ފުޓްބޯޅައިގެ ތެރެއިން ސޭފްގާޑިން ކަންކަމުގައި ރާއްޖެ ބައިނަލްއަގުވާމީ މައިދާނަށް

Sep 15, 2021, 2:29 PM
ެއެފްއޭއެމުން ހިންގި ސޭފްގާޑިން މައުލޫމާތު ސެޝަނެއްގެ ތެރެއިން.-- ފޮޓޯ: އެފްއޭއެމް

ެއެފްއޭއެމުން ހިންގި ސޭފްގާޑިން މައުލޫމާތު ސެޝަނެއްގެ ތެރެއިން.-- ފޮޓޯ: އެފްއޭއެމް

ފުޓްބޯޅައިގެ ތެރެއިން ކުޑަކުދިންނަށް ރައްކާތެރިކަން ކަށަވަރުކުރަން ކުރެވޭ ސޭފްގާޑިން މަސައްކަތުގައި ބައިނަލްއަގުވާމީ މައިދާނުގައި ހަރަކާތްތެރި ޖަމިއްޔާ އެއް ކަމަށްވާ އިންޓަނޭޝަނަލް ސޭފްގާޑްސް ފޯ ޗިލްޑްރެން އިން ސްޕޯޓްގައި އެފްއޭއެމުން ބައިވެރިވެއްޖެ އެވެ.

އެފްއޭއެމުން ދާދި ފަހުން ވަނީ ފުޓްބޯޅައިގެ ތެރެއިން ކުޑަކުދިންނަށް ރައްކާތެރިކަން ކަށަވަރުކުރުުމުގެ ގޮތުން "އެފްއޭއެމް ޗައިލްޑް ސޭފްގާޑިން ޕޮލިސީ" އެއް ލޯންޗްކޮށްފަ އެވެ. އެ މަސައްކަތް ރަނގަޅުވުމުން ސައުތު އޭޝިއަން ފުޓްބޯލް ފެޑެރޭޝަން (ސާފް)ގެ ފަރާތުން ފުޓްބޯޅައިގެ ތެރެއިން ރައްކާތެރިކަން ކަށަވަރުކުރަން ކުރެވޭ މަސައްކަތުގައި އެކުލަވާލި ސާފް ސޭފްގާޑިން ސްޓިއަރިން ކޮމިޓީ ލީޑުކުރުމުގެ ފުރުސަތު ދިނީ ރާއްޖެ އަށެވެ.

އިންޓަނޭޝަނަލް ސޭފްގާޑްސް ފޯ ޗިލްޑްރެން އިން ސްޕޯޓްގެ ކަންކަން ފެށިގެންދިޔައީ 2014 ވަނަ އަހަރު ދެކުނު އެފްރިކާގެ ޖޮހޭނެސްބާގްގައި ބޭއްވުނު ބިޔޯންޑް ސްޕޯޓްސް ސަމިޓްގަ އެވެ. މިއީ 75 އަށް ވުރެ ގިނަ ގައުމުތަކުން ބައިވެރިވެގެން ފުޓްބޯޅައިގެ ތެރެއިން ރައްކާތެރިކަން ކަށަވަރުކޮށް، ކުދިން ޑިވެލޮޕްކުރުމުގެ ކަންކަމަށް އިސްކަން ދީގެން ކުރިއަށްދާ ޖަމިއްޔާ އެކެވެ.

މި ޖަމިއްޔާގެ ފައުންޑާ މެމްބަރުންނަކީ ކެރީބިއަން ސްޕޯޓްސް އެންޑް ޑިވެލޮޕްމަންޓް، ޗައިލްޑް ޕްރޮޓެކްޝަން އިން ސްޕޯޓް ޔުނިޓް، ކޮމިކް ރިލީފް އަދި ކޮމަންވެލްތު ސެކްރެޓޭރިއަޓް އިންޓަނޭޝަނަލް އިންސްޕިރޭޝަން އެންޑް ކީޕިން ޗިލްޑްރެން ސޭފް އެވެ.

އެފްއޭއެމުން ވަނީ އިންޓަނޭޝަނަލް ސޭފްގާޑްސް ފޯ ޗިލްޑްރެން އިން ސްޕޯޓްއާ ބައިވެރިވެ ގިނަ ކަންތައްތަކެއް ދަމަހައްޓަން އަމާޒުހިފައިފަ އެވެ.

އެ ގޮތުން ސޭފްގާޑް ޕޮލިސީ ޑިވެލޮޕް ކުރުމާއި ސޭފް ގާޑްގެ ކަންކަމުގައި ޖަވާބުދޭނެ އުސޫލެއް އެކުލަވާލުމާއި ލަފާހޯދުމާއި ސަޕޯޓްދިނުމާއި ކުޑަކުދިންނަށް އޮންނަ ރިސްކު ކުޑަކުރުމާއި އެ އަށް އަމަލުކުރާނެ ގޮތުގެ ގައިޑްލައިނެއް ހެދުން ހިމެނެ އެވެ. މީގެ އިތުރުން ރެކްރޫޓްކުރުމާއި ޓްރެއިނިން ދިނުމުގެ އިތުރުން މުއާލަމާތް ކުރުން ފަދަ މުހިއްމު ކަންކަމާއި ޕާޓްނަރުންނާ އެކު މަސައްކަތްކޮށް އެކި ޕްރޮގްރާމް ހިންގުން އަދި ކަންކަން ކުރިއަށްދާ ގޮތް މޮނިޓާ ކުރުން ހިމެނެ އެވެ.

އެފްއޭއެމް ފައުންޑޭޝަންގެ އިސް މަސައްކަތްތަކެއްގެ ގޮތުގައި ކުރަމުން އަންނަ ސޭފްގާޑިން ކަންކަމުގެ ޕާޓްނަރެއްގެ ގޮތުން މަސައްކަތް ކުރަމުން އަންނަނީ އެޑްވަކޭޓިން ރައިޓްސް އޮފް ޗިލްޑްރެން (އާކް) އެވެ. އާކް އާއި އެފްއޭއެމް ފައުންޑޭޝަން ގުޅިގެން އަންނަނީ ސޭފްގާޑިން ޕޮލިސީ އަށް ފުޓްބޯޅައިގެ ތެރޭގައި އުޅޭ އެންމެން އަހުލުވުވެރި ކުރުމަށް ގިނަ ޕްރޮގްރާމްތަކެއް ހިންގަމުންނެވެ. އެ ގޮތުން ދާދި ފަހުން ވަނީ ކްލަބްތަކާއި އެކެޑަމީތަކުގައި ސޭފްގާޑިން ފޯކަލް ޕޮއިންޓްތައް ގާއިމްކުރަން ތަމްރީންދޭން ފަށައިފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox