ވެރިކަންކުރާ ޕީއެންސީގެ ކޮންގްރެސް ރަސްމީކޮށް ފެށުމަށް ބޭއްވި ރަސްމިއްޔާތުގައި ރައްޔިތުންގެ މަޖިލީހުގެ ރައީސް އަދި އެ ޕާޓީގެ ޗެއާޕާސަން އަބްދުއްރަހީމް އަބްދުﷲ އަށް ދޫއޮޅިގެން ކުރީގެ ރައީސް އަބްދުﷲ ޔާމީންގެ ނަން ވިދާޅުވެވެން އުޅުއްވުމުން، އެކަމަށް އެމަނިކުފާނު މައާފަށް އެދިވަޑައިގެންފި އެވެ.
ޕީއެންސީގެ ކޮންގްރެސް ރަސްމީކޮށް ފެށުމަށް ޒުވާނުންގެ މަރުކަޒުގައި އަންގާރަ ދުވަހުގެ ރޭ ބޭއްވި ރަސްމިއްޔާތުގައި އަބްދުއްރަހީމަށް އެހެން ވިދާޅުވެވުނީ އަތޮޅުތަކަށް ދަތުރުތައް ފެށުމަށް ރައީސް މުހައްމަދު މުއިއްޒު އިރުޝާދު ދެއްވާފައިވާ ކަން ފާހަގަ ކުރައްވަމުން ދެއްކެވި ވާހަކަތަކުގަ އެވެ.
"މިހާރު އެ މަނިކުފާނު [މުއިއްޒު] ލަފާފުޅު ދެއްވަނީ ލަސްނުވެ ލީޑަޝިޕުން ދަތުރުތައް އިންތިޒާމުކުރަން. އަތޮޅުތަކަށް ދަތުރުތައް އިންތިޒާމުކުރަން. އަތޮޅުތަކަށް ގޮސް އަތޮޅުތަކުގެ މީހުން އެއްތަނަކަށް ގެނެސްގެން ޕާޓީގެ ހަރަކާތް ހިންގުމަުގައި ހިޔާލާއި މަޝްވަރާ ބަދަލުކޮށް، އަދި ދޭންޖެހޭ ތަމްރީނުތައް ދީ، އެ މީހުން ވާހަކަ އަޑުއަހައި، އަތޮޅު ފެންވަރުގައި ވެސް ސެމިނާތަކެއް ބޭއްވުމުގެ ވިސްނުން ރައީސް ޔާ ...ރައީސް ޑރ. މުހައްމަދު މުއިއްޒު މިއަދު ވަނީ އަޅުގަނޑުމެންނާ ހިއްސާ ކުރައްވާފައި،" އަބްދުއްރަހީމް ވިދާޅުވި އެވެ.
އެއަށްފަހު، ހިނިފުޅުވަޑުވަމުން ވިދާޅުވީ، "ވަރަށް ބޮޑަށް މައާފުކުރައްވާތި. ބައެއް ފަހަރު ދޫއޮޅޭ ގޮތް ވުމަކީ އެކަށީގެންވާ ކަމެއް،" ކަމަށެވެ.
އަބްދުއްރަހީމްއަކީ ކުރިން ޔާމީންގެ ސިޔާސީ މިތުރެކެވެ. އެ މަނިކުފާނު ޖަލުގައި އޮންނެވިއިރު، ޕީޕީއެމް،ޕީއެންސީ ކޯލިޝަން ހިންގެވުމަށް އިސްކޮށް ހަވާލު ކުރެއްވީ އަބްދުއްރަހީމްއާ އެވެ. ނަމަވެސް މިހާރު އަބްދުއްރަހީމްއަކީ ޔާމީންގ
އެންމެ ފަހުން ބޭއްވި ޕީއެންސީގެ ޖަގަހަ ޖަލްސާގައި އަބްދުއްރަހީމް ވަނީ ޔާމީންއަށް ވަރަށް ބޮޑަށް ފާޑުވިދާޅުވެފަ އެވެ.
