ރާއްޖެ ޓީވީގެ އާމިރަށް ހަމަލާދޭން އުޅޭ ކަމަށް މައުލޫމާތު ލިބިގެން މައްސަލަ ފުލުހަށް

އާމިރު ސަލީމް: އޭނާއަށް ހަމަލާދޭން ރާވަމުންދާ ކަމުގެ މައުލޫމާތު ލިބިގެން އެކަން ފުލުހަށް ވަނީ ހުށަހަޅާފައި

އާމިރު ސަލީމް: އޭނާއަށް ހަމަލާދޭން ރާވަމުންދާ ކަމުގެ މައުލޫމާތު ލިބިގެން އެކަން ފުލުހަށް ވަނީ ހުށަހަޅާފައި

ރާއްޖެ ޓީވީގެ ހެޑް އޮފް ޕްރޮގްރާމްސް އެންޑް ކޯޑިނޭޝަން އާމިރު ސަލީމަށް ބަޔަކު ހަމަލާދޭން ރާވަމުންދާ ކަމުގެ މައުލޫމާތު އެ ޓީވީއަށް ލިބުމުން އެ މައްސަލަ ފުލުހަށް އިއްޔެ ހުށަހަޅައިފި އެވެ. 

ރާއްޖެ ޓީވީން ޕޮލިސް ކޮމިޝަނަރު އަހްމަދު މުހައްމަދަށް ފޮނުވި ސިޓީގައި ބުނީ، އާމިރަށް ހަމަލާދޭން ރާވަމުންދާ ކަމުގެ މައުލޫމާތު އިތުބާރު ހުރި މަސްދަރަކުން ލިބިފައި ވަނިކޮށް، އެކްސް ގައި "ހަސަން ކުރުސީ" ނަމަކަށް ކިޔާ އެކައުންޓަކުން އެ މައުލޫމާތު އާންމުކޮށްފައިވާ ކަމަށެވެ. 

ހަސަން ކުރުސީ އެކައުންޓުން ކޮށްފައިވާ ޕޯސްޓުގައި ވަނީ އާމިރުގެ އިތުރުން ގަލޮޅު އުތުރު ދާއިރާގެ މެންބަރު މުހައްމަދު އިބްރާހިމް (ކުޑޫ) އަށް ހަމަލާ ދިނުމަށް ބަޔަކަށް ފައިސާ ދީފައިވާކަމުގެ މައުލޫމާތު ލިބިފައިވާ ކަމަށެވެ. 

ރާއްޖެ ޓީވީން ފާހަގަކޮށްފައިވާ ގޮތުގައި މިދިޔަ އަހަރު "މީޑިއާ ކޮންޓްރޯލް ބިލް" އާ ގުޅިގެން ނޫސްވެރިން ބޭއްވި އިހުތިޖާޖުގައި އާމިރު ވާހަކަދައްކަން ހުރި ފޮޓޯއަކާއެކު އޭނާއަށް މަރުގެ އިންޒާރު ދިން މައްސަލަ ވެސް ފުލުހަށް ހުށަހެޅި ކަމަށެވެ. 

އާމިރަށް މަރުގެ އިންޒާރުދިން މައްސަލައިގައި އެއްވެސް ތަފްސީލެއް ފުލުހުން ނުދީ އޮތުމަށްފަހު މިދިޔަ ހޯމަ ދުވަހު އެ މައްސަލަ ފައިލްކޮށްފައިވާ ކަމަށް ފުލުހުން އަންގާފައިވާ ކަމަށް ރާއްޖެ ޓީވީން ބުންޏެވެ. 

"މި މައްސަލަ ފައިލްކުރަނީކަން އެންގިތާ އެއް ދުވަސް ފަހުން އަނެއްކާވެސް މިފަދަ ނުރައްކާތެރި އިންޒާރެއް އާމިރަށް ލިބުމަކީ ސްޓޭޝަނުން ކަންބޮޑުވާ ކަމެއް ކަމުގައި ދަންނަވަން،" އެ ޓީވީން ބުންޏެވެ. 

ސިޔާސީ މަގުސަދުގައި ރާއްޖޭ ޓީވީއަށް މީގެ ކުރިން ބޮޑެތި ގެއްލުންތަކެއް ދީފައިވާކަން ފާހަގަކޮށް އެ ޓީވީން ބުނީ ސްޓޭޝަނުގައި އަލިފާން ރޯކޮލައި، މުވައްޒަފުންނަށް ހަމަލާދީ އަދި ގެއްލުންދޭނެ ކަމަށް އިންޒާރުދިނުމުގެ އެތައް ކަމެއް ކުރިމަތިވެފައިވާތީ ލިބޭ ކޮންމެ އިންޒާރެއްވެސް ސީރިއަސް ކަމަށް ގަބޫލުކުރާ ކަމަށެވެ. 

ކުރީގެ ރައީސް ޔާމީންގެ ވެރިކަމުގައި ވެސް އެކި ފަހަރު މަތިން ރާއްޖެ ޓީވީއަށް އިންޒާރު ދީ ބޮޑެތި އަދަދުތަކުން ޖޫރިމަނާ ކުރި އެވެ. އަދި ރާއްޖެޓީވީގެ ސްޓޭޝަން ރޯކޮށްލައި ތަކެއްޗަށް ވެސް އެކި ފަހަރު މަތިން ގެއްލުން ދީފައި ވެ އެވެ. މީގެ އިތުރުން 2018 ވަނަ އަހަރު ވެސް ބްރޯޑްކޮމްއިން ރާއްޖެޓީވީއަށް އިންޒާރު ދިނުމާ ގުޅިގެން ރާއްޖެ ޓީވީގެ ބްރޯޑްކާސްޓް ވެސް އެއް ދުވަހަށް މެދުކަނޑާލާފައި ވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox