ސާފް ޗެމްޕިއަންޝިޕް، ފީފާ ސާފް ކަޕް އަށް ހެދޭތޯ ޕްލޭނެއް

Aug 21, 2026, 9:49 AM
2023 ވަނަ އަހަރު އިންޑިއާގެ ބެންގަލޫރުގައި ބޭއްވި ސާފް ޗެމްޕިއަންޝިޕްގައި ރާއްޖެ އާއި ބޫޓާން ކުޅުނު މެޗުގެ ތެރެއިން.---- ފޮޓޯ: އަދަދު ސްޕޯޓްސް ފައިލް ފޮޓޯ

2023 ވަނަ އަހަރު އިންޑިއާގެ ބެންގަލޫރުގައި ބޭއްވި ސާފް ޗެމްޕިއަންޝިޕްގައި ރާއްޖެ އާއި ބޫޓާން ކުޅުނު މެޗުގެ ތެރެއިން.---- ފޮޓޯ: އަދަދު ސްޕޯޓްސް ފައިލް ފޮޓޯ

ދެކުނު އޭޝިއާގެ ގައުމުތަކުގެ މެދުގައި ބާއްވާ އެންމެ ބޮޑު ފުޓްބޯޅަ މުބާރާތް ސާފް ޗެމްޕިއަންޝިޕަށް ދުނިޔޭގެ މައި ފުޓްބޯޅަ ފެޑެރޭޝަން، ފީފާގެ އެއްބާރުލުން ހޯދައި، އެ މުބާެރާތް، ފީފާ ސާފް ކަޕް އަށް ހެދުމަށްޓަކައި ޕްލޭނެއް އެބައޮތް ކަމަށް ސައުތު އޭޝިއަން ފުޓްބޯލް ފެޑެރޭޝަން (ސާފް)ގެ ޖެނެރަލް ސެކްރެޓަރީ، ޕްރުޝޮތަމް ކަޓޭލް ވިދާޅުވެއްޖެ އެވެ. 

މި އަހަރުގެ ނޮވެމްބަރު 4-17 އަށް ބަންގްލަދޭޝްގެ ޑާކާގައި ބާއްވާ ސާފް ޗެމްޕިއަންޝިޕާ ގުޅޭގޮތުން، މީޑިއާ އަށް މައުލޫމާތު ދެމުން ކަޓޭލް ވިދާޅުވީ، ސާފް ޗެމްޕިއަންޝިޕްގެ މި ފަހަރުގެ މުބާރާތުގައި ވީޑިއޯ އެސިސްޓަންޓް ރެފްރީ (ވީއޭއާރް) ފުރަތަމަ ފަހަަރަށް ބޭނުންކުރުމަށްޓަކައި ވާން ޖެހޭ ތައްޔާރީ ވަމުން އަންނަ ކަމަށެވެ. އަދި، މުޅިން އަލަށް މުބާރާތަށް ތައްޔާރުކުރާ ޓްރޮފީއެއް އަންނަ މަހު ދައްކާލާނެ ކަމަށާއި މުބާރާތް އިތުރަށް ފުޅާ ކުުރުމަށްޓަކައި، ޕްލޭންތަކެއް އެބައޮތް ކަމަށް ކަޓޭލް ފާހަގަކުރެއްވި އެވެ. 

މި ފަހަރުގެ ސާފް ޗެމްޕިއަންޝިޕްގައި ވީއޭއާރް ލައިޓް ބޭނުންކުރުމުގެ ވިސްނުމެއް

ނޮވެމްބަރު މަހު ބަންގްލަދޭޝްގައި ބާއްވާ 15 ވަނަ ސާފް ޗެމްޕިއަންޝިޕްގައި ފުރަތަމަ ފަހަރަށް "ވީއޭއާރް ލައިޓް" ބޭނުންކުރުމަށް ސާފް އިން އަންނަނީ ތައްޔާރުވަމުން. މިކަމަށްޓަކައި ފީފާގެ ހުއްދަ ހޯދުމުގެ މަސައްކަތާއި، އާސިއާން ފުޓްބޯޅަ ފެޑެރޭޝަނާ ގުޅިގެން ޓެކްނިކަލް އެހީތެރިކަން ހޯދުމުގެ މަޝްވަރާތައް މިހާރު ދަނީ ކުރަމުން

ވީއޭއާރް ބޭނުންކުރުމަށްޓަކައި، ކުރިއަށްގެންދަން ޖެހޭ ޓެކްނިކަލް އެސަސްމަންޓްތައް މިހާރު ހިނގަމުން އަންނަކަން ފާހަގަކުރައްވައި، ކަޓޭލް ވިދާޅުވީ، މި ބަދަލާ އެކު، ސާފް ޗެމްޕިއަންޝިޕްގެ ފެންވަރު ކުރިއަށް ވުރެން ރަނގަޅުވާނެ ކަމަށެވެ. 

"ދެން، އެބައޮތް ޕްލޭނެއް، އަހަރެމެން މި ދަނީ ފީފާއާ އެކު މަޝްވަރާކުރަން ކަމެއްގައި. އަދި، މާ ބޮޑަށް ކުރިއަށް ނުދިޔަސް، ރަސްމީކޮށް ކަމެއް ނިމިފައި ނެތަސް. ދެން، އޮންނަ ސާފް ޗެމްޕިއަންޝިޕެއް ވެދާނެ، ފީފާ ސާފް ކަޕް އަށް،" ކަޓޭލް ވިދާޅުވި އެވެ. 

މިއީ، ދާދި ފަހުން ސައުތު އީސްޓް އޭޝިއާގެ އާސިއާން ކަޕް، ފީފާގެ އެއްބާރުލުމާ އެކީ، ފީފާ އާސިއާން ކަޕަށް ބަދަލުކުރުމާ އެއްގޮތް ކަހަލަ ޕްލޭނެކެވެ. ފީފާގެ އެންޑޯޒްމަންޓާ އެކު، ސާފް ޗެމްޕިއަންޝިޕް ކުރިއަށްދާނަަމަ، އާސިއާން ކަޕް ގޮތަށް ބަޖެޓެއް މުބާރާތަށް ލިބޭނެ އެވެ. އަންނަ މަހު ފަހުކޮޅު ފީފާ ބްރޭކްގައި ފަށާ، ފީފާ އާސިއާން ކަޕްގައި ކުޅޭ ކޮންމެ ގައުމަކަށް، 125،000 ޑޮލަރުގެ ބޯނަހެއް ދޭން ވަނީ ނިންމައިފަ އެވެ. ޕްރިމިއާ ޑިވިޝަން ޗެމްޕިއަނުންނަށް އެއް މިލިއަން ޑޮލަރު އަދި ޗެލެންޖް ޑިވިޝަން ޗެމްޕިއަނަށް 300،000 ޑޮލަރު ދޭން އޮތީ ނިންމައިފަަ އެވެ. 

މީގެ ކުރިން، ސާފް ޗެމްޕިއަންޝިޕްގެ ޗެމްޕިއަނުންނަށް 50،000 ޑޮލަރު އަދި ރަނަރަޕަށް 25،000 ޑޮލަރު ދީފައިވެ އެވެ. ކަޓޭލް ވިދާޅުވީ، މި ފަހަރުގެ ސާފް ޗެމްޕިއަންޝިޕްގެ އިނާމް ފައިސާ އާއި މެޗުތަކުގެ ޝެޑިއުލް އަންނަ ހަފްތާ އަށް ފަައިނަލް ކުރެވޭނެ ކަމުގެ އުންމީދު އެބައޮތް ކަމަށެވެ. 

މި ފަހަރު ބާއްވާ، ޓެކްނޯ ސާފް ޗެމްޕިއަންޝިޕް 2026ގެ ގުރުއަތުލުމުގައި ނޭޕާލްގެ ނަން ރަސްމީކޮށް ހިމަނާފައިނުވެ އެވެ. ގްރޫޕް އޭގައި އޮތީ މި ފަހަރުގެ ސާފް ޗެމްޕިއަންޝިޕް ހޯސްޓްކުރާ، ބަންގްލަދޭޝްގެ އިތުރުން، ބޫޓާން އާއި ސްރީ ލަންކާ އެވެ. ގްރޫޕް ބީގައި އޮތީ އެންމެ ފަހުގެ ޗެމްޕިއަން، އިންޑިއާގެ އިތުރުން ޕާކިސްތާން އަދި ރާއްޖެ އެވެ. 

މި ވަގުތު ފީފާގެ ސަސްޕެންޝަންގައި އޮތް ނޭޕާލަށް ސާފް ޗެމްޕިއަންޝިޕްގެ ފުރުސަތު އެއްކޮށް ގެއްލިފައިނުވެ އެވެ. ފީފާ އިން ނޭޕާލް ސަސްޕެންޑްކޮށްފައި އޮންނަތާ ދެ މަހެއްހާ  ދުވަސް ވަނީ ވެފަ އެވެ. ސެޕްޓެމްބަރު 30 ގެ ކުރިން ނޭޕާލްގެ ސަސްޕެންޝަންގެ ހާލަތު ބަދަލުވެއްޖެނަމަ، އެ ޓީމަށް ސާފް ޗެމްޕިއަންޝިޕްގެ ގްރޫޕް އޭ އިން ފުރުސަތު ދޭނެ އެވެ. 

ކަޓޭލް ވިދާޅުވީ، މިހާރު ދީފައި އޮތް މުއްދަތުގެ ތެރޭގައި، ނޭޕާލަށް ހާލަތު ބަދަލުނުކުރެވިއްޖެނަމަ، ދެން ސާފް އިން އިތުރު ފުރުސަތެއް ނުދޭނެ ކަމަށެެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox