އަސާސީ ބޭހުގެ 80 ޕަސެންޓު ބޭސްފިހާރަތަކުން ލިބެން ޖެހޭނެ ކަމަށް ކަނޑައަޅައި ބޭސް ހަމަކުރަން ހަ މަސްދުވަސް ދީފި

ބޭސްފިހާރައެއްގެ ބޭރުން ނަގާފައިވާ ފޮޓޯއެއް -- ފޮޓޯ: އަދަދު

ބޭސްފިހާރައެއްގެ ބޭރުން ނަގާފައިވާ ފޮޓޯއެއް -- ފޮޓޯ: އަދަދު

ބޭސްފިހާރަތަކުން ލިބެން ޖެހޭނެ ކަމަށް ކަނޑައަޅާފައިވާ އަސާސީ ބޭހުގެ މަދުވެގެން 80 ޕަސެންޓު އެ ފިހާރައަކުން ލިބެން ޖެހޭނެ ކަމަށް ކަނޑައަޅައި ބޭސް ހަމަކުރުމަށް ހަ މަސްދުވަހުގެ މުއްދަތެއް މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން ދީފި އެވެ.  

ރާއްޖޭގެ ސިއްހީ ނިޒާމުގެ ތެރެއިން ފޯރުކޮށްދޭން ޖެހޭ އަސާސީ ބޭސް މެދުނުކެނޑި ލިބެން ހުންނަކަން ކަށަވަރު ކުރުމަކީ އެމްއެފްޑީއޭގެ ޒިންމާއެކެވެ. އަސާސީ ބޭހުގެ ލިސްޓު މުރާޖާކޮށް އިއްޔެ އެ އިދާރާއިން ވަނީ ޝާއިއުކޮށްފަ އެވެ. އެ ލިސްޓާއެކު ބޭސްފިހަރާތައް ގިންތިކޮށް ގައިޑްލައިނެއް ވެސް ވަނީ އެކުލަވާލާފަ އެވެ. 

ފުރަތަމަ ގިންތީގައި ހިމެނޭ ބޭސްފިހާރަތަކަކީ ހޮސްޕިޓަލެއްގެ ގޯތި ތެރޭގައި ގާއިމުކޮށްފައި ނުވާ އާންމު ފިހަރާތަކެވެ. އެ ފިހާރަތަކުން ލިބެން ޖެހޭ އަސާސީ ބޭހުގެ ލިސްޓުގައި ހިމެނެނީ 185 ބޭހެވެ. 

Advertisement

އެ ތަންތަނުން ވިއްކާ ބޭހުގެ ތެރޭގައި އާންމުކޮށް ދިމާވާ ކުއްލި ބަލިމަޑުކަމަށް ފަރުވާކުރާ ބޭހާއި، ދިގު މުއްދަތަކަށް ކާން ޖެހޭ ބޭހާއި، އަސާސީ ސިއްހީ ހިދުމަތުގެ ދަށުން ފަރުވާދެވޭ ބަލިތަކުގެ އިތުރުން، ބަލިތަކުން ރައްކާތެރިވުމަށާއި އެހީތެރިކަން ފޯރުކޮށްދިނުމުގެ ގޮތުން ދެވޭ ފަރުވާތަކަށް ދޭ ބޭސްތަކެކެވެ. 

""ހުރިހާ ފާމަސީ އެއްގައި ވެސް ފާމަސީއަކަށް ކަނޑައެޅިފައިވާ ބޭހުގެ 80 ޕަސެންޓު ބޭސް ލިބޭނެ އިންތިޒާމު ހަމަޖައްސަން ވާނެ،" އެމްއެފްޑީއޭއިން ބުނެފައިވެ އެވެ.

ދެވަނަ ގިންތީގައި ހިމެނޭ ބޭސްފިހަރާތަކަކީ ހޮސްޕިޓަލާއި ސިއްހީ ހިދުމަތް ދޭ ތަންތަނުގެ ތެރޭގައި ގާއިމުކޮށްފައިވާ ބޭސް ފިހާރަތަކެވެ. މި ފިހާރަކުން ފުރަތަމަ ގްރޭޑުގެ ފިހާރަތަކުން ލިބޭ ހުރިހާ ބޭހެއް ލިބެން ހުންނަން ޖެހެ އެވެ. އެ ލިސްޓުގައި 381 ބޭހެއް ހިމެނެ އެވެ.

އޭގެ އިތުރުން، ހާއްސަ އެކި ބަލިތަކަށް ދެވޭ ފަރުވާ (ސްޕެޝަލިސްޓް ކެއާ) އާއި، އެނދުމަތިކޮށްގެންނާއި އެނދުމަތިނުކޮށް ހޮސްޕިޓަލުން ދޭ ހިދުމަތްތަކަށާއި، ސިއްހީ ކުއްލި ނުރައްކަލުގެ ހާލަތްތަކުގައި ދެވޭ ފަރުވާ އާއި، ކްރިޓިކަލް ކެއާ އަދި ނުރައްކާތެރި ނުވަތަ ބޮޑެތި ބަލިތަކަށް ފަރުވާކުރުމަށް ބޭނުންވާ އިތުރު ބޭސްތައް ހިމެނެ އެވެ.

"މި ބަދަލާއެކު މިހާރު ހިންގަމުންގެންދާ ފާމަސީތައް، ގިންތި ކުރެވިފައިވާ ގްރޭޑާ އެއްގޮތަށް ހުރިހާ ބޭހެއް މިއަދުން ފެށިގެން ހަ މަސްދުވަހުގެ ތެރޭގައި ލިބޭނެ އިންތިޒާމު ހަމަޖައްސަން ވާނެ،" އެމްއެފްޑީއޭއިން ބުނެފައިވެ އެވެ. 

އަލަށް ރަޖިސްޓްރީކުރާ ބޭސްފިހާރަތަކަށް ހުއްދަ ދޫކުރާނީ އެ ފިހާރާއެއް ހިމެނޭ ގިންތީގައި ހަމަކުރަން ޖެހޭ ހުރިހާ ބޭހެއް ހަމަކުރުމުން ކަމަށް ވެސް އެމްއެފްޑީއޭގެ އިއުލާނުގައި ބުނެފައިވެ އެވެ. 

އިއްޔެ އާންމުކުރި ގައިޑްލައިންގައި ވާ ގޮތުން ބޭސްފިހާރަތަކުން ތިން މަސްދުވަހުގެ މުއްދަތެއްގައި ދޫކުރެވުނު ބޭހުގެ މައުލޫމާތާއި އެވްރެޖް މިންވަރު ހިސާބުކޮށް ބަލަހައްޓަން ޖެހެ އެވެ. އަދި އެ މައުލޫމާތަށް ބަލައި އަސާސީ ބޭހުގެ އެއް މަސްދުވަހުގެ ސްޓޮކް ފިހާރަތަކުގައި ބަހައްޓަން ޖެހެ އެވެ. 

މި ގައިޑްލައިނަށް އަމަލުނުކުރާ ބޭސްފިހާރަތަކުގެ އޮޕަރޭޓިން ލައިސެންސް 14 ދުވަހުގެ މުއްދަތަށް ސަސްޕެންޑު ކުރެވޭނެ ކަމަށް ބަޔާންކޮށްފައިވެ އެވެ. 

ސަރުކާރުގެ ބޭސްފިހާރާތައް ހިންގަން ހާއްސަ ކުންފުންޏެއް ވެސް ވަނީ އުފައްދާފަ އެވެ. އެ ކުންފުނި ސަރުކާރުން އުފެއްދީ ބޭސް ނުލިބުމުގެ މައްސަލަ ވަރަށް ބޮޑުވެފައި ވަނިކޮށެވެ. އަދިވެސް އެ މައްސަލައަކަށް ހައްލެއް ނުލިބެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox