ބެލޮންޑިއޯ ހައްގުވަނީ އޭނާ އަށް ކަމަށް ޔަމާލް ބުނެފި

Sep 14, 2026, 2:45 PM
ބާސެލޯނާ މެޗެއްގެ ތެރެއިން ލަނޑު ޖެހުމަށް ފަހު ޔަމާލް އުފާފާޅުކުރަނީ.

ބާސެލޯނާ މެޗެއްގެ ތެރެއިން ލަނޑު ޖެހުމަށް ފަހު ޔަމާލް އުފާފާޅުކުރަނީ.

ބާސެލޯނާ (ސެޕްޓެމްބަރު 14) -  ފްރާންސް ފުޓްބޯލް މެގަޒިން އިން ދުނިޔޭގެ އެންމެ މޮޅު ފުޓްބޯޅަ ކުޅުންތެރިޔާ އަށް ދޭ ބެލޮންޑިއޯ އެވޯޑް މި ފަހަރު ހައްގުވަނީ އޭނާ އަށް ކަމަށް ބާސެލޯނާ އާއި ސްޕެއިންގެ ފޯވާޑް، ލަމީން ޔަމާލް ބުނެފި އެވެ. 

މިދިޔަ އަހަރުގެ ބެލޮންޑިއޯ އެވޯޑް، ޕީއެސްޖީގެ ތަރި، އޮސްމާން ޑެމްބެލޭ ހޯދި، އުމުރުން 19 އަހަރުގެ ޔަމާލް ފަހަަތަށް ޖައްސާލައިފަ އެވެ. މި ފަހަރުގެ ބެލޮންޑިއޯ އެވޯޑަށް ވާދަކުރާ 30 ކުޅުންތެރިންގެ ނޮމިނީސް އިއުލާނުކުރިއިރު، ޔަމާލް ވެސް ހިމެނެ އެވެ. 

ބެލޮންޑިއޯ އެވޯޑާ ބެހޭގޮތުން، ރެއާލް މެޑްރިޑްގެ ކޯޗު، ހޯސޭ މޮރީނިއޯ އާއި އެ ޓީމުގެ ތަރި، ކީިލިއަން އެމްބާޕޭ ވަނީ ވާހަކަ ދައްކައިފަ އެވެ. އެ ގޮތުން، މޮރީނިއޯ ވަނީ ބެލޮންޑިއޯ ލިބެންޖެހޭނީ އެމްބާޕޭ އަށް ކަމަށް ބުނެފަ އެވެ. އެ ސުވާލު މީޑިއާ އިން ކުރިމަތިކުރުމުން، އެމްބާޕޭ ދިން ޖަވާބަކީ، މިއީ، ބެލޮންޑިއޯ ހޯދަން ރަނގަޅު އަހަރެއް ކަމަށެވެ.  އެމްބާޕޭގެ އެ ވާހަކަތަކާ ގުޅުވައި، ނޫސްވެރިން ވަނީ ޔަމާލަށް ވެސް އެ ސުވާލު އަމާޒުކޮށްފަ އެވެ. 

Advertisement

އެމްބާޕޭ އަށް ރައްދެއް، ބެލޮންޑިއޯ ހޯދަން "ކެމްޕެއިނެއް" ނުކުރާނެ ކަމަށް ޔަމާލް ބުނެފި

ދުނިޔޭގެ އެންމެ މޮޅު ކުޅުންތެރިޔާގެ މަގާމު ނުވަތަ ބެލޮންޑިއޯ އެވޯޑް ހޯދުމަށްޓަކައި އެއްވެސް ކެމްޕެއިނެއް ކުރަން ބޭނުންނުވާ ކަމަށް ބާސެލޯނާގެ ޒުވާން ތަރި ލަމީން ޔަމާލް ބުނެފި. ޔަމާލް ބުނިގޮތުގައި އޭނާގެ މަސައްކަތަކީ ދަނޑުމަތީގައި މޮޅަށް ކުޅުން ކަމަށާއި، އެވޯޑަށް ވޯޓު ދިނުމަކީ ނޫސްވެރިންނާއި ކޯޗުންގެ ޒިންމާއެއް ކަމަށް

އެ ފަހަރު، ޔަމާލް ބުނެފައިވަނީ، މިދިޔަ ސީޒަނުގައި ބާސެލޯނާއާ އެކު ސްޕެނިޝް ލީގު ހޯދައި، ސްޕެއިނާ އެކު، ފީފާ ވޯލްޑް ކަޕް ކާމިޔާބުކުރި ޔަމާލް ބުނީ، އޭނާ އަށް ބެލޮންޑިއޯ ލިބުމަކީ އަމިއްލަ އަތުގައި އޮތް ކަމެއް ނޫން ކަމަށާއި އެކަން ކުރަނީ ނޫސްވެރިންގެ ވޯޓަކުން ކަމަށް ބުނެފަ އެެވެ. އަދި، ބެލޮންޑިއޯ ހޯދަން "ސަލާންނުޖަަހާނެ" ކަމަށް ވެސް ޔަމާލް ވަނީ ބުނެފަ އެވެ. 

ދާދި ފަހުން މޮވިސްޓާ ޕްލަސް އަށް ދިން އިންޓަވިއުއެއްގައި ޔަމާލް ބުނެފައިވަނީ، އޭނާ އާއި އެމްބާޕޭ އަކީ މި ވަގުތަށް ބަލާއިރު، ދުނިޔޭގެ އެންމެ މޮޅު ދެ ކުޅުންތެރިން ކަމަށެެވެ. 

"އަހަރެން އިންސާފުވެރިކަމާ އެކު ވާހަކަ ދައްކާނަމަ ބުނަން ޖެހޭނީ ދުނިޔޭގެ އެންމެ މޮޅު ކުޅުންތެރިންގެ ނަން ކިޔާނަމަ މި ވަގުތު ތިބީ އަހަންނާއި އެމްބާޕޭ. ދެން، މި އަހަރު މި މަގާމު ހޯދުން ހައްގީ ކާކުތޯ ބުނާނަމަ، އަހަރެން ގަބޫލުކުރަނީ އެއީ އަހަރެން ކަމަށް،" ޔަމާލް ބުންޏެވެ. 

މި ފަހަރުގެ ބެލޮންޑިއޯ އެވޯޑް ހަފްލާ އޮތީ އޮކްޓޫބަރު 26 ވަނަ ދުވަހު ލަންޑަންގަ އެވެ. 

ފްރާންސް ފުޓްބޯލް އިން ދޭ ބެލޮންޑިއޯ އެވޯޑަށް ވޯޓު ދިނުމުގެ ފުރުސަތު ދެނީ، ދުނިޔޭގެ ރޭންކިން ގަދަ 100 ގައުމުން އެކްރެޑިޓްކުރާ 100 ނޫސްވެރިންނާއި ފުޓްބޯޅަ ކޯޗުންނަށެވެ. ފުޓްބޯޅައިގެ އެންމެ ދުވަސްވީ އަދި ޝަރަފްވެރި އެއް އެވޯޑް ކަމަށްވާ ބެލޮންޑިއޯ އަކީ 1956 ވަނަ އަހަރުން ފެށިގެން ދެމުން އަންނަ އެވޯޑެކެވެ.

މި އެވޯޑް 1995 ވަނަ އަހަރާ ހަމަޔަށް ދިނީ ހަމައެކަނި ޔޫރަޕް ކުޅުންތެރިންނަށެވެ. އެކަމަކު، އޭގެ ފަހުން ވަނީ ޔޫރަޕުގެ ކްލަބަކަށް ކުޅޭ ދުނިޔޭގެ ކޮންމެ ކުޅުންތެރިޔަކަށް ވެސް ލިބޭ ގޮތަށް ބަދަލުކޮށްފަ އެވެ. އަދި ފަހުން، 2007 ގައި ވަނީ ދުނިޔޭގެ ކޮންމެ ގައުމެއްގައި ކުޅޭ ޕްރޮފެޝަނަލް ކުޅުންތެރިންނަށް ވެސް ހުޅުވާލައިފަ އެވެ. ބެލޮންޑިއޯ އެވޯޑް 2010-2015 އަށް ދިނީ ފީފާ އެވޯޑާ އެއްކޮށްލައިގެން ފީފާ ބެލޮންޑިއޯގެ ގޮތުގަ އެވެ. ކޮވިޑް-19 ގެ ސަބަބުން 2020 ވަަނަ އަހަރު ބެލޮންޑިއޯ ހަފްލާ ނުބާއްވަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox