ޕީއެސްޖީން ޖަޕާނުގެ ކީޕަރު ސުޒުކީ ގަންނަނީ

Aug 11, 2026, 5:21 PM
ޖަޕާންގެ ގޯލްކީޕަރު ޒިއޯން ސުޒޫކީ.

ޖަޕާންގެ ގޯލްކީޕަރު ޒިއޯން ސުޒޫކީ.

ޕެރިސް (އޮގަސްޓް 11) - އިޓާލިއަން ލީގުގެ ޕާމާ އަށް ކުޅެމުން އަންނަ ޖަޕާން ގައުމީ ފުޓްބޯޅަ ޓީމުގެ ގޯލްކީޕަރު، ޒިއޯން ސުޒުކީ، ޔޫރަޕްގެ ޗެމްޕިއަން ޕީއެސްޖީ އަށް ސޮއިކުރުމާ ގާތުގައިވާ ކަމަށް މީޑިއާ ރިޕޯޓްތައް ބުނެފި އެވެ. 

އުމުރުން 23 އަަހަރުގެ ސުޒުކީ އަކީ މި ވަގުތު ޔޫރަޕްގެ ފުޓްބޯޅައިގަައި ޑިމާންޑް ބޮޑު ގޯލްކީޕަރެކެވެ. މިދިޔަ ސީޒަނުގައި އިޓާލިއަން ލީގުގައި ޕާމާ އަށް 20 މެޗު ކުޅެދިން، ސުޒުކީ ކޮޅަށް ވަނީ 28 ގޯލެވެ. އަދި، މިދިޔަ ސީޒަނުގައި ލީގުގައި އޭނާ ވަނީ ފަސް ކްލީން ޝީޓް ފުރިހަމަކޮށްފަ އެވެ. 

އެމެރިކާ، މެކްސިކޯ އަދި ކެނަޑާގައި ޖޫން/ޖުލައިގައި ބޭއްވި ފީފާ ވޯލްޑް ކަޕް ފުޓްބޯޅަ މުބާރާތުގައި ސުޒުކީ ވަނީ ޖަޕާނުން ކުޅުނު ހަތަރު މެޗުގައި ވެސް ފުރަތަމަ އެގާރައިގައި ހިމެނިގެން ކުޅެފަ އެވެ. ބްރެޒިލް އަތުން ގަދަ 32 ޓީމުގެ ބުރުގައި ކެޓި ޖަޕާން ކޮޅަށް ވޯލްޑް ކަޕްގައި ފަސް ގޯލު ވަނެވެ. 

ސުޒުކީގެ ސޮއި ހޯދަން ފްރާންސްގެ ޗެމްޕިއަން، ޕީއެސްޖީން ޖުމްލަ އެކު 45 މިލިއަން ޑޮލަރު ހަރަދުކުރާނެ ކަމަށް ރިޕޯޓްތައް ބުނެ އެވެ. އެއީ، އެންމެ ފުރަތަމަ 35 މިލިއަން ޑޮލަރު ދީފައި، ބާކީ ފަހުން ބަހާލައިގެން، ވަކި ކަންތައްތަކެއް ފުރިހަމަވާނަމަ ދޭ ގޮތަށެވެ. 

ޕީއެސްޖީން ސުޒުކީ ގަންނަން ބޭނުންވި އެންމެ ބޮޑު ސަބަބަކީ، އެ ޓީމަށް މިދިޔަ ސީޒަނުގައި ކުޅުނު ގޯލްކީޕަރު، ލޫކަސް ޝެވަަލިއޭ، މި ފަހަރުގެ ޓްރާންސްފާ މާކެޓްގައި، އިޓާލިއަން ލީގުގެ ޔުވެންޓަސް އަށް ބަދަލުވުމަށާ މަސައްކަތް ކުރަމުން އަންނާތީ އެެވެ. އެ ގޮތުން، ޔުވެންޓަސް އިން ޝެވަލިއޭ ގެންދަނީ، ލޯން ޑީލެއްގެ ދަށުން ކަމަށް ރިޕޯޓްތައް ބުނެ އެވެ. ލިލް އިން މިދިޔަަ އަހަރު ޝެވަލިއޭ ގަންނަން ޕީއެސްޖީން، 60 މިލިއަން ޑޮލަރު ހަރަދުކުރި އެވެ. އެކަމަކު، އޭނާ އަށް ޕީއެސްޖީ ފުރަތަމަ އެގާރައިން ޖާގަ ގެއްލުނީ، ރަޝިއާގެ ކީޕަރު، މަޓްވެއި ސަފޯނޯވްގެ ފޯމު ރަނގަޅުވުމުންނެވެ. 

އެކަމަކު، ޕީއެސްޖީގެ ކޯޗު، ލުއިސް އެންރީކޭ، ސުޒުކީ ގެންނަން ބާރު އަޅަމުން އަންނަ ސަބަބަކީ، ފާސިންއާ ކަންކަމަށް ބަލާއިރު، ކޮލިޓީ ރަނގަޅުވުމުންނެވެ. 

ޕާމާ އިން މީގެ ދެ އަހަރު ކުރިން، ސުޒުކީ ގަތީ ފަސް މިލިއަން ޑޮލަަރަށް ފަސް އަހަރުގެ ކޮންޓްރެކްޓެއްގަ އެވެ. އެއީ، ބެލްޖިއަމް ޕްރޯ ލީގުގައި، ސިން ޓްރޫޑެންގައި ދެއްކި މޮޅު ކުޅުމުގެ ސަބަބުންނެވެ. އޭގެ ކުރިން، ސުޒުކީ ވަނީ ޖޭ ލީގުގެ ގަދަބާރު، އުރާވާ ރެޑް ޑައިމަންޑްސް އަށް ކުޅެފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox