އެފްއޭއެމް އަށް މި އަހަރަށް 48 މިލިއަން ރުފިޔާގެ ބަޖެޓެއް ފާސްކޮށްފި

Mar 8, 2026, 6:04 AM
އެފްއޭއެމް އިން ރޭ ބޭއްވި ކޮންގްރެސްގެ ތެރެއިން.--- ފޮޓޯ: އަދަދު ސްޕޯޓްސް / އިމޭޖަސް.އެމްވީ

އެފްއޭއެމް އިން ރޭ ބޭއްވި ކޮންގްރެސްގެ ތެރެއިން.--- ފޮޓޯ: އަދަދު ސްޕޯޓްސް / އިމޭޖަސް.އެމްވީ

ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން ދެ އަހަރަށް ފަހު، ބޭއްވި ފުރަތަމަ އަހަރީ އާންމު ޖަލްސާގައި، މި އަހަރަށް ލަފާކޮށް، 48.3 މިލިއަން ރުފިޔާގެ ބަޖެޓެއް ފާސްކޮށްފި އެވެ.

އެފްއޭއެމާ މިދިޔަ އަހަރުގެ ޖުލައި 26 ގައި ހަވާލުވެވަޑައިގަތް، އެސޯސިއޭޝަންގެ ރައީސް، އަހުމަދު ތޯރިގު (ޓޮމް)ގެ ލީޑަޝިޕުން ބޭއްވި ފުރަތަމަ އަހަރީ އާންމު ޖަލްސާ ކުރިއަށްދިޔައީ ރޭ ހެންވޭރު މީރުމާގެ އިވެންޓް ހޯލުގަ އެވެ.

އެ ގޮތުން، މި އަހަރަށް ފާސްކުރި ބަޖެޓުގައި، އާމްދަނީގެ ގޮތުގައި ލިބޭ ފައިސާގެ ތެރެއިން، އެންމެ ބޮޑު ބައެއް ހިއްސާކުރަނީ ފީފާ އިންނެވެ. ދުނިޔޭގެ މައި ފުޓްބޯޅަ އިދާރާ ފީފާއިން، އެފްއޭއެމަށް މި އަހަރު 32.7 މިލިއަން ރުފިޔާ އެފްއޭއެމަށް ދޭނެ ކަމަށް ބަޖެޓުގައި ހިމަނާފައިވެ އެވެ.

މީގެ އިތުރުން، ސްޕޮންސާޝިޕްގެ ގޮތުގައި 8.7 މިލިއަން ރުފިޔާ ލިބޭނެ ކަމަށް ބަލާފައިވާއިރު، ސްޕޯޓްސް މިނިސްޓްރީން، 1.8 މިލިއަން ރުފިޔާ ލިބޭނެ ކަމަށް ވަނީ ހިމަނައިފަ އެވެ. އޮޕަރޭޓިން އެކްޓިވިޓީސްގެ އާމްދަނީގެ ގޮތުގައި، 4.8 މިލިއަން ހިމަނާފައިވާއިރު، ޖަޕާން އެފްއޭ މެދުވެރިކޮށް، 308،400 ރުފިޔާ ލިބޭނެ ކަމަށް ވަނީ ހިމަނައިފަ އެވެ.

ބައިވެރިވި ހުރިހާ ކްލަބެއްގެ ތާއީދާ އެކު، ފާސްކުރި ބަޖެޓުގެ ޖުމްލަ ހަރަދަކީ 48.3 ރުފިޔާ އެވެ. އަދި، ބަޖެޓްގައި ހިމަނާފައިވާ އަދަދުތަކަށް ބަލާއިރު، ހަރަދުތައް ކުރުމަށް ފަހު، މި އަހަރަށް ފާސްކުރީ، 72,741ރ. އަރަނި ބަޖެޓެކެވެ.

ބަޖެޓުގެ އެކިއެކި ތަފްސީލުތަކަށް ބަލާއިރު، އެފްއޭއެމުން މި އަހަރަށް އެންމެ ބޮޑު ހޭދައެއް ކުރާނީ މުބާރާތްތަކާއި އެކި ހަރަކާތްތަކަށެވެ. އެ ގޮތުން، މުބާރާތްތަކަށް 27.2 މިލިއަން ރުފިޔާ ހިމަނާފައިވާއިރު، އޭގެތެރެއިން، ދިވެހި ޕްރިމިއާ ލީގަށް 6.7 މިލިއަން ރުފިޔާގެ ހަރަދެއް ހިނގާނެ ކަމަށް ވަނީ ކަނޑައަޅައިފަ އެވެ.

މީގެ އިތުރުުން، ގައުމީ ޓީމުތަކުގެ ހަރަދުތަކަށް 6.3 މިލިއަން ރުފިޔާ ހިނގާނެ ކަމަށް ކަނޑައަޅާފައިވާއިރު، އިދާރީ ހިންގުމާއި މުވައްޒަފުންގެ މުސާރަ އަށް 10 މިލިއަން ރުފިޔާ އަދި، އަންހެން ފުޓްބޯޅަ ކުރިއެރުވުމަށް އަންހެން ލީގަށް 1.5 މިލިއަން ރުފިޔާ ހަރަދު ކުރުމަށް ވެސް ވަނީ ރާވާފައިވެ އެވެ.

އެފްއޭއެމް އިން މި އަހަރު މުޅިން އަަލަށް ފަށަން ނިންމާފައިވާ ފުޓްސަލް މުބާރާތްތަަކަށް ވެސް ވަނީ ބަޖެޓް ކަނޑައަޅައިފަ އެވެ. އެ ގޮތުން، ފުޓްސަލް އެޓޯލް ޗެމްޕިއަންޝިޕް އަށް 1.8 މިލިއަން ރުފިޔާ އާއި ފުޓްސަލް ލީގަށް 324،500 ރުފިޔާ ވަނީ ކަނޑައަޅައިފަ އެވެ.

ރޭގެ ކޮންގްރެސްގެ އެޖެންޑާގައި ބަޖެޓް ފާސްކުރުމުގެ އިތުރުން، 2025 ވަނަ އަހަރުގެ ހަރަކާތްތަކުގެ ރިޕޯޓާއި، މިދިޔަ އަހަރުގ އޮޑިޓްގެ އިތުރުން މާލީ ބަޔާންތައް ވެސް ވަނީ ފާސްކޮށްފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox