ކުޅުދުއްފުށީ ސިޓީގައި ކާރަކަށް ޒުވާނަކު އަރުވައި، ވަރަށް ބޮޑަށް އަނިޔާކޮށްފި އެވެ.
ފުލުހުންގެ މީޑިއާ އޮފިޝަލް ވިދާޅުވި ގޮތުގައި މޫނު ނިވާކޮށްގެން ތިބި ބަޔަކު އަނިޔާކޮށްފައިވަނީ 29 އަހަރުގެ ދިވެހި ފިރިހެނަކަށް ކަމަށެވެ.
"އެ ޒުވާނާއަށް އަނިޔާކުރީ ކާރަކަށް އަރުވައިގެން ގެންގޮސް،" ފުލުހުންގެ މީޑިއާ އޮފިޝަލް ވިދާޅުވި އެވެ.
Advertisement
އޮފިޝަލް ވިދާޅުވި ގޮތުގައި، ކުޅުދުއްފުށީ ރީޖަނަލް ހޮސްޕިޓަލްގައި އެ ޒުވާނާއަށް އަންނަނީ ފަރުވާދެމުންނެވެ. އަދި، އިތުރު ފަރުވާއަށް މާލެ ގެނައުމުގެ މަސައްކަތް ކުރަމުންދާ ކަމަށް އެ ހޮސްޕިޓަލުން މައުލޫމާތުދޭ ކަމަށް އޮފިޝަލް ވިދާޅުވި އެވެ.
ރޭ 8:45 ހާއިރު ފުލުހަށް ރިޕޯޓްކުރި މައްސަލަ ތަހުގީގު ކުރަމުންދާއިރު، ކުޅުދުއްފުއްޓަކީ މިފަދަ ބޮޑެތި ކުށްތައް މަދުން ހިނގާ ސިޓީއެކެވެ.
