ސްކޫލްތަކުގެ މިޑް ޓާމް ބަންދާ ދިމާކޮށް، ދަރިވަރުންނަށް ހާއްސަކޮށްގެން އައިކެއާގެ ހުރިހާ އައުޓްލެޓްތަކެއްގައި ނަންބަރު އައިނު ފްރޭމްތަކުން 25 ޕަސެންޓުގެ ބޮޑު ޑިސްކައުންޓެއް ލިބޭ ހާއްސަ ޕްރޮމޯޝަނެއް މިއަދު ފަށައިފި އެވެ.
މި ޕްރޮމޯޝަން ކުރިއަށް ދާނީ މިއަދުން ފެށިގެން މި މަހުގެ 26 ވަނަ ދުވަހުގެ ނިޔަލަށެވެ. މިއީ ބަންދު ދުވަސްވަރު ދަރިވަރުންގެ ލޮލުގެ ޓެސްޓުތައް ހަދައި، ސްކޫލްތަށް ހުޅުވުމުގެ ކުރިން އައިނު އައުކޮށްލަން ބެލެނިވެރިންނަށާއި ދަރިވަރުންނަށް ލިބިގެންދާނެ ރަނުގެ ފުރުސަތެކެވެ.
އައިކެއާގެ މި އޮފާ ހުޅުވާލެވިފައި ވަނީ އުމުރުން 25 އަހަރުން ދަށުގެ ސްކޫލް އަދި ކޮލެޖް ދަރިވަރުންނަށެވެ.
ޑިސްކައުންޓް ލިބޭނީ އައިނު ބޭނުންކުރާ ދަރިވަރު އައިކެއާ ގެ އައުޓްލެޓަށް ހާޒިރުވެގެންނެވެ. އުމުރުން 18 އަހަރުން މަތީގެ ދަރިވަރުން ޑިސްކައުންޓް ހޯދުމަށް ސައްހަ ސްޓޫޑެންޓް އައިޑީ ކާޑު ނުވަތަ ކިޔަވާކަން އަންގައިދޭ ލިޔުމެއް ހުށަހަޅަން ޖެހޭނެ އެވެ.
އައިކެއާއިން މައުލޫމާތު ދޭ ގޮތުގައި 25 ޕަސެންޓުގެ ޑިސްކައުންޓް ލިބޭނީ ހަމައެކަނި ފްރޭމްތަކަށެވެ. އެގޮތުން ޝަރުތު ހަމަވާ ދަރިވަރަކަށް އެއް ފްރޭމަށް ވުރެ ގިނަ ފްރޭމް ވެސް ޑިސްކައުންޓް އަގުގައި ގަތުމުގެ ފުރުސަތު އޮންނާނެ އެވެ.
މި ޕްރޮމޯޝަން އައިކެއާގެ ހުރިހާ އައުޓްލެޓެއްގައި ވެސް ކުރިއަށް ދާނެ އެވެ. އިތުރު މައުލޫމާތު އައިކެއާގެ ވެބްސައިޓު https://eyecare.mv/offers އިން ނުވަތަ އެންމެ ކައިރީގައި ހުރި އައިކެއާގެ އައުޓްލެޓަކަށް ޒިޔާރަތްކޮށްލުމުން ލިބޭނެ އެވެ.
