ތިން އަހަރުގެ ކޮންޓްރެކްޓެއްގައި ރެއާލާ ހަވާލުވާން މޮރީނިއޯ އެއްބަސްވެއްޖެ

May 29, 2026, 11:42 PM
ޕޯޗުގީސް ކޯޗު މޮރީނިއޯ: މިހާރު އޮތްގޮތުން އަންނަ ސީޒަނުގައި ރެއާލް މެޑްރިޑްގެ ކޯޗަކަށް ހުންނާނެ ކަމަށް ބެލެވެނީ މޮރީނިއޯ.

ޕޯޗުގީސް ކޯޗު މޮރީނިއޯ: މިހާރު އޮތްގޮތުން އަންނަ ސީޒަނުގައި ރެއާލް މެޑްރިޑްގެ ކޯޗަކަށް ހުންނާނެ ކަމަށް ބެލެވެނީ މޮރީނިއޯ.

މެޑްރިޑް (މެއި 29) - ތިން އަހަރުގެ އެއްބަސްވުމެއްގެ ދަށުން ރެއާލް މެޑްރިޑްގެ ކޯޗުކަމާ ހަވާލުވާން ޕޯޗުގީސް މަޝްހޫރު ކޯޗު، ހޮސޭ މޮރީނިއޯ އެއްބަސްްވެފައިވާ ކަމަށް މީޑިއާ ރިޕޯޓްތައް ބުނެފި އެވެ. 

އެހެން ނަމަވެސް، މޮރީނިއޯ، ރަސްމީކޮށް ރެއާލްގެ ކޯޗެއްގެ ގޮތުގައި މީޑިއާ އަށް އިއުލާނުކުރާނީ ޖޫން 7 ވަނަ ދުވަހު އޮންނަ ރެއާލްގެ އިންތިހާބަށް ފަހު އެވެ. އަދި، މޮރީނިއޯ، 63، އާ އެކު ރެއާލުން މި ސޮއިކުރި އެއްބަސްވުން ހިނގާނީ، ރެއާލްގެ ރައީސަކަށް މި ވަގުތު ހުރި ފްލޮރެންޓީނޯ ޕެރޭޒް އަށް މަގާމު ދެމެހެއްޓިއްޖެނަމަ އެވެ. 

ޕެރޭޒްއާ ދެކޮޅަށް މި ފަހަރުގެ އިންތިހާބުގައި ރެއާލްގެ ރައީސް ކަމަށް ވާދަކުރަނީ، މަޝްހޫރު ވިޔަފާރިވެރިޔާ، އެންރީކޭ ރިކޭލްމޭ އެވެ. އޭނާ އަކީ، މިދިޔަ 20 ވަރަކަށް އަހަރު ތެރޭ، ރެއާލްގެ އިންތިހާބެއްގައި، ޕެރޭޒާ ދެކޮޅަށް ޗެލެންޖަކަށް ނުކުތް ފުރަތަމަ ކެންޑިޑޭޓެކެވެ.

Advertisement

ޕެރޭޒް، 2009 އިން ފެށިގެން ރެއާލްގެ ރައީސްކަން ކުރައްވަމުން އަންނައިރު، މީގެ ކުރިން، 2000 އިން 2006 އަށް ވެސް ރެއާލްގެ ރައީސްގެ މަގާމު ފުރުއްވި އެވެ. ޕެރޭޒަށް ރެއާލްގެ ރައީސްގެ މަގާމުގައި ހުންނަވަން ޕްރެޝަރު ބޮޑުވަމުން އަންނަނީ، ޖެހިޖެހިގެން ދެ ސީޒަނުގައި ތަށްޓެއް ނުލިބި ސީޒަން ނިންމާލަން ޖެހުމުންނެވެ.

އެހެން ނަމަވެސް މި ފަހަރުގެ އިންތިހާބުގައި ވެސް ޕެރޭޒް ކާމިޔާބު ހޯއްދަވާނެ ކަމަށް ރިޕޯޓްތައް ބުނެ އެވެ. 

ޗެލްސީ، މެންޗެސްޓާ ޔުނައިޓެޑް، ޓޮޓެންހަމް، އިންޓަ މިލާން، ރޯމާ އަދި ފެނަބާޗޭގެ ކުރީގެ ކޯޗު މޮރީނިއޯ ނިމިދިޔަ ސީޒަނުގައި ކޯޗުކޮށްދިނީ ޕޯޗުގަލްގެ ބެންފީކާ އަށެވެ. މޮރީނިއޯ އަލުން ރެއާލާ މި ހަވާލުވަނީ، 13 ވަރަަކަށް އަހަރު ފަހުންނެވެ. އޭނާ ވަނީ، 2010 އިން 2013 އަށް ރެއާލަށް ކޯޗުކޮށްދީފަ އެވެ. އޭރު އެ ޓީމަށް އޭނާ ވަނީ، ސްޕެނިޝް ލީގާއި ސްޕެނިޝް ކަޕް އަދި ސުޕަ ކަޕް ކާމިޔާބުކޮށްދީފަ އެވެ. 

މިދިޔަ ސީޒަން ފެށިއިރު، ރެއާލުން ކުޅުނީ ޒަބީ އަލޮންސޯގެ ކޯޗުކަމުގަ އެވެ. ޖެނުއަރީ މަހު، އަލޮންސޯ، ރެއާލްގެ ކޯޗުކަމުން ވަކިކުރިއިރު، އޭގެ ފަހުން، ސީޒަނުގެ ފަހު ބައިގައި ރެއާލަށް އިރުޝާދުދިނީ ބީ ޓީމުގެ ކޯޗަކަށް ހުރި އެ ޓީމަށް ކުރިން ކުޅުނު ޑިފެންޑަރު، އަލްވާރޯ އާބެލޯއާ އެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox