ސާފްގެ ސޭފްގާޑިން ކޮމިޓީ ލީޑްކުރުން ރާއްޖެ އަށް

Aug 9, 2021, 9:08 AM
ެއެފްއޭއެމްގެ ޗައިލްޑް ސޭފްގާޑިން ޕޮލިސީ ލޯންޗް ކުރަން ބޭއްވުނު އިވެންޓްގެ ތެރެއިން.-- ފޮޓޯ: އޭއެފްޕީ

ެއެފްއޭއެމްގެ ޗައިލްޑް ސޭފްގާޑިން ޕޮލިސީ ލޯންޗް ކުރަން ބޭއްވުނު އިވެންޓްގެ ތެރެއިން.-- ފޮޓޯ: އޭއެފްޕީ

ސައުތު އޭޝިއަން ފުޓްބޯލް ފެޑެރޭޝަން (ސާފް)ގެ ފަރާތުން ފުޓްބޯޅައިގެ ތެރެއިން ރައްކާތެރިކަން ކަށަވަރުކުރަން ކުރެވޭ މަސައްކަތުގައި އެކުލަވާލި ސާފް ސޭފްގާޑިން ސްޓިއަރިން ކޮމިޓީ ލީޑުކުރުމުގެ ފުރުސަތު ރާއްޖެ އަށް ދީފި އެވެ.

އިއްޔެ ފާހަގަކުރި ސޭފާ ސްޕޯޓްސް ޑޭގެ މުނާސަބަތުގައި ފުޓްބޯޅައިގެ ތެރެއިން ސާފް ސަރަހައްދުގައި ވެސް ގުޅިފައިވާ ނެޓްވޯކެއްގެ ތެރެއިން ރައްކާތެރިކަން ކަށަވަރުކުރަން ޕްލޭނެއް ހެދުނެވެ. އެ ޕްލޭންގެ ތެރެއިން މަޝްވަރާކުރެވުނީ ރީޖަނަލް ސޭފްގާޑިން ސްޓިއަރިން ކޮމިޓީ އެއް ވުޖޫދުކުުރުމަށެވެ.

އެ ކޮމިޓީގެ ފުރަތަމަ ޗެއާއެއްގެ ގޮތުގައި ރާއްޖެ ހަމަޖެއްސީ ރާއްޖޭން ސޭފްގާޑިންގެ ކަންކަމުގައި މިހާތަނަށް ކޮށްފައިވާ މަސައްކަތްތައް އަގުވަޒަންކުރުމުގެ ގޮތުންނެވެ. އެފްއޭއެމުން ދާދި ފަހުން ވަނީ ފުޓްބޯޅައިގެ ތެރެއިން ކުޑަކުދިންނަށް ރައްކާތެރިކަން ކަށަވަރުކުރުުމުގެ ގޮތުން "އެފްއޭއެމް ޗައިލްޑް ސޭފްގާޑިން ޕޮލިސީ" އެއް ލޯންޗްކޮށްފަ އެވެ.

ސާފް އިން ބުނީ އެފްއޭއެމަށް އަށް މި ކޮމިޓީ ލީޑްކުރުމުގެ ފުރުސަތު ދޭން ނިންމި އެންމެ ބޮޑު ސަބަބަކީ ސަރަހައްދުގެ އެހެން ގައުމުތަކަށް ބަލާއިރު، ސޭފްގާޑިން (ރައްކާތެރިކަން ކަށަވަރުކުުރުމުގެ) ކަންކަމުގައި އެންމެ ރަނގަޅަށް މަސައްކަތް ކުރަމުން އަންނަ ގައުމީ ރާއްޖެ ކަމަށްވާތީ ކަމަށެވެ.

އަހަަރަކު އެއް ފަހަރު ކޮމިޓީ ލީޑްކުރާނެ ގައުމެއް ބަދަލުކުރާ ގޮތަށް ހަމަޖެހިފައިވާއިރު، އެކަން ކުރުމުގައި ކުރިއަށް އޮތްތަނުގައި ބަލާނީ ސޭފްގާޑިން އަށް އިސްކަންދީގެން ގައުމުތަކުން ކުރާ މަސައްކަތާއި ހާސިލްކުރެވޭ ކަންކަމަށް ބެލުމަށް ފަހު އެވެ. އަދި ދެން ކޮމިޓީގެ ޗެއާއެއް ކަނޑައެޅުމުގައި ކޮމިޓީގައި ހިމެނޭ މެމްބަރުންނަށް ވެސް ބާރު ލިބޭނެ އެވެ.

ސާފް އިން ވަނީ މި ކޮމިޓީގެ ކަންކަން ހިނގާނެ ގޮތުގެ އިތުރު މައުލޫމާތު އެސޯސިއޭޝަންތަކާ ހިއްސާކުރާނެ ކަމަށް ބުނެފަ އެވެ.

އެފްއޭއެމްގެ ފަރާތުން ސާފްގެ ސޭފްގާޑިން އޮފިސަރަކަށް މަސައްކަތްކުރަނީ އައިމިނަތު ޝިޔާނާ އެވެ. ސޭފްގާޑިންގެ ކަންކަން އެފްއޭއެމްގެ ފަރާތުން ކުރިއަށްގެންދަނީ އެފްއޭއެމް ފައުންޑޭޝަންގެ ފަރާތުންނެވެ. މިދިޔަ އަަހަރުގެ ނޮވެމްބަރު މަހު އެފްއޭއެމުން ލޯންޗްކުރި އެފްއޭއެމް ފައުންޑޭޝަންގެ ކަންކަމުގައި އެންމެ އިސްކޮށް ހަރަކާތްތެރިވާ އެއް ފަރާތަކީ އެފްއޭއެމްގެ ޑިރެކްޓާ އޮފް އިންޓަނޭޝަނަލް ރިލޭޝަންސް މަރިޔަމް އަންޖުމް އަފްޒަލް އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox