މަޝްހޫރު އާޑްވެއާ ފިހާރަ އެލްބިއަން ސްޓޯރުގެ މެގަ ސޭލް މިއަދު ފަށައިފި އެވެ.

ސެޕްޓެމްބަރު 15 އިން ފެށިގެން އަންނަ އަހަރުގެ ޖެނުއަރީ 15 ގެ ނިޔަލަށް ކުރިއަށް ގެންދާ މި ސޭލްގައި ކޮންމެ ދުވަހަކު ހޮވާ ނަސީބުވެރިޔަކަށް ފައިސާގެ އިނާމުގެ ގޮތުގައި 1،000ރ. ލިބޭނެ އެވެ.

"ސަތޭކަ ރުފިޔާއިން އިން މަތީގެ ވިޔަފާރިއެއް ކުރާ ކޮންމެ މީހަކު އިނާމަށް ޝަރުތު ހަމަވާނެ. ސޭލުގައި ބައިވެރިވާން ކޫޕަން ލާކަށް ނުޖެހޭނެ. އަޅުގަނޑުމެންގެ ސޭލްސް ސިސްޓަމަށް ކަސްޓަމަރުގެ ނަމާއި ނަންބަރު ހުންނާނެ. އިނާމު ދޭނީ ވިޔަފާރި ކުރާ މީހުންގެ ތެރެއިން ގުރުއަތުން ހޮވާ މީހާއަށް އަޅުގަނޑުމެން،" އެލްބިއަންގެ އޮފިޝަލަކު ވިދާޅުވި އެވެ.

އެލްބިއަންގެ ފިހާރައެއް

މި ސޭލްގެ މުއްދަތުގެ ކަސްޓަމަރުންނަށް އިނާމުގެ ގޮތުގައި ޖުމުލަ 100،000ރ. ލިބޭނެ އެވެ.

ވިޔަފާރީގައި 33 އަހަރުގެ ތަޖުރިބާ ލިބިފައިވާ އެލްބިއަން ސްޓޯރުން ޓައިލްސް އާއި ކައުންޓާ ޓޮޕާއި ފާހަނާގައި ބޭނުންކުރާ ފިޓިންސްއިން ފެށިގެން ގޮސް އިމާރާތް ކުރަން ބޭނުންވާ ހުރިހާ ސާމާނެއް ލިބެ އެވެ.