އެފްއޭއެމް އިން ދީފައިވަނީ ސައްހަ ނޫން މައުލޫމާތެއް: ވެލެންސިއާ

Mar 10, 2026, 5:07 AM
އެފްއޭއެމް އިން ދީފައިވަނީ ސައްހަ ނޫން މައުލޫމާތެއް: ވެލެންސިއާ

އިސްތިއުނާފުކުރަން ވެލެންސިއާ އަށް ލިބުނު ފުރުސަތުގައި އެ ކްލަބުން ހުށަހެޅީ މުއްދަތު ހަމަވި ފަހުން ކަމަށް ބުނެ، ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން ދީފައިވަނީ ސައްހަ ނޫން މައުލޫމާތެއް ކަަމަށް ކްލަބް ވެލެންސިއާ އިން ބުނެފި އެވެ.

މި ސީޒަނުގެ ދިރާގު ދިވެހި ޕްރިމިއާ ލީގުގައި، ފެބްރުއަރީ ފަސް ވަަނަ ދުވަހު، ކްލަބް ގްރީންސްޓްރީޓްސް އިން ނިއު ރޭޑިއަންޓް ސްޕޯޓްސް ކްލަބާ ދެކޮޅަށް ކުޅެން އޮތް މެޗަށް ހާޒިރުނުވި މައްސަލައިގައި އެ ކްލަބާ ދެކޮޅަށް އެފްއޭއެމް ޑިސިޕްލިނަރީ ކޮމިޓީން އަޅާފައިވާ ފިޔަވަޅާ ގުޅޭގޮތުން، އިސްތިއުނާފުކުރަން ވެލެންސިއާ އަށް ލިބުނު ފުރުސަތުގައި އެ ކްލަބުން ހުށަހެޅީ މުއްދަތު ހަމަވި ފަހުން ކަމަށްވާތީވެ، އިސްތިއުނާފް ބަލައިނުގަންނަން އެފްއޭއެމް އެޕީލް ކޮމިޓީން ނިންމި ކަމަށް އެފްއޭއެމް އިން ވަނީ މީޑިއާ އަށް މައުލޫމާތު ދީފަ އެވެ.

ވެލެންސިއާ އިން ނެރުނު ބަޔާނެއްގައި ބުނެފައިވަނީ، އިސްތިއުނާފުކުރުމަށް ފެބްރުއަރީ 12 ވަނަ ދުވަހު ވެލެންސިއާ އިން އެފްއޭއެމްގައި އެދުނު ކަމަށާއި، އެފްއޭއެމް ޑިސިޕްލިނަރީ ކޮމިޓީން މި މައްސަލައިގައި އިސްތިއުނާފުކުރަން ވެލެންސިއާ އަށް އެއްވެސް ފުރުސަތެއް ދީފައިނުވާ ކަމަށެވެ.

އެ ގޮތުން، ވެލެންސިއާ އިން ވަނީ މައިގަނޑު ހަ ކަމެއް ފާހަގަކޮށްފަ އެވެ. އެއީ، ފެބްރުއަރީ ފަސް ވަނަ ދުވަހު ވެލެންސިއާ އިން ހުށަހެޅި މައްސަލަ އަށް ވަނަ ދުވަހު ނިންމައި، ޑިސިޕްލިނަރީ ކޮމިޓީގެ ނިންމުމުގައި ވެލެންސިއާ އަށް ފުރަތަމަ އަންގާފައިވަނީ، އިސްތިއުނާފް ފުރުސަތު އޮތީ ގްރީން ސްޓްރީޓްސް އަށް އެކަނި ކަމަށެވެ. އެކަން ވެލެންސިއާ އިން ފާހަގަކުރިތާ ހަތަރު ގަނޑިއިރު ފަހުން، އެފްއޭއެމްގެ ސިޓީ އަކުން ވެލެންސިއާ އަށް އެންގީ އެ ކްލަބަށް ވެސް އިސްތިއުނާފުުކުރެވޭނެ ކަމަށާއި އެކަމަކު، އެއީ ޑިސިޕްލިނަރީ ކޮމިޓީގެ ނިންމުމަކާ ނުލައި އައި ކަމެއް ކަމުން، އެފްއޭއެމްގެ ނުފޫޒު ޑިސިޕްލިނަރީ ކޮމިޓީ އަށް އޮތް މިންވަރު ހާމަވާ ކަމަށެވެ.

މީގެ އިތުރުން، އެފްއޭއެމްގައި ވެލެންސިއާ އިން ވަނީ، 12 ފެބްރުއަރީގައި އިސްތިއުނާފުުކުރުމަށް ބޭނުންވާ ލިޔެކިއުން ހިއްސާކޮށްދިނުމަށް އެދިފަ އެވެ. އެކަމަކު، އެ ލިޔުންތަކުގެ ތެރެއިން، މެޗުގެ ރެފްރީ ރިޕޯޓާއި މެޗު ކޮމިޝަނަރު ރިޕޯޓް އަދި އެފްއޭއެމްގެ އެޕީލް ކޯޑު ދީފައިނުވާ ކަމަށާއި ކްލަބަށް އެފްއޭއެމް އިން އެންގީ އެޕީލް ކޯޑެއް ނެތް ކަމަށް ކަމުގަ އެވެ. އަދި، ވެލެންސިއާ އިން އެދުނު މައުލޫމާތުތަކުގެ ތެރެއިން، ޑިސިޕްލިނަރީ ކޯޑުގެ ދިވެހި، އިނގިރޭސި ކޮޕީ އާއި މައްސަލަ ނިންމި ގޮތުގެ ރިޕޯޓް، އެފްއޭއެމް އިން ވެލެންސިއާ އަށް ދީފައިވަނީ 8 ފެބްރުއަރީން ފެށިގެން ޑިސިޕްލިނަރީ ކޯޑުން އެޕީލް ކުުރުމަށް ލިބޭ ހަތް ދުވަހުގެ މުއްދަތު ފާއިތުވިތާ ދެ ދުވަސް ފަހުން 17 ފެބްރުއަރީގައި ކަމަށް ވެލެންސިއާ އިން ވަނީ ބުނެފަ އެވެ.

ވެލެންސިއާ އިން ދެން ބުނެފައިވަނީ، މައްސަލަ އިސްތިއުނާފުކުރުމަށްޓަކައި، އެފްއޭއެމްގައި ބަހައްޓަން ޖެހޭ 3000 ރުފިޔާ ބަލައިގަންނާނެ ގޮތެއް، ނުވަތަ ޖަމާކުރަން ޖެހޭ އެކައުންޓް ނަމްބަރު ފަދަ އެއްވެސް އަސާސީ މައުލޫމާތެއް އެފްއޭއެމް އިން ފޯރުކޮށްނުދީ މި މައްސަލައިގައި އަަމަލުކޮށްފައިވަނީ ކުރިން ނިންމާފައިވާ ނިންމުން ބަދަލުކުރަން ބޭނުންނުވާކަން އަންގައިދޭ ފަދަ ގޮތަކަށް ކަމަށް ވެލެންސިއާ އިން ވަނީ ފާހަގަކޮށްފަ އެވެ.

ނިއު ރޭޑިއަންޓް ސްޕޯޓްސް ކްލަބާ ދެކޮޅަށް ކުޅުނު މެޗަށް ހާޒިރުނުވި މައްސަލައިގައި އެ ޓީމު 50،000 ރުފިޔާގެ ޖޫރިމަނާއެއް ދައްކަން އަންގައި، ކުޅުންތެރިން ރަޖިސްޓްރީ ނުކުރެވޭ ގޮތަށް ޓްރާންސްފާ ބޭން އެއް ގްރީން ސްޓްރީޓްސް އަށް ދޭން އެފްއޭއެމްގެ ޑިސިޕްލިނަރީ ކޮމީޓީން ނިންމި އެވެ.

އެފްއޭއެމް ޑިސިޕްލިނަރީ ކޮމިޓީގެ މި ނިންމުމާ އެކު، ގްރީން ސްޓްރީޓްސްގެ ޕޮއިންޓެއް އުނިކުރަން ނެތުމުން، ކްލަބް ވެލެންސިއާ ވަނީ ރެލިގޭޓްވެފަ އެވެ. ވެލެންސިއާ އިން އުއްމީދުކޮށްގެން ތިބީ، ކޮމިޓީން މައްސަލަ ބެލުމަށް ފަހު ގްރީންސްޓްރީޓްސްގެ އަތުން ޕޮއިންޓްތަކެއް އުނިކުރާނެ ކަމަށެވެ. އެހެންވި ނަމަ ވެލެންސިއާ ފުރަތަމަ ޑިވިޝަނުގައި ދެމި އޮވެ، ގްރީންސްޓްރީޓްސް ރެލިގޭޓްވާނެ އެވެ. އެކަމަކު، ކޮމިޓީގެ ނިންމުން ވެލެންސިއާ އިން ބޭނުންވި ގޮތަށް ނާންނާތީވެ، ވެލެންސިއާ އިން ވަރަށް ބޮޑަށް ހިތްހަމަނުޖެހުން ފާޅުކޮށް، އެ މައްސަލަ އޭއެފްސީ އާއި ފީފާ އަށް ހުށަހަޅާނެ ކަމަށް ބުނެ، އޭރު ވެލެންސިއާ އިން ވަނީ ބަޔާނެއް ނެރެފަ އެވެ.

ވެލެންސިއާގެ ރޭގެ ބަޔާނުގައި ބުނެފައިވަނީ، މި މައްސަލައިގައި އެ ކްލަބަށް ފީފާ އިން އަންގާފައިވަނީ އޭއެފްސީ މެދުވެރިކޮށް މި މައްސަލައިގައި ކުރިއަށްދިއުމަށެވެ.

ކޮމެންޓް

ފަހުގެ ޚަބަރު

އަށް މަސް ފަހުން ސާފް ޗެމްޕިއަންޝިޕެއް ބާއްވަނީ

އަށް މަސްދުވަހުގެ ތެރޭގައި ބާއްވާ ސާފް ޗެމްޕިއަންޝިޕް މުބާރާތް ސްރީލަންކާގައި ބޭއްވުމަށް އެ ގައުމުގެ ފުޓްބޯޅަ ފެޑެރޭޝަނުން މަސައްކަތް ފަށައިފި. އެ ފެޑެރޭޝަންގެ ރައީސް ޖަސްވާރު އުމަރު ވިދާޅުވީ، ލަންކާގެ ފުޓްބޯޅަ ކުރިއަރުވައި ވަރުގަދަ ކުރުމަށްޓަކައި އަމިއްލަ ގައުމުގައި މި މުބާރާތް ބޭއްވުމަކީ މުހިންމު ކަމެއް ކަމަށް.

ކެރިކް، މެންޗެސްޓާ ޔުނައިޓެޑް ކޯޗުކަމުން ވަކިކުރަން ނިންމައިފި

މެންޗެސްޓާ ޔުނައިޓެޑްގެ ނަތީޖާތައް ދަށްވުމާ ގުޅިގެން ކޯޗު ކެރިކް މަގާމުން ވަކިކޮށް، އެމެރިކާގެ ކޯޗު ޕޮޗެޓީނޯއާ ޓީމު ހަވާލުކުރަން އެ ކްލަބުން ވަނީ ނިންމާފައެވެ. ޕޮޗެޓީނޯ ޔުނައިޓެޑާ ގުޅޭނީ އެމެރިކާގެ ކުރިއަށް ހުރި މެޗުތަކަށް ފަހު ކަމަށްވާއިރު، އޭނާ ގެނައުމަށްޓަކައި އެމެރިކާ ފުޓްބޯޅަ ފެޑެރޭޝަނަށް ދައްކަންޖެހޭ ފީއާ ގުޅޭގޮތުން މަޝްވަރާ ކުރަމުން އެބަދޭ

ޕޮޗެޓީނޯ ގޮސްފިނަަމަ އެމެރިކާގެ ކޯޗުކަން ގާޑިއޯލާ އަށް

މެންޗެސްޓާ ޔުނައިޓެޑްގެ ކޯޗުކަމާ މައުރީސިއޯ ޕޮޗެޓީނޯ ހަވާލުވެއްޖެނަމަ، އެމެރިކާގެ ގައުމީ ޓީމުގެ ކޯޗުކަން ޕެޕް ގާޑިއޯލާ އަށް ހުށަހެޅުމަށް އެ ގައުމުން އަންނަނީ ތައްޔާރުވަމުން. ނަމަވެސް، ގައުމީ ޓީމަކަށް އިރުޝާދުދިނުމުގެ ޝައުގުވެރިކަން ހުރި ނަމަވެސް، ގާޑިއޯލާ މި މަގާމާ ހަވާލުވުމުގެ ފުރުސަތު ކުޑަކަމަށް ރިޕޯޓްތައް ބުނޭ

ނިއު ޒީލެންޑުން ފުރަތަމަ މެޗުގައި ފަސް ގޯލުން އިންޑިއާ ބަލިކޮށްފި

ފީފާ އެކުވެރިކަމުގެ މެޗެއްގައި ނިއު ޒީލެންޑުން 5-0 ގެ ބޮޑު ތަފާތަކުން އިންޑިއާގެ ގައުމީ ޓީމު ބަލިކޮށްފި. އިންޑިއާ އާއި ނިއު ޒީލެންޑުގެ ކުޅިވަރުގެ ގުޅުމަށް 100 އަހަރު ފުރުން ފާހަގަކުރުމަށް ކުޅޭ ދެ މެޗުގެ ތެރެއިން ފުރަތަމަ މެޗުގައި ނިއު ޒީލެންޑުން ވަނީ މޮޅު ކުޅުމެއް ދައްކައި ފަސް ލަނޑު ޖަހާފައި.

ސަބަލެންކާ ބަލިކޮށް އަންޑްރީވާ ޖެހިޖެހިގެން 11 ވަނަ މޮޅު ހޯދައިފި

ދުނިޔޭގެ ދެ ވަނަ ޓެނިސް ކުޅުންތެރިޔާ އަރީނާ ސަބަލެންކާ ބަލިކޮށް، ރަޝިއާގެ މީރާ އަންޑްރީވާ ޖެހިޖެހިގެން 11 ވަނަ މޮޅާއެކު ޑަބްލިއުޓީއޭ ފައިނަލްސްގެ ސެމީން ޖާގަ ހޯދައިފި. ފުރަތަމަ ސެޓުގައި ފަހަތުގައި އޮވެ، އަންޑްރީވާ މެޗު ކާމިޔާބުކުރީ 6-4 އަދި 6-0 ގެ ނަތީޖާއަކުން

ސާފް އިން އަަރަބިންނަށް ނަސްލީ ތަފާތުކުރާ ކަމަށް ތުހުމަތުކޮށްފި

ސާފް އިން އަރަބި ގައުމުތަކުގެ މީހުންނާ މެދު ނަސްލީ ތަފާތުކުރުން ގެންގުޅޭ ކަމަށް ސްރީ ލަންކާގެ ކޯޗު އަބްދުﷲ އަލް މުތައިރީ ތުހުމަތުކޮށްފި. އޭނާ މިހެން ބުނީ ސާފްގެ ގަވާއިދުތައް ތަންފީޒުކުރުމުގައި އޭނާއާ މެދު ހަރުކަށިކޮށް އަމަލުކުރާއިރު، އެހެން ގައުމުތަކުގެ ކޯޗުންނަށް ލުއިދޭ ކަމަށް ބުނެ ހިތްހަމަނުޖެހުން ފާޅުކުރަމުން.

ސާފް ޗެމްޕިއަންޝިޕުގައި ފެނުނީ ރާއްޖޭގެ ފެންވަރެއް ނޫން: ސަމުއްޓެ

މިފަހަރުގެ ސާފް ޗެމްޕިއަންޝިޕްގައި ކުޅުނު ދެ މެޗުން ބަލިވެ، ލަނޑެއް ނުޖެހި ރާއްޖެ ކެޓުމަކީ ގައުމީ ޓީމުގެ ފެންވަރު ނޫން ކަމަށް ކެޕްޓަން ސަމުއްޓެ ބުނެފި. މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއިން އެންމެ ދަށް ނަތީޖާއެއް ހޯދި ފަހަރު ނަމަވެސް، އިތުރަށް މަސައްކަތްކޮށް ކުރިއަށް އޮތް މުބާރާތްތަކުގައި ވަރުގަދަކޮށް އެނބުރި އަންނާނެ ކަމަށް ބުނި.

Newsletter

Get the latest news delivered straight to your inbox