ލަންޑަން (އޮގަސްޓް 2) - އާސެނަލް ޓީމު ވަރުގަދަ ކުރަން ކުރާ މަސައްކަތުގައި ފަަހަތަށް ޖެހުމުގެ ވިސްނުމެއް ނެތް ކަމަށާއި އެކަން ކުރިއަށްދާ ކަމަށް އިނގިރޭސި ޕްރިމިއާ ލީގުގެ އެންމެ ފަހުގެ ޗެމްޕިއަން، އާސެނަލްގެ ކޯޗު، މިކޭލް އާޓެޓާ ބުނެފި އެވެ.
މި ފަހަރުގެ ޓްރާންސްފާގައި އާސެނަލުން ވަނީ މިދިޔަ ސީޒަނުގައި އެ ޓީމަށް ކުުޅުނު ޑިފެންޑަރު، ޕިއޭރޯ ހިންކަޕިއޭގެ ކޮންޓްރެކްޓް ދާއިމީ ކޮށްފަ އެވެ. އެއީ، 50 މިލިއަން ޑޮލަރުގެ ޑީލެއްގަ އެވެ. އަދި، ކްލަބް ބްރޫޖަށް 50 މިިލިއަން ޑޮަލަރު ދީފައި ކްރިސްޓޯސް ޒޯލިސްގެ ސޮއި ހޯދި އާސެނަލުން ވަނީ ހިލޭ ޓްރާންސްފާއެއްގައި ލީޑްސް ޔުނައިޓެޑްގެ ކީޕަރު، އިލާން މެލިއޭ ގެނެސްފަ އެވެ. އާސެނަލުން ވަނީ 20 މިލިއަން ޑޮލަރަށް ލެއަންޑްރޯ ޓްރޮސާޑް ވިއްކާލުުމުގެ އިތުރުން 19 މިލިއަން ޑޮލަރަށް ޔަކޫބް ކީވިއޯ، ޕޯޓޯ އަށް ދޫކޮށްލައިފަ އެވެ.
މީގެ އިތުރުން، ނިއުކާސަލް ޔުނައިޓެޑްގެ ކެޕްޓަން، ބްރޫނޯ ގިމާރޭސް، 95 މިލިއަން ޑޮލަރުގެ ޑީލެއްގައި އާސެނަލާ ގުޅުމާ ގާތަށް ގޮސްފައިވާއިރު، ރެއާލް މެޑްރިޑްގެ ވިނީޝިއުސް ޖޫނިއާ އަކީ ވެސް އާސެނަލުން ފާރަލަމުން އަންނަ ކުޅުންތެރިއެކެވެ.
އާ ސީޒަން ފެށެން ތިން ހަފްތާއެއްހާ ދުވަހަށް ވެފައިވާއިރު، ކުރިއަށް އޮތް ސީޒަނަށް އާސެނަލް ތައްޔާރުވާ މިންވަރާ ގުޅޭގޮތުން، އަދި ޓްރާންސްފާގެ ކަންކަމާ ބެހޭގޮތުން، ކުރި ސުވާލަަށް ދިން ޖަަވާބުގައި އާޓެޓާ ބުނީ، ގިނަ މަސައްކަތްތަކެއް ކުރަމުން އަންނަ ކަމަށެވެ.
"ޓީމު ވަރުގަދަ ކުރަން ކުރާ މަސައްކަތް ހުއްޓައެއް ނުލަން. ވަރަށް ސާފުކޮށް އެކަން އޮތީ. ވަރަށް ގިނަ ހަރަކާތްތަކެއް ކުރިއަށް އޮތް ހަފްތާތަކުގައި ހިނގާނެ. އެހެން ހުރިހާ ޓީމެކޭ އެއްގޮތަށް އަހަރެމެން ވެސް މި ދަނީ ޓީމު ވަރުގަދަ ކުރަން މަސައްކަތް ކުރަމުން، މަޑުމަޑުން ތިބެގެން ވާދަވެރިންނަކާ ހަަމައެއް ނުކުރެވޭނެ. ޓްރާންސްފާ މާކެޓްގައި ވަރަށް ރަނގަޅަށް އެބަ ފެނޭ ކަންކަން ހިނގާ ގޮތް،" އާޓެޓާ ބުންޏެވެ.
އޭނާ ބުނީ، އިނގިރޭސި ޕްރިމިއާ ލީގުގެ އެހެން ކްލަބްތަކުން ޓްރާންސްފާ މާކެޓްގައި ޓީމު ވަރުގަދަ ކުރުމަށްޓަކައި، އެކި ގޮތްގޮތުން މަސައްކަަތް ކުރަމުން އަންނަ ކަމަށާއި އާސެނަލުން ކާމިޔާބީ ތަކުރާރުކޮށް ކުރިން އޮތް ލެވަލަށް ވުރެން ކުރިއަށްދާނަަމަ، އިތުރަށް ޓީމު ރަނގަޅުކުރަން ޖެހޭނެ ކަމަށެވެ.
ބާވީސް އަހަރަށް ފަހު މިދިޔަ ސީޒަނުގައި އާސެނަލުން ވަނީ އިނގިރޭސި ޕްރިމިއާ ލީގުގެ ތަށި އުފުލާލައިފަ އެވެ. އަދި، 20 އަހަރު ތެރޭ ފުރަތަމަ ފަހަރަށް ޔުއެފާ ޗެމްޕިއަންސް ލީގުގެ ފައިނަލުގައި ވަނީ ކުޅެފަ އެވެ. އެކަމަކު، ޕެނަލްޓީ ޖަހައިގެން ޗެމްޕިއަންސް ލީގުގެ ފައިނަލުގައި އާސެނަލް ވަނީ ޕީއެސްޖީ އަތުން ބަލިވެފަ އެވެ.
