ޖަޕާން ފަސޭހަކޮށް ނަގައިފިއްޔާ ބްރެޒިލަށް ދެރައެއް ލިބިދާނެ

Jun 29, 2026, 7:40 AM
މި ފަހަރުގެ ވޯލްޑް ކަޕްގައި ބްރެޒިލުން ކުޅުނު މެޗެއްގެ ތެރެއިން މާކީނިއޯސް.

މި ފަހަރުގެ ވޯލްޑް ކަޕްގައި ބްރެޒިލުން ކުޅުނު މެޗެއްގެ ތެރެއިން މާކީނިއޯސް.

ހިއުސްޓަން، ޔުނައިޓެޑް ސްޓޭޓްސް (ޖޫން 29) - ފީފާ ވޯލްޑް ކަޕް ފުޓްބޯޅަ މުބާރާތުގެ ގަދަ 32 ޓީމު ވާދަކުރާ ނޮކައުޓް ބުރުގައި ބްރެޒިލުން ކުޅޭ މެޗުގައި ޖަޕާނާ ދެކޮޅަށް ކުޅެން ފަސޭހަ ވިސްނުމެއްގައި މެޗަށް ނުކުމެއްޖެނަމަ، ބްރެޒިލަށް ދެރައެއް ލިބުމުގެ ފުރުސަތު އެބައޮތް ކަމަށް އެ ޓީމުގެ ކެޕްޓަން، މާކީނިއޯސް ބުނެފި އެވެ. 

މިދިޔަ އޮކްޓޫބަރު މަހު ކުޅުނު އެކުވެރިކަމުގެ މެޗެއްގައި ބްރެޒިލުން ދެ ގޯލު ޖަހާފައި ވަނިކޮށް ޖަޕާނުން ވަނީ ފަހަތުން އަރައި 3-2 އިން މޮޅުވެފަ އެެވެ. މިރޭ، ވޯލްޑް ކަޕްގައި މި ދެ ޓީމުން ވާދަކުރާ މެޗުގެ ކުރިން އެންމެ ގިނަ ބަޔަކު ދައްކަނީ އެ މެޗުގެ ވާހަކަ އެވެ. މެޗުގެ ކުރިން އޮތް ނޫސްވެރިންގެ ބައްދަލުވުމުގައި ވެސް އެ މެޗާ ގުޅުވާފައި ކުޅުންތެރިންނާއި ކޯޗުންނާ ވެސް ސުވާލުތައް ކުރިމަތިކުރުވި އެވެ. 

"އެއީ އަހަރެމެންނަށް ވަރަށް ގިނަ ކަންތައްތަކެއް ދަސްވި މެޗެއް. އެ މެޗުން ހާމަވެގެންދިޔަ މިދިޔަ އަހަރުތަކުގައި ބްރެޒިލުން އިންޓަނޭޝަނަލް ފުޓްބޯޅައިގަައި އޮތް ގޮތް. މި ވޯލްޑް ކަޕާ ހަމައަށް އަހަރެމެންނަށް ގިނަ ޓެސްޓްތަކެއް ކުރިމަތިވެއްޖެ. ކޯޗު (އަންޗެލޮޓީ) މިހާރު އޮތް ބްރެޒިލް ޓީމަށް އެންމެ ރަނގަޅު ގޮތްތައް އެ ދަނީ ބަލަމުން. އަހަންނަށް އެއްވެސް އިރެއްގައި ބްރެޒިލް މެޗުތައް ބަލަން ދަނޑު ބޭރުގައި އިންނަން ފަސޭހައެއް ނޫން،" މާކީނިއޯސް ބުންޏެވެ. 

މާކީނިއޯސް ބުނީ، ޖަޕާނަކީ ޓީމެއްގެ ގޮތުގައި ވަރަށް ވިސްނުންތެރިކަމާ އެކު ތަފާތު ދައްކާ ޓީމެއްކަން އެންމެ ފަހުން މި ދެ ޓީމު ބައްދަލުކުރި މެޗުގައި ވެސް ހާމަވެގެން ދިޔަ ކަމަށެވެ. ހަމަ އެ ގޮތަށް މި ފަހަރުގެ ވޯލްޑް ކަޕްގައި ބްރެޒިލުން ގްރޫޕް ސްޓޭޖުގައި ކުޅުނު ފަހު މެޗުގައި ސްކޮޓްލެންޑް އަތުން 3-0 އިން މޮޅުވިއިރު، ބްރެޒިލަށް ވެސް ޓީމެއްގެ ގޮތުގައި ތަފާތު ދެއްކިދާނެކަން އެނގިގެންދިޔަ ކަަމަށް މާކީނިއޯސް ދެކެ އެވެ. 

"މިހާރު މި އޮތީ މުޅިން ހާލަތު ބަދަލުވެފައި. އަހަރެމެން. މިހާރު މި ތިބީ ގަދަ 32 ޓީމު ވާދަކުރާ ބުރުގައި. މިއީ، މުޅިން އާ މުބާރާތެއް،" މާކީނިއޯސް ބުންޏެވެ. "ޖަޕާނަކީ ފަސޭހަ ޓީމެއް ނޫން، ރަނގަޅަށް ވިސްނުން ނުބަހައްޓައިފިއްޔާ ދެރައެއް ލިބިދާނެ،"

އޭނާ ބުނީ މިދިޔަ ދުވަސްތައް ހޭދަކުރީ ޖަޕާން ޓީމު ދިރާސާ ކުރުމުގައި ކަމަށެވެ. އަދި، ވިސްނުންތެރިކަމާ އެކު އެ މެޗަށް ތައްޔާރުވަނީ ޖަޕާންގެ ރަނގަޅު ކަންކަން ދަނެގެން، ބްރެޒިލްގެ ހުރި ކޮލިޓީގެ ބޭނުންހިފޭނެ ގޮތަށް މެޗުން މޮޅުވުމަށް ކަމަށް މާކީނިއޯސް ވަނީ ބުނެފަ އެވެ. 

ގްރޫޕް ސްޓޭޖުގައި ހިނގައިދިޔަ ހުރިހާ ކަމެއް މިހާރު އެއީ މާޒީ ކަމަށާއި ނޮކައުޓް މެޗަކަށް ވާން ޖެހޭ ހުރިހާ ގޮތަކަށް ތައްޔާރުވެގެން ޖަޕާން މެޗު ފަސޭހަކޮށް ނުނަގައި މޮޅުވާން އަމާޒުހިފަން ޖެހޭ ކަމަށް މާކީނިއޯސް ވަނީ ތަކުރާރުކޮށް ބުނެފަ އެވެ. 

"އަހަރެމެންގެ އެންމެ. މޮޅު ކުޅުން ދައްކައި، ނަތީޖާ ނެރެން ބޭނުން،" މާކީނިއޯސް ބުންޏެވެ. 

ފަސް ފަހަރު ވޯލްޑް ކަޕްގެ ޗެމްޕިއަންކަން ހޯދާފައިވާ ބްރެޒިލުން އެންމެ ފަހުން މި މުބާރާތް ކާމިޔާބުކުރީ 2002 ވަނަ އަހަރު އެވެ. . ބްެރެޒިލާ ދެކޮޅަށް ކުޅޭއިރު ޖަޕާން ވަނީ ބަލިނުވެ ޖެހިޖެހިގެން 10 މެޗު ހަމަކޮށްފަ އެެވެ. އެކަމަކު، ބްރެޒިލާ ދެކޮޅަށް މިހާތަނަށް ޖަޕާން ކުޅުނު 14 މެޗުގެ ތެރެއިން މޮޅުވީ އެންމެ މެޗަކުންނެވެ. އެގާރަ މެޗުން ބްރެޒިލް މޮޅުވިއިރު، ދެ މެޗު ނިމުނީ އެއްވަރުވެގެންނެވެ. 

މިރޭ ބްރެޒިލުން ޖަޕާނާ ދެކޮޅަށް ކުޅޭ މެޗު ފަށާނީ 10 ޖަހާއިރު އެވެ

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox