ދިވެހިރާއްޖޭގެ ގައުމީ ދުވަހުގެ މުނާސަބަތުގައި ކޮންމެ އަހަރަކު ވެސް ބާއްވާ ރަސްމީ ބޮޑު ދިދަ ނެގުމުގެ ރަސްމިއްޔާތު ޖުމްހޫރީ މައިދާނުގައި މިއަދު ބާއްވައިފި އެވެ.
އެ ރަސްމިއްޔާތުގައި ރައީސް މުހައްމަދު މުއިއްޒާއި އެމަނިކުފާނުގެ އަނބިކަނބަލުން ސާޖިދާ މުހައްމަދާއި ނައިބު ރައީސް ހުސެއިން މުހައްމަދު ލަތީފް އަދި ސަރުކާރުން އެހެން ވެރިން ބައިވެރިވެވަޑައިގަތެވެ.
ދިދަ ނެގުމުގެ ރަސްމިއްޔާތުގެ އިތުރުން، އެ ރަސްމިއްޔާތުގައި ހާއްސަ ދުއާއެއް ވެސް ކުރި އެވެ. އަދި ރަސްމިއްޔާތު ނިންމާލުމުގެ ގޮތުން ސިފައިންގެ ބޭންޑުން ވަނީ ގައުމީ ސަލާމް ކުޅުފެ އެވެ.
ގައުމީ ދުވަސް ފާހަގަ ކުރަނީ ރަބީއުލްއައްވަލް މަހުގެ އެއް ވަނަ ދުވަހެވެ. ގައުމީ ދުވަސް ފާހަގަ ކުރަނީ ޕޯޗުގީޒުންގެ އަޅުވެތިކަމުން ދިވެހިން ސަލާމަތްވުން ފާހަގަ ކުރުމަށެވެ.
ޕޯޗުގީޒުންގެ ފަރާތުން ދިވެހިންނަށް މިނިވަންކަން ލިބުނީ ބޮޑު މުހައްމަދު ތަކުރުފާނު ހިންގެވި ގެރިއްލާ ސްޓައިލުގެ ދެކޮޅުވެރިކަމަކުންނެވެ. މަދު ބަޔަކާއެކު ކުޑަ އޮޑިއެއްގައި ނުކުންނަވައި، ބޮޑުތަކުރުފާނު ގެންދެވީ ފަހަރަކު ރަށެއް ޕޯޗުގީޒުންގެ އަތުން އަތުލަމުންނެވެ.
