އިމިގްރޭޝަން ބިލު އޮތީ އިޒްރޭލުގެ ޑުއަލް ޕާސްޕޯޓް ހޯލްޑަރުންނަށް ރާއްޖެ ވަދެވޭ ގޮތަށް: މީކާއިލް

ރައްޔިތުންގެ މަޖިލީހުގެ ޖަލްސާއެއްގައި މީކާއިލް ވާހަކަ ދައްކަވަނީ -- ފޮޓޯ: ރައްޔިތުންގެ މަޖިލިސް

ރައްޔިތުންގެ މަޖިލީހުގެ ޖަލްސާއެއްގައި މީކާއިލް ވާހަކަ ދައްކަވަނީ -- ފޮޓޯ: ރައްޔިތުންގެ މަޖިލިސް

އިމިގްރޭޝަން ގާނޫނަށް ބަދަލު ގެންނަން ހުށަހަޅާފައިވަނީ ދިވެހި ރައްޔިތުންނަކީ މޮޔައިން ކަމަށް ދެކިގެން ކަމަށާއި، ބިލު މިހާރު އޮތް ގޮތުން އިޒްރޭލުގެ ރައްޔިތުންގެ ތެރެއިން ޑުއަލް ޕާސްޕޯޓް ގެންގުޅޭ މީހުންނަށް ރާއްޖެ އެތެރެވެވޭނެ ކަމަށް ގަލޮޅު ދެކުނު ދާއިރާގެ މެންބަރު މީކާއިލް އަހުމަދު ނަސީމް ވިދާޅުވެއްޖެއެވެ.

މިހާރު ކުރިއަށްދާ އިމިގްރޭޝަން ބިލުގެ ބަހުސްގައި ވާހަކަދައްކަވަމުން މީކާއިލް ވިދާޅުވީ، ދުނިޔޭގެ އެހެން ގައުމުތަކަށް ވަމުންދާ ގޮތް ބަލާފައި މި މައުލޫގައި ދިވެހި ރައްޔިތުންގެ ޖާއިޒު ކަންބޮޑުވުންތަކެއް އެބަހުރި ކަމަށެވެ, ވާހަކަތައް ދެއްކުމުން މަލާމާތާއި ފުރައްސާރަކުރި ނަމަވެސް، ރައްޔިތުންގެ ހައްގުގައި އެ ވާހަކަތައް ދެއްކުން ހުއްޓާނުލައްވާނެ ކަމަށް އޭނާ ވިދާޅުވި އެވެ. 

"އިމިގްރޭޝަން ގާނޫނަށް ބަދަލު ގެންނަ އިރު، އަނެއްކާވެސް ޑުއަލް ޕާސްޕޯޓް ގެންގުޅޭ އިޒްރޭލު ރައްޔިތުންނަށް މި ރާއްޖެ އެތެރެވެވޭ ގޮތަށް، ރައްޔިތުން ގަމާރުންނަށް ހަދައިގެން ރައްޔިތުން މަޖިލީހުގައި ގާނޫނު ފާސްކުރާނަމަ ރައްޔިތުންވެސް އެކަން ދެކޭނެ. 2028 ގައި ރައީސް މުއިއްޒަށްވެސް ވޯޓު ކަރުދާސްކޮޅުން އެ ޖަވާބު ދެއްވާނެ،" މީކާއިލް ވިދާޅުވި އެވެ.

މީކާއިލް ވިދާޅުވީ, ބިލުގެ ކޮމިޓީ މަރުހަލާގައި އިޒްރޭލުގެ ޑުއަލް ޕާސްޕޯޓް ހޯލްޑަރުން ރާއްޖެ އެތެރެވުން މަނާކުރުމަށް އިސްލާހު ހުށަހަޅުއްވާނެ ކަމަށެވެ. އަދި މަޖިލީހުގެ ކޮންމެ މެންބަރަކު މިކަމުގައި ވޯޓު ދެއްވާ ގޮތް ވަކިވަކިން ރައްޔިތުންނަށް ހާމަކުރައްވައި، ރައްޔިތުންނާ ހަމައަށް ގެންގޮސްދެއްވާނެ ކަމަށް އޭނާ ވިދާޅުވި އެވެ.

"މި ރާއްޖޭގެ މި މަޖިލީހުގައި ކޮންމެ ރައްޔިތުންގެ މަޖިލީހުގެ މެންބަރެއް އިޒްރޭލު ޑުއަލް ޕާސްޕޯޓުގެ މީހުން ދިވެހި ރާއްޖެއަށް އެތެރެވާން ވޯޓު ލާ ގޮތް އަޅުގަނޑުމެން ދިވެހި ރައްޔިތުންނަށް އަންގާނަން. ވަކި ވަކިން މެންބަރުންގެ ދާއިރާ އަދި ފޮޓޯ ޖަހާނަން. ވަކި ވަކިން ވޯޓިން ރިކޯޑް ދިވެހި ރައްޔިތުންނަށް ހާމަކުރާނަން،" މީކާއިލް ވިދާޅުވި އެވެ.

މީގެ އިތުރުން, މެންބަރުން ވޯޓު ދެއްވާ ގޮތް ދިވެހި ރައްޔިތުން އާންމުކޮށް ހާމަކުރާނެ ކަމަށާއި، 2028 ވަނަ އަހަރުގެ އިންތިހާބުގައި މިހާރު ހިނގަމުންދާ މި ނާގާބިލު އަދި ރާއްޖޭގެ ބިން ވިއްކާ ސަރުކާރު ރައްޔިތުން ނުކުމެ ބަލިކުރާނެ ކަމަށް މީކައިލް ވިދާޅުވެފައިވެއެވެ.

2024 ވަނަ އަހަރުގެ ތެރޭގައި އިޒްރޭލުގެ ޕާސްޕޯޓު މަނާކޮށް އަދި އިޒްރޭލުގެ ޕާސްޕޯޓާއެކު ޑުއަލް ޕާސްޕޯޓު ގެންގުޅޭ މީހުންނަށް ވެސް ރާއްޖެ ނާދެވޭ ގޮތް ހެދުމަށް މީކާއިލް މަޖިލީހަށް ބިލެއް ހުށަހެއްޅުއްވި އެވެ.

ނަމަވެސް ސަރުކާރުން އެ ބިލު ފާސް ކުރި އިރު ކުރީ ބޮޑެތި ބަދަލުތަކެއް ގެނެސް, އެހެން ޕާސްޕޯޓެއް ދައްކައިފި ނަމަ އިޒްރޭލުގެ ޕާސްޕޯޓެއް ގެންގުޅޭ މީހަކަށް ވެސް ރާއްޖެ އެތެރެވެވޭނެ ގޮތަށެވެ. އަދި ފަލަސްތީނަށް ދޭ ހަމަލާތައް ހުއްޓާލައިފި ނަމަ އިޒްރޭލުގެ ކޮންމެ މީހަކަށް ވެސް ރާއްޖެ އާދެވޭނެ ކަމަށް ބިލުގައި ބުނެފައި އޮވެ އެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox