މައުމޫން އާއި ސިޔާސީ ހައްޔަރީން ޖަލުގައި އުޅުއްވި ގޮތުގެ ހާލު ކިޔައިދެއްވި ގޮތް މުއިއްޒު ބަދަލު ކުރައްވައިފި

ރައީސް މުއިއްޒު ޕީއެންސީގެ ކޮންގްރެސްގައި: ކުރިން ވިދާޅުވީ މައުމޫން

ރައީސް މުއިއްޒު ޕީއެންސީގެ ކޮންގްރެސްގައި: ކުރިން ވިދާޅުވީ މައުމޫން

ކުރީގެ ރައީސް އަބްދުﷲ ޔާމީންގެ ވެރިކަމުގައި ހައްޔަރު ކުރި އެމަނިކުފާނުގެ ބޭބޭފުޅު ކުރީގެ ރައީސް މައުމޫން އަބްދުލްގައްޔޫމް އާއި އެހެނިހެން ސިޔާސީ ހައްޔަރީން ޖަލުގައި އުޅުއްވި ގޮތުގެ ހާލު ކިޔައިދެއްވި ގޮތް ރައީސް މުހައްމަދު މުއިއްޒު ބަދަލު ކުރައްވައިފި އެވެ. 

މުއިއްޒަކީ، އެއިރުގެ ރައީސް ޔާމީންގެ ފޮނުއްވައިގެން ރައީސް މައުމޫން އާއި ސުޕްރީމް ކޯޓުގެ ދެ ފަނޑިޔާރެއްގެ ހާލު ބަލަން ޖަލަށް ވަޑައިގެންނެވި މަންދޫބެވެ. އެއިރު މުއިއްޒަކީ ހައުސިން މިނިސްޓަރެވެ. 

ޔާމީންގެ މަންދޫބެއްގެ ހައިސިއްޔަތުން ޖަލަށް ވަޑައިގެން ތަޖުރިބާ ކުރެއްވި ކަންކަމުގެ ވާހަކަ މުއިއްޒު ވަނީ ވެރިކަން ކުރާ ޕާޓީ ޕީޕަލްސް ނެޝަނަލް ކޮންގްރެސްގެ މަތީ މަޖިލިސް ނިންމަން ބޭއްވި ޖަލްސާގައި ދައްކަވާފަ އެވެ. 

Advertisement

ރައީސް ޔާމީންއަށް ފާޑުވިދާޅުވެ ވާހަކަ ދައްކަވަމުން މުއިއްޒު ވިދާޅުވީ މައުމޫން އާއި ފަނޑިޔާރުން ތިއްބެވީ "ކުޑަ ގޮޅީގައި" ނުވަތަ "ވަރަށް ހާލުގައި" ކަމަށެވެ. 

"[ރައީސް މައުމޫންގެ އިތުރުން] ދެން މި ތިބީ އުއްތަމަ ފަނޑިޔާރާއި ސުޕްރީމް ކޯޓުގެ އެހެން ފަނޑިޔާރަކާ. މި ބޭފުޅުން މި ތިބީ ހަމަ ކުޑަ ގޮޅީގައި. ނޫނީއްޔާ ވަރަށް ހާލުގައި. ދެން އެބޭފުޅުން ވިދާޅުވި ވާހަކަތައް އަޅުގަނޑު ވަގުތުން ނުކުމެ ދެންނެވީ. އަޅުގަނޑާ ހަވާލު ކުރި ކަންތައް، އަޅުގަނޑު އަމިއްލައަށް ތަޖުރިބާކުރި ކަންތައް މިއީ،" ހުކުރު ދުވަހު ރައީސް ވިދާޅުވި އެވެ.

ޖަލުގައި ތިއްބެވި ބޭފުޅުން ކައިރިއަށް ޒިޔާރަތް ކުރެއްވިއިރު "ވަރަށް އުނދަގޫ އިހުސާސެއް" ކުރިމަތިވެވަޑައިގެންނެވި ކަމަށް ރައީސް މުއިއްޒު ވިދާޅުވި އެވެ. 

"އަޅުގަނޑަށް ވަރަށް އުނދަގޫ އިހުސާސެއްވީ. މި ތިއްބެވީ، އެއް ބޭފުޅަކީ ގައުމުގައި 30 އަހަރު ވެރިކަން ކުރައްވާފައިވާ ބޭފުޅެއް ވަރަށް ގިނަ ހިދުމަތް ކުރައްވާފަ. ނޮވެމްބަރު ތިނެއްގެ ހާދިސާގައި ގައުމު ސަލާމަތް ކުރެއްވި ވެރި މީހާ. އެހެން ގޮސް އެތައް ހިދުމަތެއް ކުރައްވާފައި ހުންނެވި ބޭފުޅެއް،" އެމަނިކުފާނު ވިދާޅުވި އެވެ. 

އެހެންނަމަވެސް ޔާމީންގެ މަންދޫބެއްގެ ގޮތުގައި ފެބްރުއަރީ 14، 2018، ގައި ޖަލަށް ވަޑައިގަތުމަށްފަހު އެއިރު މުއިއްޒު ވާހަކަ ދެއްކެވީ އެގޮތަކަށް ނޫނެވެ. "އުނދަގޫ އިހުސާސެއް" ކުރިމަތިވެވަޑައިގެންނެވި ވާހަކައެއް އެއިރަކު ހާމައެއް ނުކުރައްވަ އެވެ. ރައީސް މައުމޫން ނުވަތަ އެއްވެސް ބޭފުޅަކު "ވަރަށް ހާލުގައި" ތިއްބެވި ވާހަކައެއް ވެސް ވިދާޅެއްނުވެ އެވެ. 

ޖަލަށް ކުރެއްވި ޒިޔާރަތަށް ފެބްރުއަރީ 15، 2018، ގައި ބޭއްވި ނޫސްވެރިންގެ ބައްދަލުވުމުގައި މުއިއްޒު ދެއްކެވީ ޖަލުގެ އިންތިޒާމްތައް ރަނގަޅު ވާހަކަ އެވެ. ރައީސް މައުމޫން އާއި ދެ ފަނޑިޔާރުންނަށް ބޭސްފަރުވާގެ ހިދުމަތްތައް ލިބިވަޑައިގަންނަވާ ގޮތުގެ ފުރިހަމަ ވާހަކަ އެވެ. 

"ސޯފާގައި އިށީންދެވަޑައިގެން އިންނަވައިގެން [މައުމޫން] މައުލޫމާތު ދެއްވީ. ވިދާޅުވީ ދޫނިދޫގައި ހުންނެވި އިރު ހުންނެވި ތަނަށް ވުރެ މިހާރު މާފުށީ ޖަލުގައި ހުންނެވި ތަން އެތައް ގޮތަކުން ރަނގަޅު ކަމަށް. އަދި ވިދާޅުވި ހުރިހާ ވަސީލަތްތައް ވެސް ވަރަށް ފުރިހަމައަށް ލިބިވަޑައިގަންނަވާ ކަމަށް،" މުއިއްޒު ވިދާޅުވި އެވެ.

"ރައީސް މައުމޫން ވިދާޅުވީ ޑޮކްޓަރަކަށް ދައްކަން ބޭނުންވެއްޖެ ނަމަ ރިކުއެސްޓް ކުރާތަނުން ހަމަޖެފައޭ ވަނީ މިހާތަނަށް، ދެން ދޫނިދޫގައި ހުރި ތަނަށް ވުރެ އެތައް ގޮތަކުން މާފުށީގައި ހުންނެވި ތަން މާ ފުރިހަމަ ކަމާއި އިންތިޒާމުތައް ވަރަށް ރަނގަޅު ކަމަށް ހަމަ ތަކުރާރުކޮށް އަޅުގަނޑު ގާތުގައި ވިދާޅުވި."

ފަނޑިޔާރު އަލީ ހަމީދުގެ ވާހަކަ ވެސް މުއިއްޒު އެއިރު ވިދާޅުވި އެވެ. އެއިރު އެމަނިކުފާނު ވިދާޅުވީ، އަލީ ހަމީދަށް ވެސް ޖަލުގައި ހުރިހާ ހިދުމަތްތަކެއް ވަރަށް ފުރިހަމައަށް ލިބޭ ކަމަށެވެ. 

"އަލީ ހަމީދު ވިދާޅުވީ ތިމަންނައަކީ ވަރަށް ކުރީއްސުރެއް ވަކި ގޮތަކަށް ކެއުމުގެ ކަންކަން ބައްޓަން ކުރަން ޖެހޭ މީހަކަށްވީމަ އެކަން ރިކްއެސްޓް ކުރުމުން އެކަން ވެސް ހަމަޖައްސައިދިނޭ، އަދި އަޅުގަނޑު ކުރިމަތީ ހުރި މިނިރަލް ވޯޓާ ފުޅިއަށް އިޝާރާތް ކުރެއްވުމަށް ފަހު ވިދާޅުވީ މިކަހަލަ ފެނޭ ތިމަންނައަށް ބޯން ވެސް ދެނީ، އަދި އަވަހާރަފުޅު ލައްޕަވާއިރު ބޭނުން ކުރަން ޖެހޭ ފަރުވާއެއް އޮވެއޭ، ނޭވާލުމުގައި އޮންނަ ދަތިކަމަކާ ހެދި، އެ ފަރުވާ ވެސް ކޮންމެ ރެއަކު ލިބެއޭ،" މުއިއްޒު ވިދާޅުވެފައިވެ އެވެ.

ރައީސް ޔާމީންގެ މަންދޫބުގެ ހައިސިއްޔަތުން އެއިރު ޖަލަށް ވަޑައިގެން މުއިއްޒު އަމަލު ކުރެއްވި ހަރުކަށި ގޮތުގެ ވާހަކަ ވެސް އެމަނިކުފާނު އެއިރު ހާމަ ކުރެއްވި އެވެ. އެގޮތުން، ހާލު ކިޔައިދިނުގެ އިތުރުން އެއްވެސް އެހެން ވާހަކައެއް ދެއްކުމުގެ ފުރުސަތު ސިޔާސީ ހައްޔަރީންނަށް އެމަނިކުފާނު ދެއްވާފައިނުވާނެ ކަމަށް ވެސް މުއިއްޒު އެއިރު ވިދާޅުވި އެވެ. 

"އަޅުގަނޑު އެ ތިން ބޭފުޅުން ގާތަށް ދިޔަ މަގުސަދަކީ ހާލު ބެލުން. އެކަމާ ބެހޭ ކަންކަން އޮޅުން ފިލުވުމަށް އަޅުގަނޑު ކުރި ސުވާލުތަކަށް އެ ބޭފުޅުން ޖަވާބު ދެއްވި. އަދި އޭގެ އިތުރަށް އެ ބޭފުޅުން އަމިއްލަފުޅަށް ސިޔާސީ ގޮތުން ދައްކަން ބޭނުންފުޅު ވެގެން ބައެއް ވާހަކަތައް ދަައްކަވަން މަސައްކަތް ކުރެއްވި، އެހެން ނަމަވެސް އެއީ އަޅުގަނޑު ކުރަން ދިޔަ ކަމެއް ނޫން، އަޅުގަނޑާ ހަވާލު ކުރެއްވި މަސައްކަތްކޮށްފައި އަޅުގަނޑު އެނބުރި އައީ، ރައީސަށް ވެސް ދެންނެވީ އަޅުގަނޑާ ހަވާލު ކުރި މަސައްކަތާ ގުޅިގެން އެ ބޭފުޅުން ދެއްކެވި ވާހަކަތައް،" މުއިއްޒު ވިދާޅުވެފައިވެ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox