ދިވެހިރާއްޖޭގެ ކުރީގެ ފޮރިން މިނިސްޓަރު އަދި އިދިކޮޅު އެމްޑީޕީގެ އެއް ލީޑަރު އަބްދުﷲ ޝާހިދުއަށް ފުލުހުން ކުރަނީ ޖިންސީ ކުށުގެ އެންމެ ސީރިއަސް ތުހުމަތުތައް ކަން މި ނޫހަށް އެނގިއްޖެ އެވެ.
އަދަދު އަށް އެނގިފައިވާ ގޮތުގައި ޝާހިދުގެ މައްޗަށް ކުރަނީ "އިތުބާރު ކުރެވޭ މަގާމެއްގައި ހުރެ" ކުޑަކުއްޖަކާ ޖިންސީ ގޯނާ ކުރުމުގެ ކުށުގެ ތުހުމަތެވެ. އަދި މި އަހަރުގެ ކުރީކޮޅުން ފެށިގެން އޭނާގެ އަމަލު ހިންގަމުން ގޮސްފައިވާ ކަމަށް ވެސް ފުލުހުން ތުހުމަތު ކުރެ އެވެ.
އެނގިފައިވާ ގޮތުގައި، ޝާހިދުގެ ފަރާތުން އަނިޔާ ލިބުނު ކަމަށް ފުލުހުން ތުހުމަތު ކުރާ ކުޑަކުއްޖާ ވަނީ ބެލެނިވެރިއެއްގެ ހާޒިރުގައި ވަގުތީ ގޮތުން ދައުލަތުގެ ބެލުމުގެ ދަށަށް ގެންގޮސްފަ އެވެ.
ޝާހިދު ހައްޔަރު ކުރީ މިދިޔަ ހޯމަ ދުވަހުގެ ރޭގެ ވަގުތެއްގަ އެވެ. އޭނާ ހައްޔަރު ކުރީ ކުޑަކުއްޖަކަށް ޖިންސީ ގޯނާ ކުރުމުގެ ތުހުމަތުގައި ކަމަށް ބުނުމުގެ އިތުރުން އެ މައްސަލައިގައި މިހާތަނަށް ފުލުހުން އިތުރު އެއްޗެއް ނުބުނެ އެވެ.
ފުލުހުންގެ ބެލުމުގެ ދަށަށް ގެންދިޔުމުގެ ކުޑަ ވަގުތުކޮޅެއް ކުރިން ޝާހިދު ވަނީ އޭނާގެ މައްޗަށް ކުރެވޭ ތުހުމަތުތައް ދޮގުކޮށްފަ އެވެ.
"އަޅުގަނޑުގެ ޝަހުސު ކަތިލުމަށް ސިޔާސީ ގޮތުން ފަތުރަމުންދާ ވާހަކަތަކަކީ އެއްވެސް އަސްލެއް ނެތް ދޮގެވެ. މިފަދަ ސާބިތު ނުހިފޭ ވާހަކަ ނުފެތުރުމަށް އެންމެ ބޭފުޅުން އަރިހުން އެދެން،" އޭނާ ވިދާޅުވެފައިވެ އެވެ.
ރާއްޖޭގެ ފޮރިން މިނިސްޓްރީގެ މަގާމު ޝާހިދު ދެ ފަހަރަކު އަދާކުރެއްވި އެވެ. އެއީ ރައީސް މައުމޫން އަބްދުލްގައްޔޫމް އަދި ރައީސް އިބްރާހިމް މުހައްމަދު ސޯލިހުގެ ވެރިކަމުގަ އެވެ. އދ. ގެ ޖެނެރަލް އެސެމްބްލީގެ ރައީސްގެ މަގާމުގައި ވެސް އޭނާ ހުންނެވި އެވެ. ރައްޔިތުންގެ މަޖިލީހުގައި 23 އަހަރު ޝާހިދު މަސައްކަތް ކުރެއްވި އެވެ. އަދި އެ މަޖިލީހުގެ ރައީސްގެ މަގާމް ވެސް އޭނާ އަދާކުރެއްވި އެވެ.
މިފަހަކާ ޖެހެންދެން ޝާހިދު ހުންނެވީ އިދިކޮޅު އެމްޑީޕީގެ ރައީސްގެ މަގާމުގަ އެވެ. އެ މަގާމުން އިސްތިއުފާ ދެއްވީ އެމްޑީޕީގެ ރިޔާސީ ޕްރައިމަރީގައި ވާދަ ކުރައްވާނެކަން އިއުލާނު ކުރެއްވުމަށްފަހު އެވެ.
ޝާހިދު އެމްޑީޕީއަށް ސޮއި ކުރެއްވީ އޭޕްރީލް، 2013، ގަ އެވެ. އޭގެ ކުރިން އޭނާ މަސައްކަތް ކުރެއްވީ، ރައީސް މައުމޫން އުފެއްދެވި ދިވެހި ރައްޔިތުންގެ ޕާޓީގަ އެވެ.
