އިންޑިއާގެ ދަރަނި ދެއްކުމަށްފަހު ހުތުބާގައި މިއަދު ދަރަނި ނެގުމުގެ ގޯސް ވާހަކަ

Sep 18, 2026, 1:20 PM
ރައީސް މުއިއްޒު އަދި އިސްލާމިކް މިނިސްޓަރު ޝަހީމް: ވިދާޅުވީ

ރައީސް މުއިއްޒު އަދި އިސްލާމިކް މިނިސްޓަރު ޝަހީމް: ވިދާޅުވީ

އިއްޔެ އިންޑިއާއަށް ދައްކަންޖެހުނު 50 މިލިއަން ޑޮލަރުގެ ދަރަނި ދެއްކުމަށްފަހު، އިސްލާމިކް މިނިސްޓްރީ އިން މިއަދު ތައްޔާރު ކުރި ހުކުރު ހުތުބާގައި ބޭނުމެއް ނެތި ދަރަނި ނެގުމުގެ ގޯސް ވާހަކަ ދައްކައިފި އެވެ. 

އިއްޔެ ދެއްކީ ކުރީ ސަރުކާރުން 2019 ވަނަ އަހަރު ސަރުކާރުން ޓީބިލް ވިއްކައިގެން ބަޖެޓު ސަޕޯޓަށް ނެގި 150 މިލިއަން ޑޮލަރުގެ އެންމެ ފަހު ޕޭމަންޓެވެ. މި ލޯނުގެ ފަހު ދެ ޕޭމަންޓު މި ސަރުކާރުން ވަނީ ރޯލްއޯވާކޮށްގެން ފަސްކޮށްފަ އެވެ. 

ބޭނުމެއް ނެތި ދަރަނި ނެގުމާއި ދަރަނި ދެއްކޭނެ ގޮތެއް ނެތި ދަރަނި ނެގުމުގެ ނުބައިކަމާމެދު މިއަދުގެ ހުކުރު ހުތުބާގައި ވަނީ އިންޒާރުކޮށްފަ އެވެ. 

"މުދަލާމެދު އަހަރުމެން ފިކުރު ކުރާއިރު ވިސްނާލަންޖެހޭ އަނެއް ކަމަކީ ބޭނުމެއް ނެތި ނުވަތަ ދަރަނި އަދާކުރެވޭނެ ގޮތެއް ވެސް ނެތި ދަރަނި ނެގުމުގައި ހައްދު ފަހަނައަޅައި ދިޔުމުގެ މައްސަލަ. ދަރަނީގެ މުއާމަލާތަކީ އެއާމެދު އަހަރުމެން ސަމާލުވާންޖެހޭ ކަމެއް،" ހުތުބާގައި ބުންޏެވެ. 

އިންޑިއާއަށް ދައްކަންޖެހޭ 50 މިލިއަން ޑޮލަރު ދެއްކުމަށްފަހު ވެރިކަން ކުރާ ޕީޕަލްސް ނެޝަނަލް ކޮންގްރެސް އިން އިއްޔެ ވަނީ އުފާ ފާޅުކޮށްފަ އެވެ. އަދި ސަރުކާރުގެ ވަރަށް ގިނަ އޮފިޝަލުން ސޯޝަލް މީޑިއާގައި ވެސް އެ ވާހަކަ ދެއްކި އެވެ. 

ނަމަވެސް އެ ދަރަނި އަދާކުރުމުން ދައުލަތުގެ ރިޒާވް މައިނަސްވެފައިވާ ކަމުގެ އަޑުތައް ދަނީ ފެތުރެމުންނެވެ. ކުރީގެ ރައީސް މުހައްމަދު ނަޝީދު ވިދާޅުވީ އެ ދަރަނި ދެއްކީ ބީއެމްއެލްގައި ހުރި އާންމުންގެ ޑޮލަރު ބޭނުންކޮށްގެން ކަމަށެވެ. 

އެއާއެކު، ވިޔަފާރިވެރިން މުދާ ގަންނަން ބޭރަށް ޑޮލަރު ނުފޮނުވޭކަމުގެ އަޑުތައް ވެސް ވަނީ ގަދަވެފަ އެވެ. އަދި ވިޔަފާރިވެރިންގެ އަމިއްލަ ޑޮލަރު ސަރުކާރުގެ ބޭނުމަކަށް ނަގާފައިވާ ކަމަށް ބޭންކުން އަންގަމުންދާ ބުނެ ވެސް ބައެއް މީހުން ދަނީ ކަންބޮޑުވުން ފާޅު ކުރަމުންނެވެ. 

"ދައުލަތުގެ ރިޒާވްގައި އެއްވެސް މިންވަރަކަށް ޑޮލަރު ނެތް. ޓީ-ބިލްގެ 50 މިލިއަން ޑޮލަރު ދެއްކީ ބީއެމްއެލްގައި ހުރި އާންމުންގެ ފައިސާއިން. ވިޔަފާރިވެރިން، އާންމުން ތަކެތި ގަންނަން ބީއެމްއެލްއަށް ޑޮލަރު ޖަމާކުރީމަ އެ ޑޮލަރު ސަޕްލަޔަރުންނަށް ނުދަނީ ސަރުކާރުން އެ ފައިސާ ނަގާތީ،" ނަޝީދު ވިދާޅުވި އެވެ. 

ދަރަނި ނެގުމުގެ ގޯސް ވާހަކަ މިއަދުގެ ހުކުރު ހުތުބާގައި ފާހަގަކުރިއިރު، އިންޑިއާގެ ފަރާތުން 100 މިލިއަން ޑޮލަރުގެ ލައިން އޮފް ކްރެޑިޓް އެގްރިމެންޓެއްގައި އޯގަސްޓް، 2024، ގައި ސޮއިކޮށްފަ އެވެ. އޭގެ ފަހުން އޮކްޓޯބަރު، 2024، ގައި 400 މިލިއަން ޑޮލަރުގެ ކަރަންސީ ސްވޮޕް އެގްރިމެންޓެއްގައި ވެސް ސަރުކާރުން ސޮއި ކުރި އެވެ. 

ސެޕްޓެމްބަރު، 2024، ގައި ޗައިނާއަށް ދައްކަންޖެހޭ 75 މިލިއަން ޑޮލަރު ރިފައިނޭންސް ކުރުމުގެ އެގްރިމެންޓެއް ވަނީ ހަދައިފަ އެވެ. ލޯނު ރިފައިނޭންސް ކުރުމަކީ އެއީ ލޯނު ދައްކަން އާ ލޯނެއް ނެގުމެވެ. 

އޭގެ އިތުރުން، ދަރަނި ހޯދުމަށް މި ސަރުކާރުން ދަނީ ވަރަށް ބޮޑަށް މަސައްކަތް ކުރަމުންނެވެ. އެގޮތުން، އެމެޖެންސީ ލޯނެއް ނަމަވެސް ހަމަޖައްސައިދެއްވުމަށް އެދި ސައުދީ އަރަބިއްޔާ، ޔޫއޭއީ، ބަހްރެއިން، އޮމާން، ކުވެއިތު އަދި ގަތަރަށް ރައީސް މުހައްމަދު މުއިއްޒު ވަނީ ސިޓީ ފޮނުއްވައިފަ އެވެ. ބަންގްލަދޭޝް އަތުން ފައިސާ ހޯދަން ވެސް މި ސަރުކާރުން މަސައްކަތްކޮށްފައިވެ އެވެ. 

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox