތަކަށް ރަސްމީ ދަތުރެއް ފަށްޓަވައިފި އެވެ.
މިއަދުން ފެށިގެން މި މަހުގެ 7 ވަނަ ދުވަހުގެ ނިޔަލަށް، ހަތަރު ދުވަހަށް ކުރައްވާ އެ ދަތުރުގައި ވަޑައިގަންނަވާނީ ނޯތު ޕޮލިސްގައި ހިމެނޭ ހއ. ހދ. ށ. އަދި ރ. އަތޮޅުގެ ބައެއް ރަށްތަކަށެވެ.
ފުލުހުން ބުނީ ހއ. އަތޮޅަށް ވަޑައިގެން ތުރާކުުނުގައި ފުލުހުންގެ ހިދުމަތް ރަސްމީކޮށް ފެށުމުގެ ގޮތުން އެ ރަށުގެ ޕޮލިސް ޑެސްކު ހުޅުވައިދެއްވުމަށް ހަމަޖެހިފައިވާ ކަމަށެވެ. އަދި ހޯރަފުއްޓާއި ހދ. ކުޅުދުއްފުއްޓަށްވެސް ވަޑައިގަތުމަށް ހަމަޖެހިފައިވާއިރު، ކުޅުދުއްފުށީގައި އަވަށްޓެރި ފުލުހުންގެ ހިދުމަތްް ރަސްމީކޮށް ފައްޓަވައި ދެއްވުމަށް ވެސް ހަމަޖެހިފައިވާ ކަމަށް ފުލުހުން މައުލޫމާތުދެ އެވެ. އަދި ށ. ފޭދޫ ޕޮލިސް ޕޯސްޓު ރަސްމީކޮށް ހުޅުވައި ދެއްވުން ވެސް ދަތުރުގައި ހިމެނެ އެވެ.
މީގެ އިތުރުން ރ. އަތޮޅު ހުޅުދުއްފާރު ޕޮލިސް ޕޯސްޓު ރަސްމީކޮށް ހުޅުވައި ދެއްވުމުގެ އިތުރުން އެ އަތޮޅު އުނގޫފާރަށް ވަޑައިގެންނެވުމަށް ވެސް ހަމަޖެހިފައއިވާ ކަމަށް ފުލުހުން ބުނެ އެވެ.
އެ ދަތުރުގައި މިނިސްޓަރު އިމްރާން އާއި ސީޕީގެ އަރިހުގައި ފުލުހުންގެ ސީނިއާ ބައެއް އޮފިސަރުން ވެސް ބައިވެރިވެ އެވެ.
