މޯލްޑިވްސް ބާސްކެޓްބޯލް އެސޯސިއޭޝަން (އެމްބީއޭ)ގެ ދެން އޮތް ދައުރުގެ ހިންގާ ކޮމިޓީގެ މަގާމުތަކަށް ކުރިމަތިލުމުގެ ފުރުސަތު ހުޅުވާލައިފި އެވެ.

އެމްބީއޭ އިން އިއްޔެ ގެޒެޓްކޮށްފައިވާ ގޮތުގައިވާ ގޮތުން، އަންނަ މަހުގެ 14 ވަނަ ދުވަހު، އެ ޖަމިއްޔާގެ އިންތިހާބު ބާއްވަން ވަނީ ނިންމައިފަ އެެވެ. އިންތިހާބީ ޖަލްސާ، ޑިސެމްބަރު 14 ވަނަ ދުވަހުގެރޭ ހ. ބޯޅަގޭ ތިން ވަނަ ފަންގިފިލާގައި ކުރިއަށްދާ ގޮތަށެެވެ.

އެ ގޮތުން، އިންތިހާބު ކުރަން ހަމަޖެހިފައިވަނީ، ބާސްކެޓްބޯޅަ އެސޯސިއޭޝަންގެ ރައީސް، ނައިބު ރައީސް (އިދާރީ)، ނައިބު ރައީސް (މާލީ)، ސެކްރެޓަރީ ޖެނެރަލް އަދި ފަސް މެމްބަރުންނެވެ.

އެމްބީއޭގެ އިންތިހާބުގައި ވާދަކުރުމުގެ ގޮތުން ކުރިމަތިލުމަށް ހުށައަޅައި ފޯމު ހުށައެޅުމުގެ ސުންގަނޑި އަކީ ތިނެއް ޑިސެމްބަރު ވާ އަންގާރަ ދުވަހުގެ 13:30 އެވެ. އަދި، މީގެ އިތުރުން، ފުރިހަމަ މެންބަރު ކުލަބް/ޖަމިއްޔާތައް ތަމްސީލުކުރާ މަންދޫބުން ރަޖިސްޓަރީ ކުރުމަށް ހުށައަޅައި ޕްރޮކްސީ ފޯމު ހުށައެޅުމުގެ ސުންގަނޑި އަކީ 11 ޑިސެމްބަރު 2024 ވާ ބުދަ ދުވަހުގެ 13:30 އެވެ. ހުރިހާ ފޯމެއްވެސް ހުށަހެޅުމަށް ކަނޑައަޅާފައިވަނީ ބާސްކެޓްބޯޅަ އެސޯސިއޭޝަންގެ އިދާރީ އޮފީހަށެވެ.

މީގެ އިތުރުން، ބާސްކެޓްބޯޅަ އެސޯސިއޭޝަން އިންތިހާބުގައި ވޯޓުދިނުމުގެ ޙައްގުލިބިފައިވާ ފުރިހަމަ މެންބަރު ކުލަބް/ޖަމިއްޔާތައް ތަމްސީލުކުރާ މަންދޫބުން ރަޖިސްޓަރީ ކުރުމަށް ހުށައަޅާ ޕްރޮކްސީ ފޯމާއި އިންތިހާބުގައި ހޮވާ މަގާމުތަކަށް ކުރިމަތިލުމަށް ހުށަހަޅާ ފޯމު އަދި އިންތިހާބު ކުރިއަށް ގެންދިއުމަށްޓަކައި އަމަލުކުރެވޭ އުސޫލު ވެސް ވަނީ ގެޒެޓްކޮށްފަ އެވެ.

ބާސްކެޓްބޯޅަ އެސޯސިއޭޝަންގެ އިންތިހާބުގައި ވޯޓުދިނުމުގެ ޙައްގުލިބިފައިވާ ފުރިހަމަ މެމްބަރު 20 ކްލަބް

ބެންޗް ސްޕޯޓްސް ކުލަބް

ރައިސިންގް ބާސްކެޓްބޯލް އެކަޑަމީ

ސައިކްލޯން ބާސްކެޓްބޯލް ކުލަބް

ރޯޔަލްސް ބާސްކެޓްބޯލް ކުލަބް

އެލީޓް ސްޕޯރޓްސް ކުލަބް

ސްޕާޓަންސް ސްޕޯޓްސް ކުލަބް

ހުޅުމާލެ ސްޕޯޓްސް ކުލަބް

ސްޓިންޖާސް ބާސްކެޓްބޯލް ކުލަބް

ކިންގްސް ބާސްކެޓްބޯލް ކުލަބް

ދި ބައުސް ސްޕޯޓްސް ކުލަބް

އެލްކިޔު ސްޕޯޓްސް ކުލަބް

ޓީ-ރެކްސް ބާސްކެޓްބޯލް ކުލަބް

ލަޔަނެސް ސްޕޯޓްސް

ޓެލަންސް ބާސްކެޓްބޯލް ކުލަބް

ކުއީންސް ބާސްކެޓްބޯލް ކުލަބް

ޔުނައިޓެޑް ނެޓްވާކް އޮފް ފްރެންޑްސް

ރެޕްޓާސް ބާސްކެޓްބޯލް ކުލަބް

ވައިޕާސް ބާސްކެޓްބޯލް ކުލަބް

ރެޑް ވިންގްސް ބާސްކެޓްބޯލް ކުލަބް

ޑަބްލިޔު ސްޕޯޓްސް އެކަޑަމީ

ބާސްކެޓްބޯޅަ އެސޯސިއޭޝަން އިންތިހާބުގައި ވޯޓުލުުމުގެ ހައްގު ލިބިފައިވާ މެމްބަރު ޝަކުވާ ހުށައަޅުއްވަން ބޭނުންފުޅުވާ ފަރާތްތަކުން 05 ޑިސެމްބަރު 2024 ވާ ބުރާސްފަތި ދުވަހުގެ 13:30 ގެ ކުރިން ލިޔުމަކުން ބާސްކެޓްބޯޅަ އެސޯސިއޭޝަން އޮފީހަށް ހުށަހަޅަން ވަނީ އަންގައިފަ އެެވެ.