އެމްއެފްޑީއޭގެ ހުއްދަ ނުނަގައި އާންމު ފިހާރަތަކުގައި އެއްވެސް ބޭހެއް ވިއްކުން މަނާކޮށްފި

ސޯސަން މަގު އޭޑީއޭ ކުރިމަތީގައި ހުންނަ ބޭސް ފިހާރަ ބަރި: ދެން އެއްވެސް ކަހަލަ ބޭހެއް ފިހާރައެއްގައި ވިއްކުން މަނާ ވާނެ --- ފޮޓޯ: އަދަދު

ސޯސަން މަގު އޭޑީއޭ ކުރިމަތީގައި ހުންނަ ބޭސް ފިހާރަ ބަރި: ދެން އެއްވެސް ކަހަލަ ބޭހެއް ފިހާރައެއްގައި ވިއްކުން މަނާ ވާނެ --- ފޮޓޯ: އަދަދު

މޯލްޑިވްސް ފުޑް އެންޑް ޑްރަގު އޮތޯރިޓި (އެމްއެފްޑީއޭ) ގެ ހުއްދަ ނުނަގައި، އެ އޮތޯރިޓީގެ ރަޖިސްޓްރީކޮށްފައިވާ ބޭސް ލިސްޓުގައި ހިމެނޭ އެއްވެސް ބޭހެއް ވިއްކުން މަނާކޮށްފި އެވެ.

އެމްއެފްޑީއޭއިން ނިމުނު ހަފުތާގެ ތެރޭގައި ގެޒެޓުކުރި ބޭހާ ބެހޭ ގަވާއިދުގައި ވަނީ، އެ އޮތޯރިޓީން ބޭހެއްގެ ގޮތުގައި ގިންތިކޮށް ރެގިއުލޭޓުކުރާ އެއްވެސް ބާވަތެއް އާންމު ފިހާރަތަކުގައި ބެހެއްޓުން މަނާ ކަމަށެވެ. މިހެންކަމުން ފިހާރަތަކުން އާންމުކޮށް ލިބެން ހުންނަ ޕެނަޑޯލް އާއި "ހައިޑްރަލައިޓް" ފަދަ ބޭސް ސިޓީއަކާ ނުލައި ވިއްކޭ "އޯވާ ދަ ކައުންޓާ" ބޭސްތައް ވެސް ފިހާރަތަކުގައި ބެހެއްޓުން މަނާ ވާނެ އެވެ. 

މި ގޮތަށް މަނާކުރި ނަމަވެސް އެމްއެފްޑީއޭއިން ވަނީ އޯވާ ދަ ކައުންޓާގެ ގޮތުގައި ގިންތިކޮށްފައިވާ ބޭސްތައް، އެ މިނިސްޓްރީގެ ހުއްދައެއް ނަގައިގެން އާންމު ފިހާރަތަކުން ވިއްކޭނެ ކަމަށް ބުނެފަ އެވެ. 

Advertisement

އެމްއެފްޑީއޭގެ ބޭހާ ބެހޭ ގަވާއިދު ގެޒެޓުކުރި ނަމަވެސް އެ ގަވާއިދަށް އަމަލުކުރަން ފަށަނީ ގެޒެޓުކުރި ތާރީހުގެ 90 ދުވަސް ފަހުންނެވެ. މިހެންކަމުން ބޭސް ވިއްކަން ބޭނުންވާ ފިހާރަތަކަަށް މި މުއްދަތު ހަމަވަންދެން ބޭއް ވިއްކޭނެ އެވެ. ނަމަވެސް ގަވާއިދަށް އަމަލުކުރަން ފަށާ ފަހުން މި ގޮތަށް ހުއްދަ ނުނަގާ ބޭސް ވިއްކާ ނަމަ ފިޔަވަޅު އެޅުމުގެ ބާރު އޮތޯރިޓީއަށް އޮވެ އެވެ. 

އެ އޮތޯރިޓީއަށް ދެވޭ އަދަބަކީ ނަސޭހަތް ދިނުމާއި 10،000ރ. އިން ފެށިގެން އެއް ލައްކަ ރުފިޔާއާ ދެމެދުގެ އަދަދަކުން ޖޫރިމަނާކުރުމެވެ. މި ގޮތަށް އަޅާނެ ފިޔަވަޅެއް ނިންމާނީ އެ ކަމެއްގެ ކުޑަ ބޮޑު މިނަށް ބަލައި އެމްއެފްޑީއޭއިން ކަމަށް ގަވާއިދުގައި ވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox