ޖައްމު އަދި ކަޝްމީރާ ގުޅޭގޮތުން ޕާކިސްތާނުގެ ސްޓޭންޑު ރައީސް މުއިއްޒުއަށް ސާފުކޮށްދެއްވައިފި

ޕާކިސްތާނަށް މުއިއްޒު ވަޑައިގެންނެވުމުން އެމަނިކުފާނުގެ އިސްތިގުބާލުގައި ބޭއްވި އިހުތިފާލުގެ ތެރެއިން -- ފޮޓޯ: ރައީސް އޮފީސް

ޕާކިސްތާނަށް މުއިއްޒު ވަޑައިގެންނެވުމުން އެމަނިކުފާނުގެ އިސްތިގުބާލުގައި ބޭއްވި އިހުތިފާލުގެ ތެރެއިން -- ފޮޓޯ: ރައީސް އޮފީސް

ޖައްމު އަދި ކަޝްމީރުގެ މައްސަލައިގައި ޕާކިސްތާނުން ގަބޫލުކުރާ ހަމަ، އެ ގައުމުގެ ބޮޑުވަޒީރު ޝެހްބާޒް ޝަރީފް، ރައީސް މުއިއްޒުއަށް މިއަދު ސާފުކޮށްދެއްވައިފި އެވެ.

 ޕާކިސްތާނަށް މުއިއްޒު ކުރައްވަމުން ގެންދަވާ ދަތުރުގެ ތެރެއިން މިއަދު ކުރިއަށް ގެންދިޔަ ރަސްމީ މަޝްވަރާތަކަށްފަހު، މުއިއްޒު އާއެކު ދެއްވި ރަސްމީ ސްޓޭޓްމެންޓުގައި ޝެހްބާޒް ވިދާޅުވީ އިންޑިއާގެ ބާރުގެ ދަށުގައި އޮތް ޖައްމު އަދި ކަޝްމީރުގެ މައްސަލައަށް ސުލްހަވެރި ހައްލެއް ހޯދަން އެ ގައުމުން އަބަދުވެސް މަސައްކަތް ކުރާނެ ކަމަށެވެ.

އެ މައްސަލައަށް އޮތް ދާއިމީ ހައްލަކީ އދ. ގެ ސަލާމަތީ މަޖިލީހުގެ ގަރާރުތަކާ އެއްގޮތްވާ ގޮތުގެ މަތިން އަމިއްލަ އިހުތިޔާރުގައި ގޮތް ނިންމުމުގެ ހައްގު ލިބިފައިވާ މިނިވަން މުސްތަގިއްލު ގައުމަކަށް ކަޝްމީރު ވުންކަމަށް ޝެހްބާޒް ވިދާޅުވި އެވެ.

"އިންޑިއާގެ ބާރުގެ ދަށުގައި އޮތް ޖައްމު އަދި ކަޝްމީރުގެ މައްސަލައިގައި ޕާކިސްތާނުން ގެންގުޅޭ ސިޔާސަތުތަކާ ބެހޭ މައުލޫމާތު އެ މަނިކުފާނާ [މުއިއްޒު އާ] ހިއްސާކުރިން. ކަޝްމީރުގެ މައްސަލައަށް ސުލްހަވެރި ހައްލެއް ހޯދުމަށް ޕާކިސްތާނުން އަބަދުވެސް މަސައްކަތް ކުރާނެ،" ޝެހްބާޒް ވިދާޅުވި އެވެ.

ޕާކިސްތާނަކީ އިންޑިއާގެ ދުޝަމަން ގައުމެއް ނަމަވެސް އިންޑިއާއަކީ ރާއްޖެއާ އެންމެ ރަހުމަތްތެރި ގައުމެވެ. ޕާކިސްތާނުން ކަޝްމީރުގެ ވާހަކަ ދެއްކެވި ނަމަވެސް މުއިއްޒު ދެއްވި ސްޓޭޓްމަންޓުގައި ކަޝްމީރުގެ ވާހަކަ ދައްކަވާފައެއް ނުވެ އެވެ.

ޝެހްބާޒްގެ ވާހަކައިގައި ވަނީ  1960 ވަނަ އަހަރު ސޮއިކޮށްފައިވާ އިންޑަސް ވެލީ މުއާހަދާ ސަސްޕެންޑުކުރަން އިންޑިއާއިން މިދިޔަ އަހަރު ނިންމި ނިންމުމަށް ވެސް ފާޑުކިޔައިފަ އެވެ.

އިންޑަސް ވެލީ އެއްބަސްވުމަކީ އިންޑަސް ބޭސިންއާ ގުޅިފައިވާ ހަ ކޯރުގެ ފެން އިންޑިއާ އާއި ޕާކިސްތާނުން ބޭނުންކުރާނެ ގޮތުގެ ހަމައެއް ކަނޑައަޅައި ސޮއިކޮށްފައިވާ އެއްބަސްވުމެކެވެ. އެ އެއްބަސްވުމުގައިވާ ގޮތުން، އޭގެ ތެރެއިން އިރުމަތީ ތިން ކޯރު ކަމުގައިވާ ރަވީ، ބިއާސް އަދި ސަޓްލެޖް އަކީ އިންޑިއާގެ ކޯރުތަކެވެ. އަދި، ދެކުނު ތިން ކޯރުކަމުގައިވާ އިންޑަސް، ޖޭލަމް އަދި ޗެނާބް އަކީ ޕާކިސްތާނުގެ ކޯރުތަކެވެ.

އެ އެއްބަސްވުން ސަސްޕެންޑުކުރަން އިންޑިއާއިން ނިންމީ ޖައްމު އަދި ކަޝްމީރުގައި މިދިޔަ އަހަރު ދިން ޓެރަރިސްޓު ހަމަލާއަކާ ގުޅިގެންނެވެ. އިންޑިއާއިން ބުނެފައި ވަނީ ލެޔާއި ފެން އެކުގައި ދަތުރުނުކުރެވޭނެ ކަމަށާއި އެ ސަރަހައްދުގައި ޓެރަރިސްޓު ހަމަލާތައް ދެނީ ޕާކިސްތާނުގެ ސަރުކާރު އަޑީގައި އޮވެގެން ކަމަށެވެ. ނަމަވެސް، އެ ތުހުމަތުތައް ޕާކިސްތާނުން ދޮގުކުރެ އެވެ.

ޝެހްބާޒް މިއަދު ވިދާޅުވީ ބައިނަލްއަގުވާމީ ގޮތުން އަމަލުކުރުން ލާޒިމުކުރާ އެފަދަ މުއާހަދާއަކާ އިންޑިއާއިން ހިލާފުވުމަކީ ބަލައިގަނެވޭނެ ކަމެއް ނޫން ކަމަށެވެ. އަދި، ގައުމުތަކުގެ މެދުގައި ދެމިގެންދާ ފެނުގެ ވަސީލަތްތަކަކީ ސިޔާސީ ގޮތުން ފިއްތުންތައް ކުރިމަތިކުރުމަށް ނުވަތަ ބިރުދެއްކުމަށް ބޭނުންކުރާ ހަތިޔާރަކަށް ހދައިގެން ނުވާނެ ކަމަށް ވެސް އޭނާ ވިދާޅުވި އެވެ.

އަދި، އިންޑަސް ވެލީ މުއާހަދާގެ ދަށުން އިންޑަސް ބޭސިންއާ ގުޅިފައިވާ ކޯރުތަކުން ޕާކިސްތާނަށް ކަނޑައަޅާފައިވާ މިންވަރު ކޮންޓްރޯލް ކުރުމަކީ ހަނގުރާމައިގެ އަމަލެއްގެ ގޮތުގައި ބަލާނެކަމަށް ވިދާޅުވާ ވިދާޅުވުން މިއަދު ވެސް ޝެހްބާޒް ތަކުރާރުކުރެއްވި އެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox