ފުވައްމުލަށް ކައިރިއަށް ޑައިވިނަށް ފޭބި ފަތުރުވެރިޔަކު މަރުވެއްޖެ

ފުވައްމުލައް ކައިރިއަށް ޑައިވިނަށް ފޭބި ފަތުރުވެރިޔަކު މިއަދު މަރުވެއްޖެ އެވެ. 

ފުލުހުން ބުނީ ޑައިވިނަށް ފޭބި އެ ފަތުރުވެރިޔާ ކަނޑު އަޑީގައި ހަރަކާތް ހުސްވެފައި ވަނިކޮށް ނަގައިގެން ފުވައްމުލައް ހޮސްޕިޓަލަށް ގެންދިޔަ ކަމަށާއި އޭނާ ހޮސްޕިޓަލަށް ގެންދިޔައިރުވެސް މަރުވެފައިވާ ކަމަށެވެ. 

ކަޒަކިސްތާނަށް ނިސްބަތްވާ މި ފަތުރުވެރިޔާ މަރުވި މައްސަލަ ތަހުގީގު ކުރަމުންދާ ކަމަށް ފުލުހުން ބުންޏެވެ. 

ރާއްޖޭގައި ކަނޑުމަތީގައި ހިނގާ ހާދިސާތަކުގައި ދޭތެރެ ދޭތެރެއިން ފަތުރުވެރިން މަރުވެ އެވެ. އެފަދަ ހާދިސާތައް މަދުކުރަން ކަމާބެހޭ އެކި ފަރާތްތަކުން މަސައްކަތްކޮށް، ހޭލުންތެރިކުރުމުގެ ޕްރޮގްރާމްތައްވެސް ހިންގަ އެވެ.