އެމްބީއޭގެ ރައީސަކަށް އިތުރު ދައުރަކަށް އެޑަމް އިންތިހާބުވެއްޖެ

Dec 15, 2024, 2:59 PM
އަލަށް އިންތިހާބުވި ބާސްކެޓްބޯޅައިގެ ހިންގާ ކޮމިޓީ.--- ފޮޓޯ: އެމްބީއޭ

އަލަށް އިންތިހާބުވި ބާސްކެޓްބޯޅައިގެ ހިންގާ ކޮމިޓީ.--- ފޮޓޯ: އެމްބީއޭ

މޯލްޑިވްސް ބާސްކެޓްބޯލް އެސޯސިއޭޝަން (އެމްބީއޭ)ގެ ކުރިއަށް އޮތް ދައުރަށް އެސޯސިއޭޝަންގެ ރައީސްގެ މަގާމަށް މިހާރު ވެސް އެ މަގާމު ފުރުއްވަމުން އަންނަ އަހުމަދު އާދަމް (އެޑަމް) އިންތިހާބުކޮށްފި އެވެ.

އެމްބީއޭ އިން އިންތިހާބަށް ހުޅުވާލީ މިދިޔަ މަހުގެ 26 ގަ އެވެ. އެއީ، ޑިސެމްބަރު ތިން ވަނަ ދުވަހުގެ 13:30 ގެ ކުރިން ކުރިމަތިލުމުގެ ކެންޑިޑެސީ ހުށަހަޅަން ސުންގަނޑި ހަމަވާ ގޮތަށެވެ.

ކެންޑިޑެސީ ހުށަހެޅުމަށް ހުޅުވާލެވިފައި އޮތް މުއްދަތު ހަމަވިއިރު، ކޮންމެ މަގާމަކަށް ނަން ހުށަހެޅީ އެންމެ ފަރާތަކުންނެވެ.

Advertisement

ހެންވޭރު ބޯޅަ ގޭގައި ރޭ ބޭއްވި އެމްބީއޭގެ އިންތިހާބުގައި ކޮންމެ މަގާމަކަށް ވެސް ކުރިމަތިލާފައިވަނީ އެންމެ ފަރާތެއް ކަމަށްވާތީވެ، ނެގީ ފެންނަ ނުފެންނަ ވޯޓެކެވެ.

އެ ގޮތުން، މި އިންތިހާބުގައި ވޯޓު ލުމުގެ ހައްގު ލިބިގެންވާ 20 ކްލަބްގެ ތެރެއިން، ޕްރޮކްސީންގެ ނަން ހުށަހަޅަން ދިން މުއްދަތުުގެ ތެރޭގައި އެކަން ފުރިހަމަކޮށް، އިންތިހާބުގައި ބައިވެރިވި 12 ކްލަބުން، ވޯޓު ދިންއިރު، އެޑަމް އާއި އޭނާގެ ޓީމު ހޮވުނީ ފުރިހަމަ އަގުލަބިއްޔަތުންނެވެ.

އެޑަމް، ރައީސް ކަމަށް ދެ ވަނަ ދައުރަކަށް އިންތިހާބުވިއިރު، ދެން ހިންގާ ކޮމިޓީގައި ހިމެނެނީ، ނައިބު ރައީސް އިދާރީ އަކަށް ހުސެއިން ސުހެއިލް ހޮވުނުއިރު، ނައިބު ރައީސް މާލީ އަކީ އިސްމާއިލް ނުޖައިމީ އިބްރާހިމް އެވެ.

މީގެ އިތުރުން، އިންތިހާބު ކުރެވުނު ސެކްރެޓަރީ ޖެނެރަލް އަކަށް، މިހާރު ވެސް އެ މަގާމު ފުރުއްވަމުން އަންނަ ވިސާމް ރަޝީދު (ވިޒޫ) ހޮވުނެވެ. އަދި ހިންގާ ކޮމިޓީގެ ފުރިހަމަ މެމްބަރުންގެ ގޮތުގައި އިންތިހާބުވީ، އަހުމަދު އަފްޝަން ރަޝާދު، އާދަމް މުހައްމަދު، ހުސެއިން އަދުހަމް އަލީ، މުހައްމަދު ނަސީރު އަދި އަހުމަދު ގާސިމް (އަހޫ) އެެވެ.

އިންތިހާބުގައި ވޯޓު ލުމަށް ޕްރޮކްސީ ފޯމު ހުށަހެޅި ކްލަބްތަކަކީ، ބެންޗް ސްޕޯޓްސް ކްލަބް، އެލީޓް ސްޕޯޓްސް ކްލަބް، އެލްކިޔު ސްޕޯޓްސް ކްލަބް، ލަޔަނެސް ސްޕޯޓްސް، ކުއީންސް ބާސްކެޓްބޯލް ކްލަބް، ރައިސިން ބާސްކެޓްބޯލް އެކަޑަމީ، ސްޓިންގާސް ބާސްކެޓްބޯލް ކްލަބް، ދި ބައުސް ސްޕޯޓްސް ކްލަބް، ޓީރެކްސް ބާސްކެޓްބޯލް ކްލަބް، ޔުނައިޓެޑް ނެޓްވޯކް އޮފް ފްރެންޑްސް، ވައިޕާސް ބާސްކެޓްބޯލް ކްލަބް އަދި ޑަބްލިއު ސްޕޯޓްސް އެކަޑަމީ އެވެ.

އަލަށް އިންތިހާުބުވި މި ހިންގާ ކޮމިޓީން މަސައްކަތުގެ ޒިންމާއާ ހަވާލުވެ، ދައުރު ފަށާނީ މި މަހުގެ 22 ވަނަ ދުވަހު އެވެ.

ބާސްކެޓްބޯޅަ އެސޯސިއޭޝަންގެ ރައީސްކަމާ 2019 ވަނަ އަހަރު ހަވާލުވެވަޑައިގެންނެވުމަށް ފަހު އެޑަމް ވަނީ ރާއްޖޭގެ ބާސްކެޓްބޯޅަ އަށް ހެޔޮ ބަދަލުތަކެއް ގެންނަން ގިނަ މަސައްކަތްތަކެއް ކުރަމުންނެވެ.

ކޮވިޑުގެ ސަބަބުން ކުޅިވަރުތައް ހުއްޓާލަން ޖެހުނު ދަނޑިވަޅުގައިވެސް، އެމްބީއޭގެ ލީޑަޝިޕްގައި އެޑަމް ހުރެ ކުރި މަސައްކަތުން، ގިނަ ކުޅުންތެރިންތަކެއް ތަމްރީނުވެ، އެ ކުޅުންތެރިން ވަނީ ކާމިޔާބު ވެސް ހޯދައިފަ އެވެ. އެ ގޮތުން، ކޮވިޑަށް ފަހު އެންމެ އަވަަހަށް މުބާރާތްތަށް ފެށި އެއް ކުޅިވަރުގެ ތެރޭގައި ބާސްކެޓްބޯޅަ ފާހަގަކޮށްލެވެ އެވެ.

މޯލްޑިވްސް އޮލިމްޕިކް ކޮމިޓީގެ ހިންގާ ކޮމިޓީގައި ވެސް މަސައްކަތްކުރައްވަމުން އަންނަ އެޑަމް ވަނީ، މިދިޔަ އަހަރުގެ ޖެނުއަރީ މަހު، ސައުތު އޭޝިއާގެ ބާސްކެޓްބޯޅަ ފެޑެރޭޝަން (ސާބާ) ރައީސް އަކަށް ވެސް އިންތިހާބުވެވަޑައިގެންފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox