13 މިނިޓް ތެރޭ 4 ގޯލު ޖަހައިގެން ފްރާންސް މޮޅުވިޔަސް ޒިދާންގެ ހިތެއް ނުފުރުނު

Oct 6, 2026, 9:24 AM
ފްރާންސްގެ ކޯޗު ޒިނެދިން ޒިދާން

ފްރާންސްގެ ކޯޗު ޒިނެދިން ޒިދާން

ޕެރިސް (އޮކްޓޫބަރު 6) - ޔުއެފާ ނޭޝަންސް ލީގުގައި ރޭ ބެލްޖިއަމް ކައިރީގައި ފްރާންސް އިން 13 މިނިޓް ތެރޭ ހަތަރު ގޯލު ޖަހައިގެން، ފަހަތުން އަރައި 4-1 އިން މޮޅުވި ނަމަވެސް މެޗުން ފެނުނު ކަންތައްތަކަށް ބަލާއިރު ރަނގަޅުކުރެވޭނެ ކަންކަން ގިނަ ކަމަށް ފްރާންސްގެ ކޯޗު، ޒިނެދިން ޒިދާން ވަނީ ބުނެފަ އެވެ. 

މިއީ، ޒިދާންގެ ކޯޗުކަމުގައި ފްރާންސުން އަމިއްލަ ގައުމުގައި މޮޅެއް ހޯދި ފުރަތަމަ މެޗެެވެ. 

ސާދަ އަހަރަށް ފަހު، ޑިޑިއޭ ޑެޝޯމްޕްސް، ފްރާންސް ކޯޗުކަމުން ވަކިވިއިރު، ޒިދާން އެ ޓީމާ ހަވާލުވެ ނުކުތް ފުރަތަމަ ދެ މެޗުން، ޔުއެފާ ނޭޝަންސް ލީގުގައި ވަނީ ތުރުކީ އާއި ބެލްޖިއަމް އަތުން 1-0 އިން މޮޅުވެފަ އެވެ. އަމިއްލަ ދަނޑުގައި ފްރާންސުން އެންމެ ފަހުން ކުޅުނު މެޗުގައި އިޓަލީއާ އެއްވަރުވީ 1-1 އިންނެވެ. އެކަމަކު، މާކް ވެން ބޮމެލްގެ ކޯޗުކަމުގައި ކުޅޭ ބެލްޖިއަމް ކައިރިން ނަތީޖާ ނެރުމުގައި ފްރާންސުން މެޗު ނިންމީ ވަރުގަދަ ކޮށެެެވެ. 

ޕެރިހުގައި ރޭ ކުޅުނު މެޗުގައި ބެލްޖިއަމް އިން ފުރަތަމަ ހާފުގައި ލީޑުނެގީ، 35 ވަނަ މިނިޓްގައި ޑޯޑީ ލުކެބާކިއޯ ޖެހި ގޯލުންނެވެ. ފްރާންސަށް އެއްވަރުކޮށްދިނީ 77 ވަނަ މިނިޓްގައި ޑެޒީރޭ ޑޫއޭ އެވެ. އޭގެ ތިން މިނިޓް ފަހުން، ރަޔާން ޗާކީ ވަނީ ފްރާންސަށް ކުރިހޯދައިދީފަ އެވެ. އަދި، ފްރާންސުން ތިން ޕޮއިންޓް ޔަގީންކުރި ލަނޑުތައް ޖެހީ ތަފާތު ފޯމެއްގައި ހުރި އޮލީސޭ އެވެ. 

"ވަރަށް ރަނގަޅު މޮޅެއް. ފުޓްބޯޅަ އަށް ފޯރި ހުންނަ މީހުން ވެސް ގަޔާވާނެ މެޗެއް. އަހަރެން ވެސް ހިތްހަމަޖެހޭ ކަންތައްތަކެއް އެބަހުރި. އެކަމަކު ކޯޗެއްގެ ގޮތުގައި ހުރިއިރު ފާހަގަވި ކަމަކީ މި ޓީމު އިތުރަށް ރަނގަޅުކުރަންޏާ ކުރަން ޖެހޭ ކަންކަން،" ޒިދާން ބުންޏެެވެ.

ނޭޝަންސް ލީގުގެ ލީގު އޭގެ ގްރޫޕް އެކެއްގެ ކުރީގައި ފްރާންސް އޮތީ ހަތަރު މެޗުން 10 ޕޮއިންޓާ އެކު އެވެ. ދެ ވަަނައިގައި އޮތީ ރޮބާޓޯ މަންޗިނީ ރަނގަޅު މަސައްކަތެއް ކުރަމުން އަންނަ އިޓަލީ އެވެ. އެ ޓީމަށް ހަތަރު މެޗުން ހަތް ޕޮއިންޓް ވަނީ ލިބިފަ އެވެ. އަދި، ތިން ވަނައިގައި ބެލްޖިއަމް އޮތީ ހަ ޕޮއިންޓް ހޯދައިގެންނެވެ. ފުލުގައި އޮތްް ވިންޗެންޒޯ މޮންޓެލާ ކޯޗުކޮށްދޭ ތުރުކީ ވަނީ ކުުޅުނު ހަަތަރު މެޗުން ވެސް ބަލިވެފަ އެވެ. 

ތުރުކީ އަތަުން ރޭ އިޓަލީ މޮޅުވެފައިވަނީ، 3-1 އިންނެވެ. އިޓަލީގެ ލަނޑުތައް ޖެހީ ޖިއަންލޫކާ ސްކަމާކާ، ރިކާޑޯ ކަލަފިއޯރީ އަދި ޕިއޯ އެސްޕޮސީޓޯ އެވެ. ތުރުކީގެ ހަމައެކަނި ލަނޑު ޖެހީ އަރަލް ސިމްސީރު އެވެ. 

ކޮމެންޓް

ފަހުގެ ޚަބަރު

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

އެފްއޭއެމްގެ އޮފިޝަލެއް ނެތް، ޓްރޮފީއާ ހަވާލުވީ ނޫސްވެރިއެއް!

ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ފެއާ ޕްލޭ ޓްރޮފީ ރާއްޖެއަށް ލިބުނުއިރު، އެފްއޭއެމްގެ އޮފިޝަލަކު ނެތުމުން އެއާ ހަވާލުވީ ދިވެހި ނޫސްވެރިއެއް. އެފްއޭއެމް އިން ބުނި ގޮތުގައި ޓްރޮފީ ލިބޭކަން ސާފް އިން އެންގީ ވަރަށް ކުޑަ ވަގުތުކޮޅެއް އޮއްވާ ކަމަށާއި، ނޫސްވެރިއަކު ސްޓޭޖަށް އެރީ ސާފްގެ އޮފިޝަލުން އެދިގެން

އިންފަންޓީނޯގެ ޝަރުތު ހަމަވޭތޯ ގާނޫނީ ގޮތުން ބެލި

ފީފާގެ ރައީސްކަމަށް ހަތަރުވަނަ ދައުރަކަށް ކުރިމަތިލައްވާފައިވާ ޖިއާނީ އިންފަންޓީނޯގެ ޝަރުތު ހަމަވޭތޯ އިނގިރޭސި އެފްއޭއިން ގާނޫނީ ގޮތުން ބަލައިފި. ފީފާ ކައުންސިލުން ނިންމާފައިވަނީ އިންފަންޓީނޯގެ ފުރަތަމަ ދައުރަކީ ބާކީ އޮތް މުއްދަތެއް ފުރިހަމަކުރުން ކަމަށްވާތީ، އޭނާއަށް އިތުރު ދައުރަކަށް ކުރިމަތިލެވޭނެ ކަމަށް

އުމުރުން 38 އަހަރުގައި މަޓާ ފުޓްބޯޅަ ކުޅުން ހުއްޓާލައިފި

ސްޕެއިނާއެކު ވޯލްޑް ކަޕާއި ޔޫރޯ ކާމިޔާބުކޮށް، ޗެލްސީ އާއި މެންޗެސްޓާ ޔުނައިޓެޑް ފަދަ ބޮޑެތި ކްލަބްތަކަށް ކުޅުނު ހުއާން މަޓާ އުމުރުން 38 އަހަރުގައި ފުޓްބޯޅަ ކުޅުން ހުއްޓާލައިފިއެވެ. ކުޅުމުން ރިޓަޔާކުރި ނަމަވެސް، ކުރިއަށް އޮތް ތަނުގައިވެސް ފުޓްބޯޅައިގެ ދާއިރާއިން ފެންނާނެ ކަމަށް އޭނާ ވަނީ ބުނެފައެވެ.

ޕާކިސްތާން ފުޓްބޯޅަ ކުރިއަރާނީ ޕްރޮފެޝަނަލް ލީގެއް އޮވެގެން

ޕާކިސްތާން ފުޓްބޯޅަ ކުރިއެރުވުމަށްޓަކައި އެ ގައުމުގައި ވަރުގަދަ ޕްރޮފެޝަނަލް ލީގެއް އޮތުން މުހިންމު ކަމަށް ގައުމީ ކޯޗު ނޮލްބާޓޯ ސޮލާނޯ ބުނެފި. އޭނާ ފާހަގަކުރި ގޮތުގައި ހަމައެކަނި ބޭރުގައި ކުޅޭ ކުޅުންތެރިންނަށް ބަރޯސާވުމުގެ ބަދަލުގައި، ލޯކަލް ކުޅުންތެރިން ކުރިއެރުވޭނީ ގަވާއިދުން ކުޅޭނެ ލީގެއް އޮވެގެން

Newsletter

Get the latest news delivered straight to your inbox