ޝަހީމްގެ މަސްލަހަތު އޮންނަ ސްކޫލް ޕްރޮޖެކްޓުގެ މަސައްކަތް ވަގުފް އިމާރާތްތައް ހަވާލުކުރި އާރުސީސީން ފަށައިފި

އަލް މަދީނާ އިންވެސްޓްމަންޓުން ހުޅުމާލޭގައި އަޅާ ސްކޫލް: އެ މަޝްރޫއުގެ ފުރަތަމަ ފޭސް އާރްސީސީއާ ވަނީ ހަވާލުކޮށްފައި

އަލް މަދީނާ އިންވެސްޓްމަންޓުން ހުޅުމާލޭގައި އަޅާ ސްކޫލް: އެ މަޝްރޫއުގެ ފުރަތަމަ ފޭސް އާރްސީސީއާ ވަނީ ހަވާލުކޮށްފައި

އިސްލާމިކް މިނިސްޓަރު މުހައްމަދު ޝަހީމްގެ މަސްލަހަތު އޮންނަ އަލް މަދީނާ އިންވެސްޓްމަންޓުން ހުޅުމާލޭގައި އަޅާ ސްކޫލްގެ ފުރަތަމަ ފޭސްގެ މަސައްކަތް ރަޝީދު ކާޕެންޓްރީ އެންޑް ކޮންސްޓްރަކްޝަން (އާރްސީސީ) އާ ހަވާލުކޮށްފި އެވެ.

އަދަދު އަށް އެނގިފައިވާ ގޮތުގައި އަލް މަދީނާ އިންވެސްޓްމަންޓުން އާރްސީސީއާ ހަވާލުކޮށްފައިވާ މި މަޝްރޫއޫގެ ފުރަތަމަ ފޭސްގައި ހިމެނެނީ ފައުންޑޭޝަން އަޅައި، ކޮލަމްތައް ޖެހުމެވެ. 

އިސްލާމިކް މިނިސްޓްރީ އިން ހުޅުމާލޭގައި އަޅާ ވަގުފް އިމާރާތުގެ މަސައްކަތް ވެސް ހަވާލުކޮށްފައި ވަނީ އާރްސީސީއާ އެވެ. އެ ޕްރޮޖެކްޓު ކުރިއަށްގެންދިޔައީ ޝަހީމްގެ ބެއްލެވުމުގެ ދަށުންނެވެ. 

އަލް މަދީނާ ސްކޫލްގެ ފުރަތަމަ ފޭސްގެ މަސައްކަތަށް އަލް މަދީނާ އިންވެސްޓްމަންޓުން އާރްސީސީއަށް މިހާތަނަށް ދައްކާފައިވަނީ އެޑްވާންސް ޕޭމަންޓަށްވާ 10 ޕަސަންޓު ފައިސާ އެވެ. އެއީ ޖުމްލަ 1.5 މިލިއަން ރުފިޔާ އެވެ. އެހެންކަމުން އަލް މަދީނާ އިންވެސްޓްމަންޓުން އާރްސީސީއަށް 13.5 މިލިއަން ރުފިޔާ ފުރަތަމަ ފޭސްގެ މަސައްކަތަށް ދޭން ބާކީ އެބަ އޮތެވެ.

އެނގިފައިވާ ގޮތުގައި ހަ ފްލޯއަށް އިމާރާތްކުރާ ސްކޫލުގެ ފުރަތަމަ ފޭސްގެ މަސައްކަތް ނިމުމުން، މަޝްރޫއު އިތުރަށް ކުރިއަށްގެންދަން ބޭންކުން ލޯނެއް ނަގަން އަލްމަދީނާ އިންވެސްޓްމަންޓުން ވަނީ ނިންމާފަ އެވެ. 

ހުޅުމާލޭގައި ސްކޫލެއް ގާއިމުކުރުމުގެ އިތުރުން މިސްކިތެއް އެޅުމަށް އަލް މަދީނާ އިންވެސްޓްމަންޓާ ހަވާލުކުރީ ޖެނުއަރީ 22، 2024، ގަ އެވެ. މިސްކިތަކާއި ސްކޫލް ވެސް ހުންނަނީ އެއްބިމެއްގައި ސްކޫލްގެ ބޭނުމަށް ވެސް ބޭނުން ކުރެވޭ ގޮތަށެވެ. 

ގްރޭޑް 1-10 ގެ ދަރިވަރުންނަށް ކިޔަވައިދެވޭ ފެންވަރަށް އަދި އޭގެ އިތުރުން މަތީ ތައުލީމު އުނގަންނައިދެވޭ ފެންވަރަށް މި ސްކޫލް ތަރައްގީ ކުރެވިގެންދާނެ ކަމަށް އެޗްޑީސީން ކުރިން ބުންޏެވެ.

މިވަރުގެ އަގުބޮޑު ޕްރޮޖެކްޓަކަށް 1.5 މިލިއަން ރުފިޔާ ދެއްކުމުން މަސައްކަތް ފެށިއިރު، އިސްލާމް މިނިސްޓްރީން މިދިޔަ އަހަރު އާރުސީސީއާ އަގުބޮޑު ދެ މަޝްރޫއުއެއް ހަވާލުކޮށްފައިވެ އެވެ. 

އެއީ މާލޭގައި ބިނާކުރާ ވަގުފު އިމާރާތްކަމުގައިވާ ދާރުލް އަރްގާމް ބިލްޑިން އާއި ހުޅުމާލޭގައި ބިނާކުރާ ވަގުފު އިމާރާތް، ދާރުއްސަލާމް ބިލްޑިން އެވެ. ދާރުލް އަރްގާމް އިމާރާތްކުރަން 39.4 މިލިއަން ރުފިޔާއަށް ހަވާލުކުރިއިރު، ދާރުއްސަލާމް ހަވާލުކުރީ 244.5 މިލިއަން ރުފިޔާ އަށެވެ. 

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox