ޖޮކޮވިޗް، ކޮވިޑް ވެކްސިން މައްސަލައިގައި މާފަށް ނޭދޭނެ ސަަބަބު ސާފުކޮށްދީފި

Aug 23, 2026, 1:48 PM
މަޝްހޫރު ޓެނިސް ތަރި ނޮވަކް ޖޮކޮވިޗް.

މަޝްހޫރު ޓެނިސް ތަރި ނޮވަކް ޖޮކޮވިޗް.

ބެލްގްރޭޑް، ސާބިއާ (އޮގަސްޓް 23) - ކޮވިޑް-19 ވެކްސިން ނުޖަހަން ނިންމި ނިންމުމަކީ އަމިއްލަ ކަމަށާއި އެކަމާ ގުޅޭގޮތުން، އެއްވެސް އިރެއްގައި މާފަށް ނޭދޭނެ ކަމަށް ދުނިޔޭގައި އުފެދުނު އެންމެ މޮޅު އެއް ޓެނިސް ކުޅުންތެރިޔާ، ނޮވަކް ޖޮކޮވިޗް ބުނެފި އެވެ. 

ޖޮކޮވިޗަށް އެންމެ ފުރަތަމަ، 2022 ވަނަ އަހަރުގެ އޮސްޓްރޭލިއަން އޯޕަންގައި ވާދަކުރުމުގެ ފުރުސަތު ދީފައިވަނިކޮށް، އޭނާގެ ވިސާ ކެންސަލްކޮށްލައި، އަނބުރާ ގައުމަށް ފޮނުވާލަން ނިންމި އެވެ. އެކަމަކު، ޖޮކޮވިޗް އަލުން ވިސާ ހޯދަން ކުރާ މަސައްކަތުގައި އޮސްޓްރޭލިއާ ކޯޓަށް ހުށަހަޅަން ނިންމީ އެވެ. އެ މައްސަލަ ކޯޓުން ޖޮކޮވިޗަށް ކާމިޔާބުވި އެވެ. 

އެއީ، ދުބާއީ މަގުން ޖޮކޮވިޗް އޮސްޓްރޭލިއާ އަށް ދަތުރުކުރީ ސައްހަ ވިސާއެއް ހިފައިގެންގެންނެވެ. އެކަމަކު، މެލްބަން އަށް އައުމާ އެކު އޭނާ ވިސާ ކެންސަލްކޮށްލީ ޖަވާބުދާރީވާން ފުރުސަތު ދޭން ޖެހޭ މަރުހަލާތައް ފުރިހަމަ ނުކޮށް ކަަމަށް ކޯޓުން ވަނީ ކަނޑައަޅައިފަ އެވެ. އެކަމަކު ވެސް ވެކްސިންގެ މައްސަލައިގައި ކޮޅެއްގައި ނުޖެހި، ޖޮކޮވިޗަށް އޮސްޓްރޭލިއަން އޯޕަންގައި ނުކުޅެވުނެވެ. ޖޮކޮވިޗް ނިންމީ ވެކްސިނާ ގުޅޭ ގޮތުން އިތުރު ވާހަކައެއް ނުދެއްކުމަށެވެ. 

Advertisement

އެ ނިންމުމާ އެކު، އޭނާ އަށް ގިނަ މުބާރާތްތަކެއްގެ ފުރުސަތު ގެއްލުނެވެ. އެ މުބާރާތްތަކަށް ބަލާއިރު، 2022 ވަނަ އަަހަރުގެ އޮސްޓްރޭލިއަން އޯޕަން އާއި 2022 އާއި 2023 ގެ އިންޑިއަން ވެލްސް މުބާރާތާއި 2022 އާއި 2023 ވަަނަ އަަހަރުގެ މިއާމީ އޯޕަން އަދި 2022 ވަނަ އަހަރުގެ ކެނޭޑިއަން އޯޕަން އަދި ސިންސިނާޓީ މާސްޓާސް ހިމެނެ އެވެ. 

ކޮވިޑް-19 ގެ ވެކްސިނާ ގުޅޭގޮތުން، ޖޮކޮވިޗްގެ އެ ނިންމުން ދިފާއުކޮށް، އޭނާ ވާހަކަ ދައްކާފައިވަނީ، ދާދި ފަހުން ނުކުތް އޭނާގެ ޑޮކިއުމެންޓްރީ، "ނޮވަކް ޖޮކޮވިޗް" ދި ވުލްފް އިން ވިންޓާ"ގަ އެވެ. 

"އަަހަރެން ވެކްސިން ނުޖެހީ އަހަރެން ކުރަން ނުޖެހޭ ކަމަކަށްވީމަ. ކީއްވެ އަހަރެން ވެކްސިން ޖަހަންވީ. އަަހަރެން ހުރީ ސިއްހަތު ރަނގަޅުކޮށް. އަަހަންނަކީ އެތުލީޓެއް. އަހަންނާ ކޮރޯނާ ޖެހުނު. އިމިއުނިޓީ ވެސް ލިބުނު. އަހަންނަކީ މީހަކަށް ނުރައްކަލަކަށް ވެސް ނުވޭ. އެހެންވީމަ، އަހަރެން ވެކްސިން ޖަހަން ޖެހޭ ކަމަށް ބަލަން ޖެހޭ ސަބަބެއް ނެތް،" ޖޮކޮވިޗް ބުންޏެވެ. 

"މިއީ އަހަރެންގެ މިނިވަންކަމާ ގުޅޭ ކަމެއް. އަހަރެން ކޮން ހައްގެއްގެ ބޭނުންތޯ ކުރަންވީ. މިއީ ކޮންމެ އިންސާނަކަށް ވެސް ސިއްހަތާ ގުޅޭ ކަންކަމުގައި އިހުތިޔާރު ލިބެންޖެހޭ ކަމެއް. އަމިއްލަ ކަންކަމުގައި ގޮތެއް ނިންމުމުގެ އިހުތިޔާރު ލިބެން ޖެހޭ (އެކަމަކު ކޮވިޑް ވެކްސިން ކަންކަމުގައި) ގިނަ ބައެއް އަތުން މި ހައްގު ނިގުޅައިގަތް،" 

އުމުރުން 39 އަހަރުގެ ޖޮކޮވިޗަކީ ޓެނިސް ތާރީހުގައި އެންމެ ކާމިޔާބު ފިރިހެން ކުޅުންތެރިޔާ އެވެ. ޓެނިހުގެ ގްރޭންޑް ސްލޭމް މުބާރާތްތައް އެންމެ ގިނައިން ކާމިޔާބުކުރި ކުޅުންތެރިޔާގެ ރެކޯޑް އޮތް ޖޮކޮވިޗް ވަނީ ޖުމްލަ އެކު، 24 ގްރޭންޑް ސްލޭމް މުބާރާތް ކާމިޔާބުކޮށްފަ އެެވެ. އެއީ، އޮސްޓްރޭލިއަން އޯޕަން 10 ފަހަރު، ފްރެންޗް އޯޕަން ތިން ފަހަރު، ވިމްބަލްޑަން ހަތް ފަހަރު އަދި ޔޫއެސް އޯޕަން ހަތަރު ފަހަރެެވެ. އޭނާ ވަނީ، 2024 ވަނަ އަހަރުގެ ޕެރިސް އޮލިމްޕިކްސްގައި ފިިރިހެން ސިންގަލްސް އިން ރަން މެޑަލް ހޯދައިފަ އެވެ. 

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox