އޭސީސީގައި އޮތް ބާސްކެޓްބޯލް އެސޯސިއޭޝަނުގެ މައްސަލަ އަކީ މައުލޫމާތުގެ ކުށެއް

ބާސްކެޓްބޯލް އެސޯސިއޭޝަންގެ ޖަލްސާއެއްގެ ތެރެއިން ވިޝާމް ވާހަކަ ދައްކަނީ،--- ފޮޓޯ: އަދަދު

ބާސްކެޓްބޯލް އެސޯސިއޭޝަންގެ ޖަލްސާއެއްގެ ތެރެއިން ވިޝާމް ވާހަކަ ދައްކަނީ،--- ފޮޓޯ: އަދަދު

އެންޓި ކޮރަޕްޝަން ކޮމިޝަން (އޭސީސީ) އިން ބަލަމުން އަންނަ މޯލްޑިވްސް ބާސްކެޓްބޯލް އެސޯސިއޭޝަން (އެމްބީއޭ) އިން ފައިސާ އަށް ހިޔާނާތްތެރިވި ކަމަށް ބުނާ މައްސަލަ އަކީ މައުލޫމާތުގެ ކުށެއްގެ މައްޗަށް ބިނާވެ އައިސްފައިވާ ކަމެއް ކަމަށް އެމްބީ އިން ބުނެފި އެވެ.

އަމިއްލަ ފަރާތަކުން، މިނިސްޓްރީ އޮފް ސްޕޯޓްސް ފިޓްނަސް އެންޑް ރެކްރިއޭޝަން އަށް ހުށަހެޅި އާރްޓީއައި އަށް މިނިސްޓްރީން ދިން ޖަވާބުގައި ވަނީ، އެމްބީއޭ އިން އެއް ކަމަކަށް ދެ މުބާރާތެއްގައި ފައިސާ ހޯދި ކަމަށް ދޭހަވާ ގޮތަކަށް ފައިސާގެ ތަފްސީލް ހިމަނައިފަ އެވެ.

އެ ގޮތުން، މިނިސްޓްރީން އާރްޓީއައި އަށް ދިން މައުލޫމާތުގައި ބުނެފައިވަނީ، 2022 ވަނަ އަހަރުގެ ޑިސެމްބަރު މަހު، ގައުމީ ބާސްކެޓްބޯޅަ މުބާރާތުގައި ވާދަކުރަން ގެނައި ސްރީ ލަންކާގެ ދެ ޓީމަކަށް ހިނގާ ހަރަދުކަމަށް ބުނެ، 195،371.40 ރުފިޔާ ދޫކޮށްފައިވާ ކަމަށެވެ. އަދި، ޖެހިގެން އައި، 2023 ވަނަ އަހަރުގެ ޖެނުއަރީ މަހު ކުރިއަށްދިޔަ، ޒާހިރު ނަސީރު މެމޯރިއަލް އިންވިޓޭޝަނަލް ބާސްކެޓްބޯޅަ މުބާރާތަށް ގެނައި ލަންކާގެ ދެ ޓީމުގެ ހަރަދުތައް 195،371.40 ރުފިޔާ މިނިސްޓްރީން އެމްބީއޭ އަށް ދީފައިވާ ކަމަށް ވެސް މިނިސްޓްރީން މައުލޫމާތު ދިންއިރު ބުނެފައިވެ އެވެ.

Advertisement

މިއާ އެކު، އަމިއްލަ ފަރާތަކުން އޭސީސީ އަށް މައްސަލަ ހުށަހެޅީ އެއް ބާވަތެއްގެ ދެ ކަމަކަށް ދައުލަތުން އެމްބީއޭ އިން ފައިސާ ހޯދާފައިވާއިރު، ފާހަގަކޮށްފައިވާ ގައުމީ މުބާރާތުގައި، ލަންކާގެ ޓީމަކުން ވާދަކޮށްފައި ވެސް ނުވާ ކަމަށެވެ.

އެމްބީއޭގެ ޖެނެރަލް ސެކްރެޓަރީ، ވިޝާމް ރަޝީދު (ވިޒުއްޕެ)، "އަދަދު ސްޕޯޓްސް" އަށް ވިދާޅުވީ، ގައުމީ މުބާރާތެއްގައި ވާދަކުރުމަށް އެއްވެސް އިރެއްގައި ރާއްޖޭން ބޭރުން ޓީމެއް ނުގެންނަ ކަމަށެވެ. އަދި އެ ގޮތަށް ތަނަކަށް މައުލޫމާތު ދީގެން އެއްވެސް ފައިސާއެއް ވެސް ހޯދާފައިނުވާނެ ކަމަށް ވެސް ވިދާޅުވި އެވެ.

އަދި، މީޑިއާ އިން މި ފަދަ މައްސަލައެއް އޭސީސީގައި އޮތް ކަމަށް ބުނެ، އެންމެ ފުރަތަމަ އެ ސުވާލު ކުރުމުން ވަރަށް ސާފުކޮށް އޮޅުންފިލުވައިދިން ކަމަށް ވިޝާމް ވިދާޅުވި އެވެ.

"މިހާރު ނޫހުން ފުރަތަމަ ސުވާލުކުރުމުން ވެސް މިކޮޅުގެ ޖަވާބުގައި ފާހަގަކުރިން، މިއީ މައުލޫމާތުގެ ކުށަކުން ވެފައި އޮތް ކަމަކަށޭ ވާނީ، މިކަން ރަނގަޅަށް އޮޅުންފިލުވަން ޖެހޭ ކަމަށް،" ވިޝާމް ވިދާޅުވި އެވެ.

އެ ގޮތުން، ވިޝާމް ވިދާޅުވީ، މީޑިއާ އިން މި ކަމާ ގުޅޭގޮތުން އެ ސުވާލުކުރުމުން، އެކަމަކީ މިނިސްޓްރީން އެ ދީފައިވާ މައުލޫމާތުގެ ކުށަކުން ދިމާވެފައި އޮތް ކަމަކަށް ވެދާނެ ކަމެއް ކަމަށް ފުރަތަމަ ވެސް މީޑިއާ އަށް ޖަވާބު ދީފައިވާނެ ކަމަށެވެ.

އަދި، އެ ބައި ނުހިމަނައި، މީޑިއާ އިން އެމްބީއޭ ބަދުނާމުވާ ގޮތަށް ހަބަރު ގެނެސްދިނުމަކީ ގޯސްކޮށް ދިޔަ ކަމެއް ކަމަށް ވިޝާމް ފާހަގަކުރެއްވި އެވެ.

މިނިސްޓްރީން މި ގޮތަށް އާރްޓީއައި އަށް މައުލޫމާތު ދީފައިވާތީ، އެމްބީއޭ އިން ވަނީ މިނިސްޓްރީ އަށް ކަންހިނގައިދިޔަ ގޮތް ސާފުކުރުމަށް ސިޓީ ފޮނުވައިފަ އެވެ.

މިނިސްޓްރީން ފޮނުވި ސިޓީއާ ގުޅޭގޮތުން، ވިޝާމް ވިދާޅުވީ، އެ ގޮތަށް މިނިސްޓްރީ އަށް މައުލޫމާތު ދެވުނީ "ލިޔުމުގެ ކުށަކުން" ކަމަށް ބުނެފައިވާ ކަމަށެވެ.

"މި މިނިސްޓްރީން އާރްޓީއައިގައި ދީފައިވާ މައުލޫމާތުގައި ފޯމު ނަމްބަރު form 141-SD-2022-3579 ގެ ލިއުމުގައި "ގައުމީ މުބާރާތުގައި އިންވައިޓްކުރި ސްރީ ލަންކާގެ ޓީމުގެ އެކޮމަޑޭޝަން ހަރަދަށްވާ" ފައިސާ ކަމަށް ޖެހިފައިވަނީ ލިއުމުގެ ކުށަކުންނެވެ. އަދި މި ފޯމުގައިވާ ފައިސާ އަކީ ތިޔަ އެސޯސިއޭޝަނަށް ޖަމާކޮށްފައިވާ ފައިސާއެއް ނޫން ކަމަށް ދަންނަވަމެވެ.،" މިނިސްޓްރީން އެމްބީއޭ އަށް ފޮނުވި ސިޓީގައިވެ އެވެ.

އަދި ލަންކާ ޓީމަށް ހިނގާ ހަރަދަށްވާ ފައިސާ ޖަމާކޮށްދީފައިވަނީ 2023 ވަނަ އަހަރު ކަމަށާއި، އެހެންކަމުން، ދެ ފަހަރަށް މި ފައިސާ އެމްބީއޭ އަށް ޖަމާކޮށްފައިނުވާ ކަމަށް ވެސް މިނިސްޓްރީން ވަނީ ބުނެފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox