ޕީއެންސީގެ ނައިބު ރައީސް ކަމަށް އެލްޖީއޭގެ ސީއީއޯ ނިމާލް ވެސް ވާދަކުރަނީ

ލޯކަލް ގަވަމަންޓު އޮތޯރިޓީގެ ސީއީއޯ މުހައްމަދު ނިމާލް: ޕީއެންސީގެ ނައިބުރައީސަކަށް ވާދަކުރައްވާކަން އޭނާ ވަނީ އިއުލާންކުރައްވާފައި --- ފޮޓޯ: އެލްޖީއޭ

ލޯކަލް ގަވަމަންޓު އޮތޯރިޓީގެ ސީއީއޯ މުހައްމަދު ނިމާލް: ޕީއެންސީގެ ނައިބުރައީސަކަށް ވާދަކުރައްވާކަން އޭނާ ވަނީ އިއުލާންކުރައްވާފައި --- ފޮޓޯ: އެލްޖީއޭ

ސަރުކާރު ހިންގާ ޕީޕަލްސް ނެޝަނަލް ކޮންގްރެސް (ޕީއެންސީ) ގެ ނައިބުރައީސަކަށް ލޯކަލް ގަވަމަންޓް އޮތޯރިޓީ (އެލްޖީއޭ) ގެ ސީއީއޯ މުހައްމަދު ނިމާލްވެސް ވާދަކުރައްވާނެކަން މިއަދު އިއުލާންކުރައްވައިފި އެވެ. 

ނިމާލް ފޭސްބުކްގައި ބުނީ އަންނަ މަހު އޮންނަ ޕީއެންސީގެ ކޮންގްރެސްގައި ޕާޓީގެ ނައިބުރައީސްކަމަށް އޭނާއަށް ތާއީދުކޮށްދިނުމަކީ ޕާޓީގެ މެންބަރުންނާއި ކޮންގްރެސްގައި ވޯޓުލާން ދާ ހުރިހާ މަންދޫބުންގެ ތާއީދަށްވެސް އެދޭ ކަމަށެވެ.

ޕީއެންސީގެ ނައިބުރައީސްކަން މިހާރުވެސް ކުރައްވަމުން ގެންދަވާ ނިމާލް ވިދާޅުވީ ޕާޓީ ވެރިކަމަށް ގެނައުމަށް މަގާމުގައި ހުންނަވައި އެންމެންގެ އަޑުއަހައިގެން ޓީމު މެންބަރެއްގެ ގޮތުގައި މަސައްކަތް ކުރެވުމަކީ އޭނާއަށް ލިބުނު އެންމެ ބޮޑު ހިތްހަމަޖެހުން ކަމަށެވެ. 

"ނިމިގެން މިދާ ދައުރުގެ ބޮޑުބައި އިދިކޮޅުގައި ޕާޓީއެއްގެ ގޮތުގައި އޮވެމެ، ޕާޓީގެ ނައިބު ރައީސެއްގެ ހައިސިއްޔަތުން، އޭރުގެ ސަރުކާރުން ކުރިމަތިކުރުވި އެކިއެކި ފިއްތުންތަކާއި ގޮންޖެހުންތަކާ އެކު ވެސް ގިނަގުނަ މަސައްކަތްތަކެއް ވަނީ ކުރެވިފައިވޭ. ނާއުންމީދުވި އެތައް ފަހަރަކުމެ ޕާޓީގެ ލޮބުވެތި މެންބަރުންގެ ފަރާތުންނާއި ލޮބުވެތި ގިނަ ރައްޔިތުންގެ ފަރާތުން ލިބުނު ހިތްވަރުގެ ބަސްތަކަކީ މި ކަމުގައި އަޅުގަނޑު ދެމިހުރުމުގައި ލިބުނު އެންމެ ބޮޑު އަސާސްކަމުގައި ދެކެން،" އޭނާ ވިދާޅުވި އެވެ. 

ނިމާލް ވަނީ ކުރިއަށް އޮތްތަނުގައި ވެސް ވަރުބަލިކަމެއް ނެތި ޕާޓީގެ މެންބަރުންނާއެކު މަސައްކަތުގައި ދެމިހުންނާނެ ކަމަމުގެ ޔަގީންކަން އަރުވާފަ އެވެ. އޭގެއިތުރުން ރާއްޖެ ވެއްޓިފައިވާ އަނދަވަޅުން ނެގުމަށް މުހައްމަދު މުއިއްޒު ކުރައްވަމުން ގެންދަވާ މަސައްކަތުގައި ޕާޓީގެ ފަރާތުންނާއި އަމިއްލަ ފަރުދީގޮތުން އެހީތެރިކަން ފޯރުކޮށްދޭނެ ކަމަށް އޭނާ ވިދާޅުވި އެވެ. 

ޕީޕީއެމް/ޕީއެންސީގެ ފުރަތަމަ ވެރިކަމުގައި ނިމާލް ވަނީ ސްރީލަންކާގައި ހުންނަ ރާއްޖޭގެ ހައިކޮމިޝަނުގެ މިނިސްޓަރ ކައުންސެލާ މަގާމާއި އެމްއާރުޑީސީގެ މެނޭޖިން ޑިރެކްޓަރުކަމާއި ފެނަކައިގެ މެނޭޖިން ޑިރެކްޓަރުކަން އަދި ޓޫރިޒަމް މިނިސްޓްރީގެ ނައިބުގެ މަގާމު ވެސް އަދާކުރައްވާފަ އެވެ.

ނިމާލްގެ އިތުރުން ޕީއެންސީގެ ނައިބުރައީސަކަށް ވާދަކުރައްވާނެކަން އިއުލާންކުރައްވާފައިވަނީ ފިޝަރީޒް މިނިސްޓަރު އަހްމަދު ޝިޔާމް އާއި ބާރަށު ދާއިރާގެ މެންބަރު އިބްރާހިމް ޝުޖާއު އާއި މާފަންނު މެދު ދާއިރާގެ މެންބަރު އަސްމާ ރަޝީދު އާއި ރައީސް އޮފީހުގެ ތަރުޖަމާނު މުހައްމަދު ހުސައިން ޝަރީފް އާއި އިކޮނޮމިކް މިނިސްޓަރު މުހައްމަދު ސައީދު އާއި ޔޫތު މިނިސްޓަރު އަބްދުﷲ ރާފިއު އަދި ނިލަންދޫ ދާއިރާގެ މެންބަރު ފާތިމަތު ސައުދާ އެވެ.

ޕީއެންސީގެ ނައިބު ރައީސަކަށް ހަ މެންބަރުން ހޮވަން ބާއްވާ އިންތިހާބުގައި އާންމު މެންބަރުންނަކަށް ވޯޓެއް ނުދެވޭނެ އެވެ. އެ އިންތިހާބުގައި ވޯޓު ދެވޭނީ ޕާޓީގެ މަތީ މަޖިލީހުގެ މެންބަރުންނަށެވެ. 

ޕީއެންސީގެ  ލީޑަރު އަދި ރައީސްއަކީ ރައީސް މުހައްމަދު މުއިއްޒެވެ. ޕާޓީގެ އަސާސީ ގަވާއިދުގައި ބުނާ ގޮތުން ޕީއެންސީގެ ވެރިކަމެއްގައި ޕާޓީގެ ލީޑަރުގެ މަގާމުގައި ހުންނަވާނީ ރައީސުލްޖުމްހޫރިއްޔާ އެވެ. އެހެންކަމުން އެ މަގާމަށް މީހަކު އިންތިހާބު ކުރާކަށް ނުޖެހޭނެ އެވެ. 

ޕީއެންސީގެ ނައިބު ލީޑަރުންގެ ގޮތުގައި މިވަގުތު ތިއްބެވީ ނައިބު ރައީސް ހުސެއިން މުހައްމަދު ލަތީފު އާއި ކުރީގެ ޑިފެންސް މިނިސްޓަރު ޣައްސާން މައުމޫން އާއި ފިޝަރީޒް މިނިސްޓަރު ޝިޔާމް އާއި އިގްތިސާދީ މިނިސްޓަރު ސައީދު އާއި މެންބަރު ސުޖާއު އާއި ނިމާލް އެވެ. 

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox