ހުޅުމާލޭގައި މިއަދު ހިނގި ހިތާމަވެރި ހާދިސާއެއްގައި އުމުރުން ދެ އަހަރުގެ ތުއްތު އަންހެން ކުއްޖަކު މިއަދު ނިޔާވެއްޖެ އެވެ.
އެ ކުއްޖާ ނިޔާވީ ހުޅުމާލޭގެ ދެ ވަނަ ފޭސްގައި ހުންނަ ސްޓެލްކޯ ޓަވަރު ހިނގި ހާދިސާއެއްގަ އެވެ. ހޮސްޕިޓަލަށް ގެންދިޔައިރު ވެސް އެ ކުއްޖާ ނިޔާވެފައިވާ ކަމަށް މައުލޫމާތު ލިބެ އެވެ.
މި ނޫހަށް އެނގިފައިވާ ގޮތުގައި އެ ކުއްޖާ ނިޔާވީ، އޭނާގެ ދޮށްޓަށް އެ އާއިލާގައި ހުންނަ ކުއްޖެއްގެ އަތުން ކުރެވުނު ކަމަކުންނެވެ. އެނގިފައިވާ ގޮތުގައި އެއީ އޯޓިސްޓިކް ކުއްޖެކެވެ.
Advertisement
އެ ހާދިސާގެ ފޮޓޯ އާއި ވީޑިއޯ ސޯޝަލް މީޑިއާގައި ބައެއް ފަރާތްތަކުން ދައުރު ކުރަމުންދާތީ، އެފަދަ ކަންކަން ނުކުރަން ފުލުހުން ވަނީ އިލްތިމާސްކޮށްފަ އެވެ. އަދި މި ދަނޑިވަޅުގައި އާއިލާއަށް އިތުރު ތަކުލީފެއް ޖެހިދާނެ ފަދަ އެއްވެސް ކަމެއް ނުކުރަން ވެސް ފުލުހުން އިލްތިމާސް ކުރެ އެވެ.
