ރައީސް މުހައްމަދު މުއިއްޒުގެ ކެބިނެޓަށް އައްޔަނުކުރި 14 ވަޒީރަކަށް ރުހުން ދިނުމުގެ މައްސަލަ ރައްޔިތުންގެ މަޖިލީހުގެ ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމިޓިއަށް މިއަދު ފޮނުވައިފި އެވެ.
އެޕްރީލް ހަތަރެއްގައި ބޭއްވި އިންތިހާބުތަކުން ބަލިވުމުން ސަރުކާރަށް ގެންނަމުންދާ ބަދަލުތަކުގެ ތެރެއިން ކެބިނެޓު އަލުން އެކުލަވާލިއިރު ވަޒީރުންގެ އަދަދު 20 އިން 15 އަށް ވަނީ މަދުވެފަ އެވެ.
މުއިއްޒުގެ ވަޒީރުންގެ މަޖިލިސް
1. މިނިސްޓަރ އޮފް ފިނޭންސް އެންޑް ޕަބްލިކް އެންޓަރޕްރައިޒަސް މޫސާ ޒަމީރު
2. މިނިސްޓަރ އޮފް ހޯމްލޭންޑް ސެކިއުރިޓީ، ލޭބާ އެންޑް ޓެކްނޯލޮޖީ އަލީ އިހުސާން
3. މިނިސްޓަރ އޮފް ފޮރިން އެފެއާޒް އިރުތިޝާމް އާދަމް
4. މިނިސްޓާ އޮފް އެޑިޔުކޭޝަން، ހަޔާ އެޑިޔުކޭޝަން އެންޑް ސްކިލްސް ޑިވެލޮޕްމަންޓް އިސްމާއިލް ޝަފީއު
5. މިނިސްޓަރ އޮފް ހެލްތު، ފެމިލީ އެންޑް ވެލްފެއާ ގީލާ އަލީ
6. މިނިސްޓާ އޮފް އިކޮނޮމިކް ޑިވެލޮޕްމަންޓް، ޓްރާންސްޕޯޓް އެންޑް ޓްރޭޑް މުހައްމަދު ސައީދު
7. މިނިސްޓާ އޮފް އިސްލާމިކް އެފެއާޒް އެންޑް އެންޑައުމަންޓްސް މުޙައްމަދު ޝަހީމް އަލީ ސައީދު
8. މިނިސްޓާ އޮފް ޓޫރިޒަމް އެންޑް ސިވިލް އޭވިއޭޝަން މުހައްމަދު އަމީން
9. މިނިސްޓާ އޮފް ޔޫތު އެމްޕަވާމަންޓް، ސްޕޯޓްސް އެންޑް ފިޓްނަސް އަބްދުﷲ ރާފިއު
10. މިނިސްޓާ އޮފް އާޓްސް، ކަލްޗާ އެންޑް ހެރިޓޭޖް ހީނާ ވަލީދު
11. މިނިސްޓާ އޮފް އިންފްރާސްޓްރަކްޗާ، ހައުސިން އެންޑް އާބަން ޑިވެލޮޕްމަންޓް އަބްދުﷲ މުއްތަލިބް
12. މިނިސްޓާ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަޖީ އަލީ ޝަރީފް
13. މިނިސްޓާ އޮފް ޑިފެންސް އެންޑް ނެޝަނަލް ސާވިސް ހަސަން ރަޝީދު
14. މިނިސްޓާ އޮފް ފިޝަރީޒް، އެގްރިކަލްޗާ އެންޑް އޯޝަން ރިސޯސަސް އަހުމަދު ޝިޔާމް
ބަންޑާރަ ނައިބު އަހުމަދު އުޝާމްގެ މެންޑޭޓު ބަދަލުނުވާތީ އަލުން އޭނާއަށް ރުހުން ހޯދަން ނުޖެހެ އެވެ.
މުއިއްޒު އެންމެ ފުރަތަމަ އައްޔަނުކުރެއްވި ވަޒީރުންގެ މަޖިލީހަށް ރުހުން ދިނީ ނަވާރަވަނަ މަޖިލީހުންނެވެ. އޭރު އެ މަޖިލީހުގައި އޮތީ އެމްޑީޕީގެ މެޖޯރިޓީ އެވެ.
އޭރު އެ މަޖިލީހުން ރުހުން ނުދިނީ އުޝާމް އާއި އިސްލާމިކް މިނިސްޓަރު މުހައްމަދު ޝަހީމް އަލީ ސައީދު އާއި ހައުސިން މިނިސްޓަރަކަށް ހުންނެވި އަލީ ހައިދަރަށެވެ. އެ ތިން ވަޒީރުންނަށް ފަހުން ރުހުން ދިނީ ޕީއެންސީގެ މެޖޯރިޓީ އޮންނަ ވިހިވަނަ މަޖިލީހުންނެވެ.
