އެމްޓީސީސީއަށް "މެގަ" ޑްރެޖަރު ގަންނަ އަގު ހާމަނުކުރި

އެމްޓީސީސީގެ ސީއީއޯ ސައުދީ (ވ) އަދި ރައީސް މުއިއްޒު: އެމްޓީސީސީއަށް ގަންނަ ޑްރެޖަރުގެ އަގު އެ ކުންފުނިން ހާމަކޮށްފައެއް ނުވޭ -- ފޮޓޯ: އެމްޓީސީސީ

އެމްޓީސީސީގެ ސީއީއޯ ސައުދީ (ވ) އަދި ރައީސް މުއިއްޒު: އެމްޓީސީސީއަށް ގަންނަ ޑްރެޖަރުގެ އަގު އެ ކުންފުނިން ހާމަކޮށްފައެއް ނުވޭ -- ފޮޓޯ: އެމްޓީސީސީ

ރަށްރަށުގެ ބިން އިތުރުކުރަން ސަރުކާރުން ގެންގުޅޭ ސިޔާސަތުގެ ދަށުން ބިން ހިއްކުމުގެ ޕްރޮޖެކްޓުތައް ހަވާލުކޮށްފައިވާ ތަންތަނުގެ މަސައްކަތް އަވަސް ކުރަން މޯލްޑިވްސް ޓްރާންސްޕޯޓް އެންޑް ކޮްންޓްރެކްޓިން ކޮމްޕެނީ (އެމްޓީސީސީ) އަށް ގަންނަން އުޅޭ ޑްރެޖަރުގެ އަގު ހާމަކުރަން އެ ކުންފުނިން ދެކޮޅު ހަދައިފި އެވެ.

އެމްޓީސީސީއަށް ގެންނަ އާ ޑްރެޖަރަކީ، އެ ކުންފުނިން މިހާރު ގެންގުޅޭ ޑްރެޖަރު، "މަހާ ޖައްރާފު" އަށް ވުރެ އަޑިން، އެއީ 75 މީޓަރު ފުނުން ވެލި ނެގޭ ވަރުގެ ޑްރެޖަރެކެވެ. 

މި ޑްރެޖަރު ގެނައުމުގެ މަސައްކަތް ގޮސްފައިވާ ހިސާބު ކިޔައިދެއްވަމުން ޓީވީއެމްއިން ގެނެސްދޭ "އަހާށޭ ބުނާނަން" ޕްރޮގްރާމުގައި އެމްޓީސީސީގެ ސީއީއޯ އަހްމަދު ސައުދީ ވިދާޅުވީ އެ ކުންފުންޏަށް ގެންނަނީ ބަނދެ ނިމިފައި އޮތް ޑްރެޖަރެއް ކަމަށެވެ. މިހާރު ކުރިއަށް ދަނީ މި ޑްރެޖަރު ގަތުމުގެ ޕްރޮކިއުމަންޓް މަރުހަލާ ކަމަށް އޭނާ ވިދާޅުވި އެވެ،. 

Advertisement

"މަހާޖައްރާފަށް ނުފޯރާ ހިސާބުގައި ހުރި ވެލި ނަގާކަމަށްވެއްޖެއްޔާމުން އިތުރު އެޑިޝަނަލް ޑްރެޖަރެއް އެބަ ގެންނަން ޖެހޭ. ގާތްގަނޑަކަށް 75 މީޓާސްގެ ޑެޕްތުން ވެލި ނެގޭނެ. އެހެންވީމަ އެ މަސައްކަތް ކުރެވެމުން މިދަނީ. އެހެންނަމަވެސް މިއަދު މިހާރު ބަލަމުންދާއިރު މިއީ ވަރަށް ބޮޑަށް އެސެޓެއްގެ ވާހަކަ މިދައްކަނީ އަޅުގަނޑުމެންގެ ރިކުއާމަންޓާ އެއްގޮތަށް ބަލާ ކަމަށްވަންޏާމުން،" ސައުދީ ވިދާޅުވި އެވެ. 

"މީތި ގަންނައިރު އަޅުގަނޑުމެން ޕަބްލިކް ލިސްޓެޑް ކުންފުންޏަކަށްވާތީވެ، ޕްރޮކިއުމަންޓް ޕްރޮސެސްގެ ތެރެއިން އެ މަސައްކަތް ކުރެވެމުން މިދަނީ އެނގޭތޯ. މިހާރު އަޅުގަނޑުމެންނަށް ލިބިފައި އިންނަ އޮފާއެއް ހަމަ އަޅުގަނޑުމެންގެ މި ރިކުއާމަންޓަށް ފިޓްވާ ކަހަލަ ސްޕެކްސްގައި ހުރި ޑްރެޖަރެއް ބަނދެ ނިންމާފައި އޮތް އެއްޗެއް."

އެމްޓީސީސީން އަންނަނީ ޑްރެޖަރު ގަތުމުގެ ކުރިން ފުރިހަމަކުރަންޖެހޭ ޓްރަޔަލްތައް ފުރިހަމަ ކުރަމުންނެވެ. މި ޓްރަޔަލްތަކުގައި، ޑްރެޖަރުގެ ޕާފޯމަންސާއި އަޑިން ވެލި ނެގޭ މިންވަރު ބަލާނެ ކަމަށް ސައުދީ ވިދާޅުވި އެވެ. 

"ބަނދެ ނިންމާފައިވާ އެއްޗަކަށްވާތީވެ ޕޭމަންޓް ހެދުމުގެ ކުރިން މޭކް ޝުއާ ކުރަންޖެހޭ ބައެއް ކަހަލަ ކަންތައްތައް. މިސާލަކަށް އޭތީގެ މިކިޔަނީ ސީ ޓްރަޔަލް އެތި ދުއްވުން. ހަމަ އެއާއެއްކޮށް އަޅުގަނޑުމެން އެބަޖެހޭ ޑްރެޖިން ޓްރަޔަލްއެއް ވެސް ހަދަން. އެ ފުންމިނަށް ވެލި ނެގޭތޯ، އޭގެ ޕާފޯމަންސާއި އެ ހުރިހާ އެއްޗެއް. މި ހުރިހާ އެއްޗެއް މޭކް ޝުއާ ކުރުމުގެ ޕްރޮސެސްގެ ތެރޭގައި މިހާރު މިއުޅެނީ،" ސައުދީ ވިދާޅުވި އެވެ. 

މި މައުލޫމާތުތައް ހިއްސާކުރެއްވި ނަމަވެސް، ޑްރެޖަރު އަންނާނެ ތާރީހެއް ނޫނީ އޮޕަރޭޝަންތައް ފަށާނެ ތާރީހެއް ސައުދީ ވިދާޅެއް ނުވެ އެވެ. މި މައުލޫމާތު ސާފުކުރަން އަދަދު ނޫހުން ގުޅައި، މެސެޖު ކުރުމުން ވެސް އޭނާ ޖަވާބެއް ނުދެއްވަ އެވެ. 

މި ޑްރެޖަރު ގެންނަން އުޅޭ ކަން ފުރަތަމަ އިއުލާންކުރެއްވީ މިދިޔަ ސެޕްޓެމްބަރު 25، ގައި ޕީއެސްއެމް އިން ގެނެސްދިން ނޭޝަން ޗެޓްގައި ރައީސް މުހައްމަދު މުއިއްޒެވެ. އެމަނިކުފާނު ވިދާޅުވީ އެމްޓީސީސީގައި އޮތް މަހާޖައްރާފަށްވުރެ ތިން ގުނަ ބޮޑު މަހާޖައްރާފެއް މި ނޮވެމްބަރު މަހު، އެއީ އަންނަ މަހު، ރާއްޖެ ގެނެވޭނެ ކަމަށެވެ.

މުއިއްޒު ވިދާޅުވެފައިވާ ގޮތުގައި "އަލަށް ބަނދެފައިވާ" މި ޑްރެޖަރު ގެނެވުމާއެކު އެމްޓީސީސީއާ ހަވާލުކޮށްފައިވާ ބިން ހިއްކުމުގެ މަޝްރޫއުތައް ވަރަށް ބާރަށް ކުރިއަށް ދާނެ އެވެ. 

އެމްޓީސީސީއަށް އެންމެ ފުރަތަމަ ޑްރެޖަރެއް ގެނެސްފައި ވަނީ ކުރީގެ ރައީސް އަބްދުﷲ ޔާމީންގެ ސަރުކާރުގައި 36 މިލިއަން ޑޮލަރު ހަރަދުކޮށްގެންނެވެ. އެއްފަހަރާ 3،700 ކިއުބިކް މީޓަރުގެ ވެލި ބަރުކުރެވޭ ވަރުގެ ގާބިލުކަން ލިބިފައިވާ މި ޑްރެޖަރަށް އެންމެ ފުނުން ވެލިން ނެގެނީ 50 މީޓަރު އަޑިންނެވެ. 

މިހާރު ރާއްޖޭގައި މިހާ ފުނުން ވެލި ނަގައިގެން ހިންގާ ޕްރޮޖެކްޓުތަކުގައި ބޭނުންކުރަނީ ބޭރު ކުންފުނިތަކުގެ ޑްރެޖަރުތަކެވެ. 

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox