ދެ އޮފިސަރުންގެ ވަޒީފާ ރުޖޫއަނުކުރި މައްސަލަ: ސުޕްރީމް ކޯޓުގައި ހޫނު ސުވާލުތަކެއް

ވަކިކުރަން ފުލުހުންގެ ބޯޑުން ނިންމާފައިވާ އޮފިސަރުން --

ވަކިކުރަން ފުލުހުންގެ ބޯޑުން ނިންމާފައިވާ އޮފިސަރުން --

ފުލުސް ބޯޑުން ވަކި ކުރުމަށް ނިންމައި ނޯޓިސްދީފައިވާ ފުލުހުންގެ ހަތް ސީނިއާ އޮފިސަރުންގެ ތެރެއިން ސިވިލް ކޯޓަށް މައްސަލަ ވައްދާފައިވަނިކޮށް، މަގާމުން ވަކި ކުރި ދެ އޮފިސަރުންގެ ވަޒީފާ އިއާދަ ނުކޮށްދިން މައްސަލާގައި ސުޕްރީމް ކޯޓުން ހޫނު ސުވާލުތަކެއް ކުރުމަށްފަހު އިސްތިއުނާފީ އަޑުއެހުންތައް ނިންމާލައިފި އެވެ.

ސިވިލް ކޯޓަށް މައްސަލަ ހުށަހަޅާފައިވަނިކޮށް އެ މައްސަލައިގައި ހިމެނޭ އެސިސްޓެންޓް ކޮމިޝަނާ އަހްމަދު މުހައްމަދާއި، އެސިސްޓެންޓް ކޮމިޝަނާ މުހައްމަދު ޖަމްޝީދު މަގާމުން ވަކިކޮށްފައިވާއިރު، ދެން ވަކިކުރަން ނިންމާފައި ވަނީ ޗީފް ސުޕްރިންޓެންޑެންޓް އަބްދުﷲ ޝަރީފާއި ސުޕްރިންޓެންޑެންޓް އިސްމާއިލް ޝަމީމްގެ އިތުރުން ސުޕްރިންޓެންޑެންޓް މުހައްމަދު ދާއޫދު އެވެ.

ނަމަވެސް ކޯޓުގައި އެ މައްސަލަ ނިމުމުގެ ކުރިން އެ އޮފިސަރުން ވަޒީފާއިން ވަކިކޮށްފި ނަމަ އިއާދަނުކުރެވިދާާނެ ފަދަ ބޮޑެތި ގެއްލުންތަކެއް އެ މީހުންނަށް ކުރިމަތިވުމުގެ ފުރުސަތު އޮތް ކަމަށް ބުނެ ތިން އޮފިސަރެއްގެ ވަޒީފާ މައްސަލަ ނިމެންދެން ދެމެހެއްޓުމަށް ހައިކޯޓުން އަމުރު ކުރި އެވެ. އަނެއް ދެ އޮފިސަރުންގެ ވަޒީފާ އިޔާދަކުރުމާ މެދު ގޮތެއް ކަނޑައަޅާފައި ނުވާތީ ސުޕްރީމް ކޯޓުގައި އެ މައްސަލަ އިސްތިއުނާފު ކުރުމުން މިއަދު ސުޕްރީމް ކޯޓުގައި އަޑުއެހުމެއް ބޭއްވި އެވެ.

Advertisement

އެ މައްސަލައާ ގުޅޭ ގޮތުން ފަސް އޮފިސަރުން ތަމްސީލުކުރާ ދިވެހި ޗެމްބާސްގެ ގާނޫނީ ވަކީލް އަދި ކުރީގެ ޑެޕިއުޓީ ޕްރޮސެކިއުޓާ ޖެނަރަލް މަރިޔަމް ނިހާޔަތު އިސްތިއުނާފް ކުރި ނުކުތާ މިއަދު ކުރިއަށް ދިޔަ އަޑުއެހުމުގައި ހުށަހަޅެމާ އެކު، އެ މައްސަލަ ބައްލަވާ ފަނޑިޔާރުންގެ ބެންޗުގައި ހިމެނިވަޑައިގަންނަ ޑރ. އަޒްމިރަލްދާ ޒާހިރުގެ ގިނަ ސުވާލުތަކެއް އޭނާއާ އަމާޒު ކުރެއްވި އެވެ.

"ޕަވާސް އެބިއުސްކުރެވިގެން، ޕްރޮސެސް އެބިއުސް ކުރެވިގެން (އިޖްރާއަތްތައް ލަސްވުމުގެ ބޭނުން ދައުލަތުން ނަހަމަ ގޮތުގައި ބޭނުން ހިފާ) ހާލަތުގައި، ދެން ތިމަންނަމެންނަށް (ހައިކޯޓަށް) ކުރެވޭނެ ކަމެއް ނެތޭ، ކިއެއްހޭ ކުރާނީ، އެ މިންވަރަށް އަޅުގަނޑުމެން ގަބޫލުކޮށްފި ނަމަ އެ ޕްރޮސެސް އަނެއްކާވެސް އެބިއުސް ކުރުމުގެ ފުރުސަތު އޮންނާނެ ކަމަށް އަޅުގަނޑުމެންނަށް ގަބޫލުކުރެވެނީ،" އިސްތިއުނާފީ މައިގަނޑު ނުުކުތާއެއްގެ ގޮތުގައި ނިހާޔަތު ފާހަގަކުރެއްވި އެވެ.

މައްސަލަ ކުރިއަށް ދަނިކޮށް ހާލަތު ބަދަލުވި ކަމަށް ނިހާޔަތު ވިދާޅުވުމާ އެކު ފަނޑިޔާރު އަޒްމިރަލްދާ ވަނީ އެ މައްސަލަ ބެލުމުގެ އިހްތިސޯސް ސުޕްރީމް ކޯޓަށް ލިބޭތޯ ސުވާލުކުރައްވާފަ އެވެ. އަދި ދެވޭނެ ފަރުވާއަކީ ކޮބާތޯވެސް އެއްސެވި އެވެ. ނަމަވެސް އެ ސުވާލަށް ސީދާ ޖަވާބެއް ދެއްވުމުގެ ބަދަލުގައި އެ މައްސަލަ އިސްތިއުނާފް ކުރެއްވި ސަބަބު ނިހާޔަތު ތަކުރާރު ކުރެއްވި އެވެ.

އެހެންވެ، އޭނާގެ ވާހަކަ މެދުކަނޑުލަމުން ފަނޑިޔާރު އަނެއްކާވެސް އިތުރު ސުވާލެއް ކުރެއްވި އެވެ. މިފަހަރު އެއްސެވީ އިޖްރާއަތްތަކުގެ ބޭނުން ނަހަމަ ގޮތުގައި ހިފި ކަމަށް ތުހުމަތުކުރާ މައްސަލަ ހައިކޯޓަށް ހުށަހެޅިތޯ އެވެ. އަދި އެކަމާ މެދު ގޮތެއް ކަނޑައަޅާފައި ވޭތޯ އެވެ. ފަނޑިޔާރު ވިދާޅުވި ގޮތުގައި ލިޔެކިޔުމުން އެކަން ފެންނާކަށް ނެތެވެ.

ޖަވާބުގައި ނިހާޔަތު ވަނީ އެ މައްސަލަ ހިނގައި ދިޔަ ގޮތުގެ ކުރު ހުލާސާއެއް ފަނޑިޔާރަށް ކިޔައިދެއްވާފަ އެވެ. އޭނާ ވިދާޅުވި ގޮތުގައި ޖަމްޝީދާއި މުހައްމަދު މިދިޔަ އަހަރުގެ އޮގަސްޓް 10، 2021 ވަނަ ދުވަހު ފުލުހުންގެ ވަޒީފާއިން ވަކިކުރާނެ ކަމުގެ އިންޒާރު ސެޕްޓެމްބަރު 30، 2021 ގައި ދީފަ ވެއެވެ. އެ މައްސަލަ ކޯޓަށް ވެއްދީ އޮގަސްޓު މަހުގެ ހަވަނަ ދުވަހު އެވެ.

އިންޒާރު ދީފައިވާ ދުވަހުގެ ކުރިން އެ މައްސަލާގައި ގޮތެއް ކަނޑައަޅާ ދިނުމަށް ލިޔުމުން އެދުމުންވެސް ޝަރީއަތުގެ ކުރިން ބާއްވާ ޑިސްޕިއުޓް އަޑުއެހުމެއްވެސް ކޯޓުން ތާވަލްކުރީ 10 ވަނަ ދުވަހު ކަމަށް ނިހާޔަތު ވިދާޅުވި އެވެ. އަދި އެ އަޑުއެހުމުގައި އެ ވާހަކަތައް ދެއްކި ނަމަވެސް، ގޮތެއް ކަނޑައަޅާދީފައި ނުވާތީ ދައުލަތުން އެ ދެ އޮފިސަރުން މަގާމުން ވަކިކުރިކަން ފާހަގަކުރެއްވި އެވެ.

"އެހެން ނަމަވެސް ޑިސްޕިއުޓުންވެސް ވަގުތީ އަމުރު އެންޓަޓެއިންއެއް ނުކުރޭ، (އެ މަރުހަލާގައި ވަގުތީ އަމުރެއް ނުނެރެދިން)، ކޯޓުން ބުނީ އެއީ ތިމަންނަމެން ކުރާ ކަމެއް ނޫނޭ އުސޫލެއްގެ ގޮތުން، އެކަމަކު ބާރު އެބައޮތޭ،" ނިހާޔަތު ފަނޑިޔާރުގެ ސުވާލަށް ޖަވާބު ދެއްވަމުން ވިދާޅުވި އެވެ.

އޭނާ ކިޔައިދެއްވި ގޮތުގައި އެންމެ ފުރަތަމަ ޝަރީއަތުގެ އަޑުއެހުމެއް ބޭއްވުނީ އެމަހުގެ 12 ވަނަ ދުވަހު އެވެ. އަދި އެކަމުގައި ޖެހިގެން އައި ދުވަހު ގޮތެއް ކަނޑައެޅީރު އެ ދެމީހުންގެ ވަޒީފާ ގެއްލިފައިވާތީ ނިމިފައިވާ ކަމެއްގައި ގޮތެއް ކަނޑަ ނޭޅުނެވެ.

ނިހާޔަތު ގަބޫލުކުރައްވާ ގޮތުގައި ކޯޓުގެ އަޑުއެހުން ލަސްވުމުގެ ބޭނުން ނަހަމަ ގޮތުގައި ދައުލަތުން ހިފުމަކީ އިންސާފުވެރި ގޮތެއް ނޫނެވެ. ހައިކޯޓަށް އެ މައްސަލަ ލައިގެންވެސް އެ ކަމުގައި ގޮތެއް ކަނޑައަޅާފައި ނުވުމުން ސުޕްރީމް ކޯޓަށް އެ މައްސަލަ ވެއްދީ ގާނޫނު ތަތުބީރު ކުރާ ގޮތެއް ބެލުމަށެވެ.

"މައްސަލައިގެ އަސްލު މައުލޫވީ ދައުވާ ހިނގަމުންދާއިރު، މައްސަލާގެ މައުލޫގެ ތެރޭގައި މި ވާހަކަ ދެއްކުމުގެ ހުރަހަކީ ކޮބާތޯއޭ، ތި ތުހުމަތު ކުރައްވަނީ ދައުލަތުގެ ފަރާތުން ޕްރޮސެސް އެބިއުސްކޮށްފައި އޮތް ކަމަށް (އިޖްރާއަތްތަކުގެ ބޭނުން ނަހަމަ ގޮތުގައި ހިފި ކަމަށް)، އެހެންވެއްޖީއާ އެ ނުކުތާ ކިއެއްވެތޯއޭ މިހާރު ހިނގަމުންދާ މައުލޫވީ ދައުވާގެ ތެރެއިން ހުށަ ނޭޅުއްވެންވީ،" ފަނޑިޔާރު އަޒްމިރަލްދާ ސުވާލު ކުރެއްވި އެވެ.

ނިހާތު ވިދާޅުވީ އެ ވާހަކަތައް ސިވިލް ކޯޓުގެ މައްސަލައިގެ ތެރެއިން ފާހަގަކުރައްވާނެ ކަމަށެވެ. ނަމަވެސް އެ މައްސަލަ ސުޕްރީމް ކޯޓަށް ހުށަހެޅީ އެ އޮފިސަރުންގެ ވަޒީފާ ވަކި ކުރި މައްސަލާގައި ގޮތެއް ނުނިމި އޮތީމާ ކަމަށް އޭނާ ވިދާޅުވި އެވެ.

އެސިސްޓެންޓް ޕޮލިސް ކޮމިޝަނަރު މުހައްމަދު ޖަމްޝީދު އާއި އެސިސްޓެންޓް ކޮމިޝަނާ އަހުމަދު މުހައްމަދު (ޓޫފޯ) މަގާމުން ވަކިކުރީ، ފުލުހުންގެ ލޯންޗުފަހަރު ރާއްޖޭން ބޭރުން މަރާމާތުކުރުމުގައި މަގާމުގެ ނުފޫޒު ބޭނުންކޮށްގެން ނާޖާއިޒު ފައިދާ ހޯދައިދިނުމުގެ ތުހުމަތުކުރެވި އެ މައްސަލަ އެންޓި ކޮރަޕްޝަން ކޮމިޝަނުން ބަލަމުންދާތީ އެވެ.

މައްސަލަ ބައްލަވަނީ ފަނޑިޔާރު މުހައްމަދު އިބްރާހިމް ރިޔާސަތުގައި އިންނަވައިގެން، ފަނޑިޔާރު އަޒްމިރަލްދާ އާއި، ފަނޑިޔާރު އައިޝަތު ޝުޖޫންއާ އެކު އެވެ. އަޑުއެހުންތައް ނިންމާލީ ވަރަށް އަވަހަށް އެ މައްސަލާގައި ގޮތެއް ކަނޑައެޅުމަށް އަޑުއެހުމެއް ބާއްވާނެ ކަމަށް ވިދާޅުވެ އެވެ.

އިތުރަށް ކިޔާލުމަށް:

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox