ފެނަކައާ ހަވާލު ކުރި 243 ޕްރޮޖެކްޓުގެ ތެރެއިން ކުރިއަށް ދަނީ ހަތް ޕްރޮޖެކްޓު: ނާޒިމް

ދިއްގަރު ދާއިރާގެ މެންބަރު އަހުމަދު ނާޒިމް ރައްޔިތުންގެ މަޖިލީހުގެ ޖަލްސާއެއްގައި ވާހަކަ ދައްކަވަނީ: ނާޒިމް ވިދާޅުވީ އެސްއޯއީތަކުން އުޅެނީ ނުވާނެއޭ ބުނަން ނުކެރިގެން ކަމަށް --- ފޮޓޯ: ރައްޔިތުންގެ މަޖިލިސް

ދިއްގަރު ދާއިރާގެ މެންބަރު އަހުމަދު ނާޒިމް ރައްޔިތުންގެ މަޖިލީހުގެ ޖަލްސާއެއްގައި ވާހަކަ ދައްކަވަނީ: ނާޒިމް ވިދާޅުވީ އެސްއޯއީތަކުން އުޅެނީ ނުވާނެއޭ ބުނަން ނުކެރިގެން ކަމަށް --- ފޮޓޯ: ރައްޔިތުންގެ މަޖިލިސް

ރަށްރަށުގައި އޮފީސް އިމާރާތްތަކާއި ޕޮލިސް ޕޯސްޓުތަކާއި ސްކޫލްތައް ހިމެނޭހެން ފެނަކަ ކޯޕަރޭޝަނާ ހަވާލުކޮށްފައިވާ 243 ޕްރޮޖެކްޓުގެ ތެރެއިން މަސައްކަތް ކުރިއަށް ދަނީ އެންމެ ހަތް ޕްރޮޖެކްޓުގެ ކަމަށް ދިއްގަރު ދާއިރާގެ މެންބަރު އަހުމަދު ނާޒިމް މިއަދު ވިދާޅުވެއްޖެ އެވެ.

އެސްއޯއީ ކޮމިޓީގައި ނާޒިމް މި އަދަދު ހާމަކުރެއްވީ ފެނަކައާ ހަވާލުކޮށްފައި ހުރި ޕްރޮޖެކްޓުތައް ކުރިއަށް ނުދާ މައްސަލައިގައި އެ ކުންފުނީގެ މެނޭޖުމަންޓުތަކަށް ވަރަށް ބޮޑަށް ފާޑުވިދާޅުވަމުންނެވެ. 

ނާޒިމް ވިދާޅުވީ ގޮތުގައި ފެނަކަ ހިމެނޭހެން، ދައުލަތުގެ ކުންފުނިތަކާ ޕްރޮޖެކްޓުތައް ހިންގަން މި ސަރުކާރުން ހަވާލުކުރީ އެންމެ ހަރަދު ކުޑަ ގޮތަކަށް އެ ޕްރޮޖެކްޓުތައް ހިންގުމުގެ މަގުސަދުގައި އެވެ. އެކަމަކު ސަރުކާރުން ރޭވި ގޮތަކަށް ކުންފުނިތަކަށް އެ މަސައްކަތް ނުކުރެވުނުއިރު، މިހާރު ކުންފުނިތަކުން އުޅެނީ ނުވާނެއޭ ބުނަން ނުކެރިގެން ކަމަށް އޭނާ ވިދާޅުވި އެވެ.

"އަޅުގަނޑަށް ގަބޫލުކުރެވެނީ ފެނަކައިގައި އޭރު ތިއްބެވި ބޭފުޅުންނަށް ވެސް އަދި މިހާރު ތިއްބެވި ބޭފުޅުންނަށް ވެސް ނުވާނެއޭ ބުނަން ނުކުރެނީ ކަން ނޭނގެ، ނުވާނެކަން އެނގޭ އިރު ވެސް. ނުވާ ތަން ފެންނަން އޮންނަ އިރު ވެސް، ނުވާކަން ބުނަން ނުކެރިގެން ގޮސް ހަވާލުވަނީ. ހަވާލުވެގެން ގޮސް ދެން މި ދަނީ ނުފެށި، ނުކުރެވި، މިދަނީ" ނާޒިމް ވިދާޅުވި އެވެ. 

ނާޒިމް ވިދާޅުވީ، ފެނަކައިގެ ޕްރޮޖެކްޓުތަކުގެ މައުލޫމާތު ލިބުނީ އޭނާއަކީ "އަޑުތައް އަހާ މީހަކަށް ވާތީ" ކަމަށެވެ. ނަމަވެސް ހަގީގީ އަދަދުތައް ސީދާ ފެނަކައިން ކަށަވަރުކުރަން އޭނާ ހުށަހެޅުއްވީ  އެ ކުންފުނިން އަމިއްލައަށް ހިންގަމުން އަންނަ ޕްރޮޖެކްޓުތަކާއި ސަރުކާރުން އެ ކުންފުންޏާ ހަވާލުކޮށްފައިވާ ޕްރޮޖެކްޓުތަކާއި އަދި އެ ކުންފުނިން ސްޓެލްކޯއާ ހަވާލުކުރި ތިން އަތޮޅުގައި ހުރި ޕްރޮޖެކްޓުތަކަށް ވާގޮތެއް ހިމެނޭހެން ތަފުސީލުކޮށް މައުލޫމާތު ސާފުކުރާށެވެ. 

އެސްއޯއީ ކޮމިޓީން ވަނީ ނާޒިމްގެ ހުށަހެޅުމަށް ތާއީދުކޮށް، ފެނަކައިގެ މިހާރުގެ މެނޭޖުމަންޓު ހާޒިރުކޮށްގެން އެ ކުންފުނިން ހިންގަމުން އަންނަ ޕްރޮޖެކްޓުތަކުގެ އަދަދާއި އަދާހަމަ ހޯދަން ފާސްކޮށްފަ އެވެ.

ނާޒިމްގެ އިތުރުން ވެސް ކޮމިޓީގައި ތިއްބެވި އެހެން ޕީއެންސީ މެންބަރުން ވެސް ވަނީ ފެނަކައިގެ މަސައްކަތްތަކާ މެދު ހިތްހަމަނުޖެހިގެން ވާހަކަ ދައްކާފަ އެވެ. އެ ހުރިހާ މެންބަރުން ވެސް މައިގަނޑު ގޮތެއްގައި ބުނީ މި ސަރުކާރުގައި ފެނަކަ ހިންގި އެއްވެސް މެނޭޖުމަންޓަކަށް ރަނގަޅަށް މަސައްކަތް ނުކުރެވޭ ކަމަށެވެ. 

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox