ހުލާސާކޮށް އިއްޔެ: ކުނި އެތެރެކުރުމުގެ ހުއްދަ ލިބޭ ގޮތަށް އޮތް ބިލު ތަސްދީގުނުކުރަން ގޮވާލުން

ހުލާސާކޮށް އިއްޔެ: ކުނި އެތެރެކުރުމުގެ ހުއްދަ ލިބޭ ގޮތަށް އޮތް ބިލު ތަސްދީގުނުކުރަން ގޮވާލުން

އެންވައިރަމެންޓް މިނިސްޓްރީން ހުއްދަ ނަގައިގެން ރާއްޖެއަށް ކުނި އެތެރެކުރެވޭ ގޮތް ހަދައި ކުނި މެނޭޖުކުރުމުގެ ގާނޫނު ފާސްކުރުމުން ތިމާވެއްޓާ ގުޅޭ ގިނަ ޖަމިއްޔާތަކަކުން ކަންބޮޑުވުން ފާޅުކުރީ އިއްޔެ އެވެ.

ޒީރޯ ވޭސްޓް މޯލްޑިވްސް އާއި ސޭވް މޯލްޑިވްސް ކެމްޕެއިނުގެ އިތުރުން ޓްރާންސްޕޭރެންސީ މޯލްޑިވްސް ހިމެނޭހެން 17 ޖަމިއްޔާއަކުން ގުޅިގެން ނެރުނު ނޫސްބަޔާނެއްގައި ބުނީ އެއީ ސީރިއަސް ގައުމީ މައްސަލަތަކެއް ހިމެނޭ ބިލެއް ނަމަވެސް، ބިލު މަޖިލީހުގައި އޮތް ހަ މަސް ދުވަހުގެ ތެރޭގައި ތިމާވެއްޓާ ގުޅޭ އެއްވެސް ޖަމިއްޔާއެއްގެ ހިޔާލާއި މަޝްވަރާ ހޯދާފައި ނުވާ ކަމަށެވެ.

މި ގާނޫނުގެ ސަބަބުން ކުނި މެނޭޖުކުރުމަށް ރަނގަޅު ނިޒާމެއް ފަހިވެގެން ދިޔަނަމަވެސް، ކޮމިޓީ މަރުހަލާގެ ފަހު ވަގުތުގައި ކުނި އެތެރެ ކުރެވޭ ގޮތަށް ގެނައި އިސްލާހާ ގުޅިގެން ގިނަ ކަންބޮޑުވުންތަކެއް ހުރިކަން ބަޔާނުގައި ފާހަގަކޮށްފައިވެ އެވެ.

Advertisement

ރައްޔިތުންގެ މަޖިލީހަށް ބިލު ހުށަހެޅިއިރު އޮތީ ރާއްޖެއަށް އެއްވެސް ބާވަތެއްގެ ކުނި އެތެރެނުކުރެވޭ ގޮތަށް ހިމަނާފަ އެވެ. މިއީ ޒީރޯ ވޭސްޓު މޯލްޑިވްސް ޖަމިއްޔާގެ ލަފާގެ މަތިން ބިލުގައި ހިމެނި މާއްދާއެއް ކަމަށް ބަޔާނުގައި ފާހަގަކޮށްފައިވެ އެވެ.

ބަޔާނުގައި އިތުރަށް ބުނެފައިވާ ގޮތުގައި ސަރުކާރުން މިހާރު ފަށާފައިވާ 'ވޭސްޓު ޓު އެނާޖީ' ޕްރޮގްރާމަކީ ޓެކްނިކަލް ގޮތުން ވެސް އަދި މާލީ ގޮތުން ވެސް ރާއްޖެއަށް ބޮޑު ބުރައެއް އުފުލަން ޖެހޭނެ މަޝްރޫއެކެވެ.

"މި މައްސަލައިގައި މީގެ ކުރިން ވެސް ކަންބޮޑުވުން ފާޅުކޮށްފައިވާނެ ރާއްޖެއިން ބޭރުގެ އިންސިނެރޭޓަރު އޮޕަރޭޓަކޮށް ރާއްޖެއަށް ކުނި އެތެރެކުރުމަށް ލޫޕްހޯލްތަކެއް ލިބިދާނެ ކަމަށް،" ބަޔާނުގައި ބުނެފައިވެ އެވެ.

އެހެންނަމަވެސް، އެކަން އެގޮތަށް ނުހިނގާނެ ކަމުގެ ޔަގީންކަން އެންވައިރަމެންޓް މިނިސްޓްރީން ދީފައިވަނިކޮށް، އެ މަޝްރޫއަށް ބޭނުން ޖެހިދާނެ ކަމަށް ބަލައި ކުނި އެތެރެކުރުމުގެ ހުއްދަ ދިނުމަކީ އެކަން އެގޮތަށް ވާނެ ކަމުގެ ޔަގީން ކަން މިނިސްޓްރީއަށް ވެސް ނެތުން ކަމަށް ބަޔާނުގައި ފާހަގަކޮށްފައިވެ އެވެ.

ކަންބޮޑުވުން ފާޅުކޮށް ޖަމިއްޔާތަކުން ވަނީ ރައީސް އިބްރާހިމް މުހައްމަދު ސޯލިހަށް ތިން ކަމަކަށް ގޮވާލާފަ އެވެ. އެއީ:

  • ކުނި މެނޭޖުކުރުމުގެ ބިލު ތަސްދީގުނުކޮށް އަނބުރާ ފޮނުވާލުން
  • ޖަމިއްުޔާތަކުން ފާޅުކޮށްފައިވާ ކަންބޮޑުވުންތަކަށް ފުޅާ ދާއިރާއެއްގައި އާންމުންގެ މެދުގައި މަޝްވަރާކޮށް ހައްލެއް ހޯދުމަށް
  • ބޭރުގެ ކޮންޓްރެކްޓަރުންނާއި ކުންފުނިތަކުން ކުނި އުކާލަން ގެންގުޅޭ ތަނަކަށް ރާއްޖެ ނުހެދުމަށް ހަދަން ޖެހޭ ހުރިހާ ގަވައިދެއް ހެދުމަށް

ދިވެހި ޖަމިއްޔާތަކުގެ އިތުރުން ބައިނަލްއަގްވާމީ ބައެއް ޖަމިއްޔާތަކުން ވެސް ވަނީ މަޖިލީހުގެ މި ނިންމުމާމެދު ކަންބޮޑުވުން ފާޅުކޮށްފަ އެވެ.

ކޮމިޓީ ރިޕޯޓުގައި ފާހަގަކޮށްފައިވާ ގޮތުގައި ކުނި އެތެރެކުރުމުގެ ހުއްދަ ދޭން ނިންމީ ދުނިޔޭގައި ގިނަ ގައުމުތަކަށް ކުންޏަކީ މިހާރު ވެސް ބޭނުންތެރި އެއްޗަކަށް ވެފައި، އޭގެއިން ހަކަތަ އުފެއްދޭނެކަން ވެސް ސާބިތުވާތީ އެވެ.

އަދި، ރާއްޖެއިން ވެސް އެކަމަށް ޕްލޭންތަކެއް ގެންގުޅޭއިރު، ރާއްޖެއިން އެފަދަ ބޭނުމަކަށް ބޭނުންވާ ކުނި ލިބުން ދަތިވެއްޖެ ހާލަތެއްގައި އެ ހުއްދަ އޮތުމަކީ މުހިންމު ކަމެއް ކަމަށް ކޮމިޓީން ދެކޭ ކަމަށް ބުނެފައިވެ އެވެ.

މި ބިލަށް އަމަލު ކުރަން ފަށާނީ ބިލު ތަސްދީގުކޮށް، ސަރުކާރުގެ ގެޒެޓުގައި ޝާއިއު ކުރުމުންނެވެ. އަދި، ކުނި އެތެރެކުރަން ހުއްދަ ކުރުމުގެ ގަވައިދު އަމަލު ކުރަން ފަށާތާ ހަ މަސް ދުވަހުގެ ތެރޭގައި ހަދައި އާންމު ކުރަން ޖެހޭނެ އެވެ.

ބައެއް މުހިންމު ހަބަރުތައް

  • މިދިޔަ އަހަރުގެ ޑިސެމްބަރު މަހުގެ ތެރޭގައި ފުލުހުން ހިންގި ހާއްސަ ޑްރަގު އޮޕަރޭޝަނެއްގައި އަތުލައިގަތް 119 ކިލޯގެ މަސްތުވާތަކެތީގެ މައްސަލައިގައި ހައްޔަރުކޮށް ދައުވާ ކޮށްފައިވާ ގދ. ހޯނޑެއްދޫ، އަލޯރާ، އަހުމަދު މުޖާހިދުގެ ޝަރީއަތް ނިމެންދެން ބަންދުކުރުމަށް ހައި ކޯޓުން ހުކުމްކުރީ އިއްޔެ އެވެ.
  • އެޗްޑީސީގެ މިލްކިއްޔާތެއްގެ ގޮތުގައި ކަނޑައަޅާފައިވާ ތިލަފުށީގެ ފަޅުތެރޭގައި ގިނަ ދުވަސްވެ ނުނަގާ ހުރި އުޅަނދުފަހަރުތަކާއި ފެތިގެން ގޮސްފައި ހުރި އުޅަނދުފަހަރުތައް އެ ތަނުން ނަގައި ފަޅު ހުސްކުރުމަށް ކޯޓުގެ ހުއްދަ ހޯދަން ނުޖެހޭ ކަމަށް ސިވިލް ކޯޓުން ހުކުމްކުރީ އިއްޔެ އެވެ.
  • ރާއްޖޭގައި އިތުރު ހަރަކާތް ހިންގުމުގެ ގޮތުން އަންނަ އަހަރު ޑްރޯން ބޭނުންކުރަން ހުއްދަ ދޭން ނިންމާފައިވާ ކަމަށް ޓްރާންސްޕޯޓް މިނިސްޓަރު އާއިޝަތު ނަހުލާ ވިދާޅުވީ އިއްޔެ އެވެ.

ދުވަހުގެ ކޯޓޭޝަން

ބައިނަލްއަގްވާމީ ސިވިލް އޭވިއޭޝަން ދުވަހާ ގުޅިގެން ޓްރާންސްޕޯޓު މިނިސްޓަރު އައިޝަތު ނަހުލާ އިއްޔެ ވިދާޅުވީ

މި ރޮނގުން ދިމާވެފައިވާ ގޮންޖެހުންތަކުން އަރައިގަތުމަށް 2019 ވަނަ އަހަރު އަޅުގަނޑުމެން ވާނީ "އޭވިއޭޓާސް ނެކްސްޓް ޖެން" ގެ ނަމުގައި ސްކޮލާޝިޕް ސްކީމެއް ތައާރަފްކޮށްފައި. އަޅުގަނޑު ވަރަށް އުފަލާއެކު ފާހަގަކުރަން ބޭނުންވަނީ ސްކޮލާޝިޕްތަކުގެ ދަށުން ކިޔެވި ފަރާތްތައް މިހާރު އޮތޯރިތީއަށް ހިދުމަތްކުރަން ފަށާފައިވާކަން.

ދުވަހުގެ ފޮޓޯ

ސިނަމާލެ ބްރިޖާއި ހުޅުމާލެއާ ދެމެދު އޮންނަ ހައިވޭގައި ސަރުކާރުން ގާއިމްކުރަމުން އަންނަ ސޯލާ ޕެނަލް ނިޒާމުގެ މަސައްކަތް ފެށުން. ސޯލާ ޕެނަލްތަކުގެ މަސައްކަތް ނިމުމުން ދައުލަތުން ތެލަށް ކުރާ ހޭދައިން ކޮންމެ އަހަރަކު 20 މިލިއަން ސަލާމަތްކުރެވޭނެ -- ފޮޓޯ: އަބްދުﷲ އިޔާން/އަދަދު
ސިނަމާލެ ބްރިޖާއި ހުޅުމާލެއާ ދެމެދު އޮންނަ ހައިވޭގައި ސަރުކާރުން ގާއިމްކުރަމުން އަންނަ ސޯލާ ޕެނަލް ނިޒާމުގެ މަސައްކަތް ފެށުން. ސޯލާ ޕެނަލްތަކުގެ މަސައްކަތް ނިމުމުން ދައުލަތުން ތެލަށް ކުރާ ހޭދައިން ކޮންމެ އަހަރަކު 20 މިލިއަން ސަލާމަތްކުރެވޭނެ -- ފޮޓޯ: އަބްދުﷲ އިޔާން/އަދަދު

ސިނަމާލެ ބްރިޖާއި ހުޅުމާލެއާ ދެމެދު އޮންނަ ހައިވޭގައި ސަރުކާރުން ގާއިމްކުރަމުން އަންނަ ސޯލާ ޕެނަލް ނިޒާމުގެ މަސައްކަތް ފެށުން. ސޯލާ ޕެނަލްތަކުގެ މަސައްކަތް ނިމުމުން ދައުލަތުން ތެލަށް ކުރާ ހޭދައިން ކޮންމެ އަހަރަކު 20 މިލިއަން ސަލާމަތްކުރެވޭނެ -- ފޮޓޯ: އަބްދުﷲ އިޔާން/އަދަދު

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox