ދުނިޔޭގެ ފެނުމުގެ ދުވަސް ނުވަތަ "ވޯލްޑް ސައިޓް ޑޭ" ފާހަގަކުރުމުގެ ގޮތުން، އައިކެއާ އިން ކަސްޓަމަރުންނަށް ހާއްސަ ޕްރޮމޯޝަނެއް ފަށައިފި އެވެ.
މި އޮކްޓޯބަރު މަހުގެ ނިޔަލަށް ކުރިއަށްގެންދާ މި ޕްރޮމޯޝަންގެ ދަށުން، ކަނޑައެޅިފައިވާ ޕްރިސްކްރިޕްޝަން ލެންސް ގަންނަ ފަރާތްތަކަށް، ހޮވާލެވޭ ފްރޭމްތަކުން 20 ޕަސެންޓުގެ ޑިސްކައުންޓެއް ލިބިގެންދާނެ އެވެ. މިއޮފާ، އައިކެއާ އޮޕްޓިކަލްސްގެ ހުރިހާ އައުޓްލެޓްތަކަކުން ވެސް ލިބޭނެ އެވެ.
ޕްރޮމޯޝަންގެ މުހިންމު މަޢުލޫމާތު
- ހިމެނޭ ބްރޭންޑްތައް: ޒައިސް، ހޯޔާ އަދި ނޯވާގެ ސިންގަލް-ވިޒަން ނުވަތަ ޕްރޮގްރެސިވް ޕްރިސްކްރިޕްޝަން ލެންސާއެކު ބައްލަވައިގަންނަ ފްރޭމްތައް.
- މުއްދަތު: 31 އޮކްޓޯބަރުގެ ނިޔަލަށް. ވޯލްޑް ސައިޓު ޑޭއަކީ އޮކްޓޯބަރު އަށެކެވެ.
- އިތުރު ފައިދާ: އައިކެއާގެ މެންބަރޝިޕް އޮންނަ ފަރާތްތަކަށް ލެންސުން އިތުރު ޑިސްކައުންޓްތަކެއް ލިބޭނެ އެވެ.
ލެންސަކީ މުޅި ދުވަހު ފެނުމުގެ ފެންވަރު ކަނޑައަޅައިދޭ މުހިންމު ބަޔަކަށް ވާތީ، އުމުރާއި، މަސައްކަތުގެ މާހައުލާއި، ސްކްރީން ބޭނުންކުރާ މިންވަރަށް ބަލައި އެންމެ ރަނގަޅު ލެންސް އިޚްތިޔާރުކުރުމަކީ ނުހަނު ބޭނުންތެރި ކަމެއް ކަމަށް އައިކެއާއިން ބުންޏެވެ.
ކަސްޓަމަރުންގެ ލޮލުގެ ފެނުމުގެ ބޭނުންތަކަށާއި ދިރިއުޅުމުގެ ވައްޓަފާޅިއަށް އެންމެ އެކަށޭނަ ފްރޭމާއި ލެންސް ހިޔާރުކުރުމަށް އައިކެއާގެ ފަންނީ ޓީމުތަކުން އެހީތެރިކަން ފޯރުކޮށްދޭނެ އެވެ.
"ލަވް ޔޯ އައިސް" ޝިއާރުގެ ދަށުން އައިކެއާ އިން ކުރިއަށްގެންދާ މި ކެމްޕެއިނާ ގުޅުވައިގެން، އަމިއްލަ ލޮލުގެ ސިއްހަތަށް އިސްކަންދީ، ގަވާއިދުން ލޯ ޓެސްޓުކުރުމަށް އައިކެއާއިން ބުންޏެވެ އެވެ. ފެނުމަށް އަންނަ ބަދަލުތަކަކީ ވަގުތުން ފާހަގަނުކުރެވި، މަޑުމަޑުން އަންނަ ބަދަލުތަކަކަށް ވެދާނެތީ، ފެނުމަށް އެއްވެސް ބަދަލެއް އަންނަނަމަ ލަސްނުކޮށް ފަންނީ ލަފާ ހޯދުމަށް ވެސް ވަނީ އެދިފަ އެވެ.
އިތުރު މައުލޫމާތުއައިކެއާގެ ވެބްސައިޓުން ލިބޭނެ އެވެ. ނުވަތަ އެންމެ ކައިރީގައި ހުރި އައިކެއާ އައުޓްލެޓަކަށް ޒިޔާރަތްކޮށްލާށެވެ.
