އޭއެފްސީން ލިބުނު ބޮޑު ފުރުސަތު، ރިޔާޒްގެ ކެރިއަރު އާ ހަރުފަތަކަށް

އޭއެފްސީން ލިބުނު ބޮޑު ފުރުސަތު، ރިޔާޒްގެ ކެރިއަރު އާ ހަރުފަތަކަށް

އުމުރުން ޅަ ދުވަސްވަރު ގަލޮޅު ދަނޑުގެ ބޯލްބޯއީ އަކަށް އުޅުނުއިރު ފުޓްބޯޅައިގައި އިސްމާއިލް ރިޔާޒް (ރިޔާ)ގެ ހުވެފަނަކީ މޮޅު ކުޅުންތެރިއަކަށް ވުމެވެ. އެ ހުވަފެނުގައި، އެންމެ ބޭނުންވި ގޮތަށް ކުލަ ނުޖެހުނު ކަމުގައި ވިޔަސް، ފުޓްބޯޅައިގެ އެންމެ މަތީ ހަރުފަތަށް ދިއުމަށްޓަކައި، އެޑްމިނިސްޓްރޭޝަންގެ މަސައްކަތްތަކުގެ ތެރެއިން ރިޔާޒް ދިޔައީ ލިބޭ ކޮންމެ ފުރުސަތެއްގެ ބޭނުންހިފަމުންނެވެ. އޭގެ ނަތީޖާ އަކަށްވީ، މި އަހަރުގެ ޖެނުއަރީ މަހު، ސައުދީ އަރަބިއްޔާގައި ކުރިއަށްދިޔަ އޭއެފްސީ 23 އަހަރުން ދަށުގެ މުބާރާތުގެ ކޮމްޕެޓިޝަން ކޯޑިނޭޓަރަކަށް ވުމުގެ ފުރުސަތު އޭޝިއާގެ މައި ފުޓްބޯޅަ އިދާރާ، އޭއެފްސީގެ ފަރާތުން ރިޔާޒަށް ލިބިގެންދިއުމެވެ.

ފުޓްބޯޅައިގެ ޔޫތު ޑިވެލޮޕްމަންޓް ޕްރޮގްރާމް (ވައިޑީޕީ) އާއި އެފްއޭއެމް ޔޫތު ޗެމްޕިއަންޝިޕްގައި ވެސް ކުޅުމުގެ ކެރިއަރުގެ ދުވަސްތައް ހޭދަކޮށްފައިވާ ރިޔާޒް، ފުޓްބޯޅައިގެ އެޑްމިނިސްޓްރޭޓިވް މަސައްކަތުގެ ތެެރެއަށް ނުކުތީ 2012 ގަ އެވެ. އެއީ، ފުޓްބޯޅައިގައި ފާހަގަކޮށްލެވޭ، ގައުމަށް ބޭނުންތެރި ހިދުމަތެއް ކޮށްދޭން އަބަދުވެސް ބޭނުންވާތީ އެވެ.

ކުޅުމުގެ ތެރެއިން ކާމިޔާބު ފުޓްބޯޅަ ކެރިއަރެއްގެ އުންމީދުގައި ހުރި ރިޔާޒްގެ ހުރިހާ ކަމެއް ފަހުން ބަދަލުވީ ފުޓްބޯޅައިގެ އެޑްމިނިސްޓްރޭޝަނުގެ ތެރެއަށް.--- އަދަދު ސްޕޯޓްސް ގްރެފިކްސް: އިސްމާއިލް އިމްދާދު

އެ ގޮތުން، އެފްއޭއެމްގެ ކޮމްޕެޓިޝަން ޑިޕާޓްމަންޓުގައި މަސައްކަތް ފަށައިގެން، ރިޔާޒް އައީ، 2015 އިން ފެށިގެން ރާއްޖޭގެ މުބާރާތްތަކުގެ މެޗު ކޮމިޝަނަރުކަން ކުރަމުންނެވެ. ޅަ އުމުރުގައި ޒިންމާ ބޮޑު އެތައް ކަމެއް ބޮލުގައި އަޅައިގެންނެވެ. އެ މަސައްކަތުގައި ކުރިއެރުން ހޯދައި، 2018 އިން ފެށިގެން ފުރަރަމަ ޑިވިޝަނުގެ މެޗުތަކުގައި ވެސް ރިޔާޒް މެޗު ކޮމިޝަނަރުކަން ކުރަން ފެށި އެވެ. ރިޔާޒަށް ލިބެމުން އައި އެންމެ ބޮޑު ހިތްވަރަކީ އެކުގައި މަސައްކަތްކުރަމުން އައި އެފްއޭއެމް ސްޓާފުންގެ އެއްބާރުލުމެވެ.

އޭއެފްސީ ޓްރެވަލް ވިކި ޕޭޖް އިނީޝިއޭޓިވް އިން ހުޅުވާލި ފުރުސަތެއްގައި ބައިވެރިވެ، ރިޔާޒް ބޭނުންވީ ފުޓްބޯޅައިގެ އެޑްމިނިސްޓްރޭޓިވް މަސައްކަތުގެ ތެރެއިން އިތުރު ފުރުސަތު ހޯދުމަށެވެ.

އެ ގޮތުން، އޭއެފްސީގެ މި އިނިޝިއޭޓިވްގެ ތެރެއިން ފަހިވި ފުރުސަތުގައި، އޭއެފްސީން ވަނީ ރިޔާޒަށް މި އަހަރުގެ އޭއެފްސީ 23 އަހަރުން ދަށުގެ މުބާރާތުގައި ކޮމްޕެޓިޝަން ކޯޑިނޭޓަރެއްގެ ޒިންމާ އުފުލައި މަސައްކަތް ކުރަން ފުރުސަތު ދީފަ އެވެ. ރިޔާޒުގެ އަތުގައި ނަސީބު ހިފީ އެތައް އަހަރެން ވަންދެން ދެކެމުން އައި ހުވަފެނެއް ހަގީގަތަކަށް ހެދުމަށެވެ.

މިދިޔަ ޖެނުއަރީ މަހުގެ 6-24 އަށް ކުރިއަށްދިޔަ، އޭއެފްސީ 23 އަހަރުން ދަށުގެ މުބާރާތުގައި ރިޔާޒް ވަނީ ޖުމްލަ 10 މެޗުގައި މަސައްކަތްކޮށްފަ އެވެ. މީގެ އިން ކޮންމެ މެޗަކީ ވެސް ބޮޑު ފިލާވަޅުތަކެއް ލިބުނު ވަގުތުތަކެކެވެ. ފުޓްބޯޅައިގެ އެޑްމިނިސްޓްރޭޝަން ދާއިރާއިން ކުރިއަށްދިއުމުގެ އަމާޒުގައި ހުރި ރިޔާޒަށް ބޮޑު ތަޖުރިބާ އެކެވެ.

"ހަގީގަތުގައި ވަރަށް ބޮޑު ފުރުސަތެއް މި ލިބުނީ. ވަރަށް އުންމީދުކޮށްގެން ހުރި ކަމެއް މިވީ، ވަރަށް ވަރުގަދަ މެޗުތަކުގައި މަސައްކަތްކޮށްލަން ލިބުނު، ހާއްސަކޮށް ފާހަގަކުރަން ޖަޕާނާއި ވިއެޓްނާމް ޕެނަލްޓީ އަށް ދިޔަ މެޗު، އެއީ ވަރަށް ރަނގަޅު މެޗެއް އެއީ މަސައްކަތް ކޮށްލެވުނު،" އޭޝިއާގެ އަރަމުން އަންނަ ޖީލުގެ މުބާރާތުގެ މެޗުތަކުގައި މަސައްކަތް ކުރަން ލިބުނު ތަޖުރިބާ، "އަދަދު ސްޕޯޓްސް" އަށް ހިއްސާކުރަމުން ރިޔާޒް ބުންޏެވެ.

އޭއެފްސީ 23 އަހަރުން ދަށުގެ މުބާރާތުގައި އެކި ގައުމުތަކުން އައިސް މަސައްކަތްކުރި ފަރާތްތަކާ އެކު ރިޔާޒް (ވ.3) ފޮޓޯ އަކަށް ހުއްޓިލައިގެން.

ރިޔާޒް ބުނީ، އޭޝިއާގެ ވަރުގަދަ އެކި ގައުމުތަކުގެ ފުޓްބޯޅައިގެ އެޑްމިނިސްޓްރޭޝަނުގައި އުޅޭ ފަރާތްތަކާ އެކު، ސައުދީ އަރަބިއްޔާގައި އެ މަސައްކަތް ކުރަން ޖެހުނު މުއްދަތުގައި، އެ ޕްރޮޖެކްޓްގެ ތެރޭގައި ގިނަ ބަޔެއްގެ އެހީތެރިކަން ލިބިގެންދިޔަ ކަމަށެވެ. އެކި ގައުމުތަކުގައި، ތަފާތު މާހައުލުތަކުގައި، އެ ފަރާތްތަކުން ކޮށްފައިވާ ތަޖުރިބާތައް ހިއްސާކުރި ކަމަށެވެ.

"އެންމެން ވެސް ވަރަށް އެހީވި ހަގީގަތުގައި. ކިޔައިދޭ ވަރަށް އެއްޗެހި، މި ކަހަލަ ފުރުސަތެއްގެ މުހިންމުކަން އަދި މީގެ ބޭނުންހިފޭނެކަން މި މުބާރާތުގެ ތެރޭގައި އެނގިގެންދިޔަ،" ރިޔާޒް ބުންޏެވެ.

މެޗު ކޮމިޝަނަރަކަށް ވުމަށްޓަކައި ނޫނީ ފުޓްބޯޅައިގެ އެޑްމިނިސްޓްރޭޝަން މަސައްކަތުގައި ރިޔާޒް އައިޑޮލައިޒްކުރާ ނޫނީ އެ ބަޔެއްގެ މަސައްކަތުން އިބުރަތް ހޯދާ ދެ ފަރާތެއް ވެ އެވެ. އެއީ، އޭއެފްސީ/ފީފާގެ ވަރުގަދަ މެޗުތަކުގައި މެޗު ކޮމިޝަނަރުކަން ކޮށްފައިވާ ރާއްޖޭގެ ފުޓްބޯޅައިގެ ދެ ސަހުސިއްޔަތުން ކަމަށްވާ އަބްދުލް ހަމީދު އަބްދުލް ގަފޫރު (އައްޑޯ) އާއި އަހުމަދު ޝާހިރު އެވެ.

މި އަހަރު ތައިލެންޑުގައި ކުރިއަށްދިޔަ، ދެކުނު އޭޝިއާގެ ފުރަތަމަ ފުޓްސަލް މުބާރާތް، ސާފް ފުޓްސަލް ޗެމްޕިއަންޝިޕްގައި މެޗު ކޮމިޝަނަރެއްގެ ގޮތުގައި އަދި ކޯޑިނޭޓަރެއްގެ ގޮތުގައި ހަރަކާތްތެރިވި ޝާހިރު، އެ މުބާރާތުގެ ތެރެއިން، "އަދަދު ސްޕޯޓްސް" އަށް ބުނީ، ރިޔާޒަށް އެ ލިބުނު ފުރުސަތަކީ ހަގީގަތުގައި ފުޓްބޯޅައިގެ އެޑްމިނިސްޓްރޭޝަނުގައި އުޅޭ ޒުވާނުން މަސައްކަތްކޮށްފިނަމަ ކުރިއަށްދިއުމަށް ފުރުސަތު ލިބޭނެ ކަމުގެ ހެއްކެއް ކަމަށެވެ.

ޝާހިރުގެ އުންމީދަކީ ރިޔާޒަށް އިތުރު ފުރުސަތުތައް ލިބި ކުރިއަށްދާން މަގުކޮށިގެން ދިއުން ކަމަށް ވެސް ފާހަގަކުރި އެވެ.

ރިޔާޒް ބުނީ، ޝާހިރު އާއި އައްޑޯގެ އެހީތެރިކަން އަބަދުވެސް ލިބޭ ކަމަށެވެ.

"އަބަދުވެސް އެ ދެ މީހުން (އައްޑޯ އާއި ޝާހިރު)ގެ އެހީތެރިކަން ލިބޭ، ބުނެދޭ ވަރަށް އެއްޗެހި، ވަރަށް ބޭނުންހިފޭ އޭގެ،" ރިޔާޒް ބުންޏެވެ.

ގިނަ އަހަރުތަކެއް ވަންދެން، ފާހަގަކޮށްލެވޭ ބޮޑެތި ގިނަ މެޗުތަކުގައި މެޗު ކޮމިޝަނަރުކަން ކުރައްވާފައިވާ އައްޑޯ ވަނީ އެ މަސައްކަތުން މިދިޔަ އަހަރަށް ފަހު ރިޓަޔާކުރައްވައިފަ އެވެ. އެހެންކަމުން، ރިޔާޒް ފަދަ ކުރިއަރަމުން އަންނަ ޒުވާން އެޑްމިނިސްޓްރޭޓަރުންނަކީ، ކުރިއަށް އޮތްތަނުގައި، ރާއްޖެ އަށް މި ދާއިރާގައި ކުރިއެރުން ހޯދައިދެވޭނެ ފަރާތްތަކެވެ.

"އައްޑޯ އަކީ ރޯލް މޮޑަލް. އަބަދުވެސް ވަރަށް ބޭނުންވި އެ ފަދަ ފުޓްބޯޅައިގެ އެޑްމިނިސްޓްރޭޓަރަކަށް ވާން. އޭއެފްސީގެ މުބާރާތެއްގައި މަސައްކަތްކޮށްލަން. އެ ފުރުސަތު ލިބުމުން، މިހާރު ދެން، ކުރިއަށް ވިސްނުން ހުރީ،" މި ވަގުތު ވެސް އެފްއޭއެމްއާ އެކު ފުޓްބޯޅައިގެ އެޑްމިނިސްޓްރޭޝަނުގެ މަސައްކަތުގައި ބައިވެރިވަމުން އަންނަ ރިޔާޒް ބުންޏެވެ.

ސައުދީގައި ކުރިއަށްދިޔަ އޭއެފްސީ 23 އަހަރުން ދަށުގެ މުބާރާތުގެ ތެރެއިން ރިޔާޒް ނަގާފައިވާ ފޮޓޯއެއް.--

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox