ރާއްޖެއަށް އައި އެމެރިކާ މީހެއްގެ ލަގެޖުން ވަޒަން އަޅާފައިވާ މެގަޒިންއެއް ފެނުމާ ގުޅިގެން އޭނާ ހައްޔަރުކޮށް 10 ދުވަހަށް ބަންދުކޮށްފި އެވެ.
ފުލުހުން ހާމަކޮށްފައިވާ ގޮތުގައި ބަންދުކުރީ އުމުރުން 36 އަހަރުގެ އެމެރިކާ ރައްޔިތެއް ކަމަށްވާ ކޮބޯލް ބްރިޓެއިން ޓައިލާ އެވެ. އޭނާ ރާއްޖެ އައީ ވައިގެ މަގުން އިއްޔެގެ ވަގުތެއްގަ އެވެ.
މި މެގަޒިން ފެނުނީ ލަގެޖު ބަލައިފާސްކުރުމުގެ ތެރޭގަ އެވެ. އޭނާ ރާއްޖެ އައީ ކޮން މަގަކުން ކޮން ފްލައިޓެއްގައި ކަމެއް މިހާތަނަށް އެނގިފައެއް ނުވެ އެވެ.
އޭނާ ހައްޔަރުކުރީ ކޯޓު އަމުރެއްގެ ދަށުންނެވެ. އަދި ބަންދާމެދު ގޮތެއް ކަނޑައެޅުމަށް މިއަދު ކޯޓަށް ގެންދިޔުމުން އޭނާ ބަންދުކުރީ 10 ދުވަހަށެވެ.
ރާއްޖެއަށް އެއްވެސް ބާވަތެއްގެ ހަތިޔާރެއް އެތެރެކުރުމަކީ ގާނޫނީ ކުށެކެވެ. އެމެރިކާގައި އާންމު ރައްޔިތުންނަށް ވެސް ހަތިޔާރު ގެންގުޅުމުގެ ބާރު އޮވެ އެވެ.
