އިންތިހާބަކާ ނުލާ ނާޒިމް އެމްއެންޕީގެ ރައީސްކަމަށް، އުޝާމް އަދި ރިޔާޒް ނައިބު ރައީސުންނަށް

އެމްއެންޕީގެ އިސް ލީޑަރުން.

އެމްއެންޕީގެ އިސް ލީޑަރުން.

އަލަށް އުފެއްދި މޯލްޑިވްްސް ނެޝަނަލް ޕާޓީ (އެމްއެންޕީ) ގެ ރައީސްކަމަށް ރައްޔިތުންގެ މަޖިލީހުގެ ދަނގެތީ ދާއިރާގެ މެމްބަރު މުހައްމަދު ނާޒިމް އިންތިހާބަކާ ނުލާ ހޮވިއްޖެ އެވެ.

ކާނަލް ނާޒިމް ޕާޓީގެ ރައީސްކަމަށް ހޮވުނީ އެ ޕާޓީގެ ވަގުތީ އެގްޒެކެޓިވް ކައުންސިލްގެ އިންތިހާބީ މަގާމުތަކަށް ކުރިމަތިލާން ހުޅުވާލި ފުރުސަތުގައި ޕާޓީގެ ރައީސްކަމަށް އިތުރު ބޭފުޅަކު ކުރިމަތިލައްވާފައިނުވާތީ އެވެ. ޕާޓީގެ ނައިބު ރައީސުންގެ ގޮތުގައި ވެސް ހަތަރު ބޭފުޅަކު ވަނީ ހޮވިފަ އެވެ.

ނައިބު ރައީސުން

ދެކުނު ދާއިރާ: އަހުމަދު ޝަރީފް

Advertisement
  • މެދު ދެކުނު ދާއިރާ: އަބްދުﷲ ރިޔާޒް
  • މެދު ދާއިރާ: އަހުމަދު އުޝާމް
  • އުތުރު ދާއިރާ: ހުސެއިން އިސްމާއިލް

މަތި އުތުރު ދާއިރާއަށް ތިން ބޭފުޅުން އިންތިހާބަށް ކުރިމަތިލެއްވިއިރު، އޭގެ ތެރޭގައި ހިމެނެނީ ކުރީގެ ޖެންޑާ މިނިސްޓަރު ޝިދާތާ ޝަރީފް، މުހައްމަދު ސައީދު އަދި އަހުމަދު އަނޫޝް އެވެ. ކައުންސިލްގައި ނައިބު ރައީސް އަންހެނުންނަށް ހާއްސަ ޖާގައަށް ދެ ބޭފުޅަކު ކުރިމަތިލެއްވި އެވެ. އެބޭފުޅުންނަކީ މިރުފަތު އިސްމާއިލް ޝަފީގު އަދި އައިޝަތު ހުސެއިން މަނިކު އެވެ.

ޕާޓީގެ އަންހެނުންގެ ފިޔައިގެ ލީޑަރުންގެ ގޮތުގައި ވެސް ތިން ބޭފުޅަކު ކުރިމަތިލައްވާފައިވާއިރު އޭގެ ތެރޭގައި ކުރީގެ ފޮރިން މިނިސްޓަރު ދުންޔާ މައުމޫން ހިމެނެ އެވެ. ކައުންސިލް މެމްބަރުންނަށް 26 ފަރާތަކުން ވެސް ކުރިމަތިލެއްވިއިރު ކައުންސިލްގެ އަންހެން މެމްބަރުންނަށް 12 ފަރާތަކުން ވަނީ ކުރިމަތިލައްވާފަ އެވެ.

އެމްއެންޕީ އުފައްދަން ބާއްވާ ޖަލްސާ އަންނަ ހުކުރު ދުވަހު ބާއްވަން ވަނީ ހަމަޖެހިފަ އެވެ.

ސިޔާސީ ޕާޓީއެއްގެ ގޮތުގައި ރެޖިސްޓާ ކުރަން ބޭނުންވާ 5،000 މެމްބަރުންގެ ސޮޔާއެކު އެމްއެންޕީ ރެޖިސްޓަރީކުރަން އިލެކްޝަންސް ކޮމިޝަނަސް ހުށަހެޅީ މިދިޔަ މަހުގެ 15 ވަނަ ދުވަހު އެވެ.

ޕާޓީގެ ލީޑަރު ކާނަލް ނާޒިމް ވަނީ އެއީ ސިޔާސީ ޕާޓީއަކުން އެންމެ އަވަހަށް 5،000 މެމްބަރުން ހަމަކުރިކުރުންކަމަށް އޭރު ވިދާޅުވެފަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox