ރަކީދޫ ކައުންސިލުގެ މާލީ ޒިންމާތައް އަދާނުކުރާ ކަމަށް އޮޑިޓު އޮފީހުން ބުނެފި

އެންމެ އާބާދީ ކުޑަ ރަށްތަކުގެ ތެރޭގައި ހިމެނޭ ވ. ރަކީދު: މި ރަށުގައި މައިގަނޑު ގޮތެއްގައި އޮންނަނީ ޓޫރިޒަމް --- ފޮޓޯ: މޯލްޑިވްސް ވާޗުއަލް ޓުއާ

އެންމެ އާބާދީ ކުޑަ ރަށްތަކުގެ ތެރޭގައި ހިމެނޭ ވ. ރަކީދު: މި ރަށުގައި މައިގަނޑު ގޮތެއްގައި އޮންނަނީ ޓޫރިޒަމް --- ފޮޓޯ: މޯލްޑިވްސް ވާޗުއަލް ޓުއާ

ވ. ރަކީދޫ ކައުންސިލް އިދާރާގެ ފައިސާ ހަރަދުކުރުމާއި މާލީ މުއާމަލާތްތަކާ ގުޅޭ ލިޔެކިޔުންތަކާއި ހިސާބުތައް ތައްޔާރުކޮށް ބެލެހެއްޓުމާ ހަވާލުވެ ތިބި އިސް މީހުން އެ މީހުންނާ ހަވާލުކުރެވިފައިވާ ވަޒީފާގެ ޒިންމާތައް އެކަށީގެންވާ މިންވަރަށް އަދާކޮށްފައިނުވާ ކަމަށް އޮޑިޓް އޮފީހުން ބުނެފި އެވެ.

އޮޑިޓް އޮފީހުން ނެރުނު ރަކީދޫ ކައުންސިލުގެ 2024 ވަނަ އަހަރުގެ ކޮމްޕްލަޔަންސް އޮޑިޓު ރިޕޯޓުގައި ބުނެފައިވަނީ ރަކީދޫ ކައުންސިލްގެ އިދާރާއިން 2024 ވަނަ އަހަރުގެ މާލީ ހިސާބުތަކާއި އެ އިދާރާގައި ހިނގި ކަންތައްތަކުގެ އަހަރީ ރިޕޯޓް ތައްޔާރުކޮށް ހުށަހަޅާފައިނުވާ ކަމަށެވެ.

މީގެ އިތުރުން ޕޭމަންޓް ވައުޗަރު ތައްޔާރުނުކޮށް ފައިސާ ހަރަދުކުރުމާއި ލިބޭ ފައިސާ އާއި ހަރަދުތަކުގެ ހިސާބުތައް ވިޔަ މޮޑިއުލްގައި ރިކޯޑްކުރަމުން ގޮސްފައިނުވާކަން ވެސް އޮޑިޓުން ވަނީ ހާމަވެފަ އެވެ. އަދި، ކައުންސިލުގެ އިދާރާގެ މާލީ މުއާމަލާތްތައް ލިޔެކިޔުމުން ބަލަހައްޓަމުން ގޮސްފައި ނުވާ ކަމާއި، ތިޖޫރީން ހަރަދުކުރާ ފައިސާއާ ގުޅޭ ލިޔެކިޔުންތައް ބަލަހައްޓަމުން ގޮސްފައިނުވާކަން ވެސް ވަނީ އެނގިފަ އެވެ. 

މި މައްސަލައިގައި އޮޑިޓު އޮފީހުން ވަނީ ރަކީދު ކައުންސިލުގެ އެކައުންޓުސް އޮފިސަރާއި ސެކެޓްރީ ޖެނެރަލާއި ކައުންސިލުގެ ރައީސްއާ މަތިކޮށްފައިވާ ޒިންމާތައް ހަނދާންކޮށްދީފަ އެވެ. 

އެ ގޮތުން ކައުންސިލްގެ އިދާރާގެ ފައިސާ އާއި މާލީ ހިސާބުތައް ބެލެހެއްޓުމާ ހަވާލުވެހުރި އެކައުންޓްސް އޮފިސަރުގެ ޒިންމާތަކުގެ ތެރޭގައި ފައިސާއާ ބެހޭ ފޮތްތައް ބެލެހެއްޓުމާއި އެ މަސައްކަތާ ގުޅިގެން ހަދަންޖެހޭ ރިޕޯޓްތައް ހެދުން ހިމެނޭ ކަމަށް ބުންޏެވެ. އަދި، ކައުންސިލްގެ އިދާރާގެ ސެކްރެޓަރީ ޖެނެރަލަކީ އެ އިދާރާގެ އެންމެ އިސް އިދާރީ މުވައްޒަފު ކަމަށް ވާއިރު، އިދާރާ ހިންގުމަށް ބޭނުންވާ އެންމެހައި އިންތިޒާމުތައް ހަމަޖައްސައި މަސައްކަތްތައް ހިންގައި ބަލަހައްޓަން ޖެހޭނެ ކަމަށް ބުންޏެވެ.

ރަކީދޫ ކައުންސިލުގެ މާލީ އިހުމާލުތައް

  • ކައުންސިލުގެ 2024 ވަނަ އަހަރުގެ މާލީ ބަޔާންތައް ތައްޔާރުކޮށް އޮޑިޓު އޮފީހަށް ހުށަހަޅާފައި ނެތުން
  • ކައުންސިލަށް ލިބޭ އާމްދަނީ އާއި ހަރަދުތައް ވިޔަ މޮޑިއުލްގައި އެކަށީގެންވާ ގޮތަށް ރެކޯޑުކޮށްފައި ނުވުން
  • ތިޖޫރީގައި ހުރި ފައިސާ ބޭންކަށް ޖަމާނުކޮށް ދިގު މުއްދަތަކަށް ބަހައްޓާފައި ވުމާއި ތިޖޫރީ ރިޕޯޓުތައް ތައްޔާރުކޮށްފައި ނެތުން
  • ކައުންސިލުގެ ވަގުތީ ސެކެޓްރީ ޖެނެރަލްގެ މަގާމުގައި ހުރި މުވައްޒަފަށް އެއްވެސް މަސައްކަތެއް ނުކޮށް ތިން ލައްކައަށް ވުރެ ގިނަ ރުފިޔާ ދިނުން
  • ވަގުތީ ސެކެޓްރީ ޖެނެރަލްގެ މަގާމުގައި ހުރި މުވައްޒަފުގެ އަމިއްލަ އެެކައުންޓަށް ކައުންސިލުގެ ފައިސާ ޖަމާކުރަމުން ދިޔުން
  • ކައުންސިލުގެ އިދާރާގެ އާމްދަނީ އިދާރީ މުވައްޒަފެއްގެ އަމިއްލަ އެކައުންޓަށް ޖަމާކުރުމަށް ފަހު ކައުންސިލު އެކައުންޓަށް ޓްރާންސްފާ ކުރުން
  • މުވައްޒަފުންގެ މުސާރައިން ފެންޝަން ފައިސާ ކަނޑާފައި، ޕެންޝަން ފައިސާ ޖަމާކޮށްފައި ނުވުން
  • ހަރުމުދަލުގެ ރަޖިސްޓްރީއެއް ބަލަހައްޓާފައި ނެތުން

މީގެ އިތުރުން ދައުލަތުގެ މާލިއްޔަތުގެ ގަވާއިދުގެ ދަށުން ކައުންސިލްގެ އިދާރާގެ މާލީ ރިޕޯޓްތައް ތައްޔާރުކުރުމާއި، ހުށަހަޅަންޖެހޭ ފަރާތްތަކަށް ގަވާއިދުން ފޮނުވުމާއި، އާމްދަނީ އާއި ހަރަދުގެ ހިސާބުތައް ބެލެހެއްޓޭނެ އިންތިޒާމު ހަމަޖެއްސުމަކީ ކައުންސިލްގެ ރައީސާ މަތިކުރެވިފައިވާ ޒިންމާތަކެއް ކަމަށް ވެސް ބުނެފައިވެ އެވެ.

އޮޑިޓް އޮފީހުން ބުނި ގޮތުގައި މާލީ ޒިންމާތައް އަދާކުރުމުގައި އިހުމާލުވުމުގެ ނަތީޖާއަކީ ކައުންސިލްގެ އިދާރާގެ މުދަލާއި ފައިސާގެ ރައްކާތެރިކަން ގެއްލުމެވެ. މިއީ ކައުންސިލުގެ މުދަލާއި ފައިސާ ނަހަމަ ގޮތުގައި ބޭނުންކުރުމަށް މަގުފަހިވެގެންދާ ކަމެކެވެ.

މިހެންކަމުން ކައުންސިލްގެ އިދާރާގެ މާލީ ކަންކަން ހަރުދަނާ ކުރުމަށް އެކަށީގެންވާ ފިޔަވަޅުތައް އަޅައި، ފައިސާ ހަރަދުކުރުމާއި މާލީ މުއާމަލާތްތަކުގެ ހިސާބުތައް ބެލެހެއްޓޭނެ ހަރުދަނާ އިންތިޒާމްތައް ހަމަޖެއްސުމަށް އޮޑިޓު އޮފީހުން ވަނީ ރަކީދޫ ކައުންސިލަށް އަންގާފަ އެވެ.

މި އޮޑިޓުގައި އެންމެ ބޮޑު ތުހުމަތެއް ކޮށްފައިވަނީ އެ ކައުންސިލުގެ ވަގުތީ ސެކެޓްރީ ޖެނެރަލްގެ މަގާމުގައި ހުރި މުވައްޒަފަށެވެ. އޭނާ ވަނީ އޭނާ ހުރި މަގާމުގެ މުސާރައިގެ އިތުރުން "މިސްކިތު ވޭޖު" ގެ ނަމުގައި ހަތަރު އަހަރު ދުވަހުގެ ތެރޭގައި 337،600ރ. ނަގައިފަ އެވެ.

އޮޑިޓު އޮފީހުން ބުނީ އޭނާއަށް ދެ މަގާމުގެ މުސާރަ ނަގަމުން ދިޔަ ނަމަވެސް، އިތުރު މުސާރައެއް ދޭން ޖެހޭ އެއްވެސް ކަމެއް ހަވާލުކުރިކަން އެނގެން ނެތް ކަމަށެވެ. 

އޭގެ އިތުރުން އޭނާ ވަނީ ކައުންސިލުން އެހެނިހެން ފަރާތްތަކަަށް ދައްކަން ޖެހޭ ފައިސާގެ ތެރެއިން 79،771ރ. އޭނާގެ އަމިއްލަ އެކައުންޓަށް ޖަމާކޮށްފަ އެވެ. އޮޑިޓު އޮފީހުން ބުނީ މި ފައިސާގެ ހައްގުވެރިންނަށް އޭނާ އެ ފައިސާ ރައްދުކުރިކަން އެނގޭނެ އެއްވެސް ލިޔެކިޔުމެއް ބަލަހައްޓާފައި ނެތް ކަމަށެވެ.  އެވެ. 

މި މައްސަލައިގައި އޮޑިޓު އޮފީހުން ވަނީ އޭނާގެ އެކައުންޓަށް ޖަމާކުރި ފައިސާއަށް ވީގޮތެއް ކަށަވަރުކުރުމަށް ފަހު، އެ ފައިސާ އަނބުރާ ހޯދަން އަންގާފަ އެވެ. އަދި، ދެ މުސާރަ ނެގި މައްސަލައިގައި އެއީ މާލިއްޔަތު ގަވާއިދާ ކަނޑައެޅިގެން ހިލާފަށް ކޮށްފައިވާ ކަމެއްކަން ފާހަގަކޮށް، އެ އޮފީހުން ވާނީ އޭނާގެ މައްސަލަ އެންޓި ކޮރަޕްޝަން ކޮމިޝަން (އޭސީސީ) އަށް ހުށަހަޅައިގެން އެ ފައިސާ ވެސް އަނބުރާ ހޯދަން އަންގާފަ އެވެ. 

މާލީ ޒިންމާތައް އަދާނުކުރި މައްސަލައިގައި އޮޑިޓު އޮފީހުން ލަފާދީފައި ވަނީ ކައުންސިލްގެ އިދާރާއަށް ލިބޭ ފައިސާއާއި ހަރަދުކުރާ ފައިސާގެ ހިސާބުތައް ދައުލަތުގެ މާލިއްޔަތުގެ ގަވާއިދުގައި ކަނޑައަޅާފައިވާ ހަމަތަކާއި އުސޫލުތަކާ އެއް ގޮތަށް ތައްޔާރު ކުރުމަށެވެ. އަދި އެ ހިސާބުތައް ބަލަހައްޓައި، މާލީ ހިސާބުތައް ހުށަހަޅަންޖެހޭ އިދާރާތަކަށް ގަވާއިދުން ފޮނުވުމަށް ވެސް ރަކީދޫ ކައުންސިލަށް ވަނީ އިރުޝާދު ދީފަ އެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox